نغم في ظل الرجال

البارت الرابع عشر14

مَن يُحبّ فقط : لا يقْسو ، لا يهملْ ، لا يملْ، لا يكذب ، لا يخادع ، لا يهْرب ...
لا يختبئ خلْف أعذار مُصطنعة ..من يحب" يحارب "
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
نغم /عززززززه
اباوع من نزلني بسطحهم دشداشتي صاعده وكلشي امبين
نزلت اهدومي بسرعه بدون مااباوع بوجه فشلت حيل ملحكت ادفعه جرني بسرعه وطفرني بسطحهم
كعدني بالكاع  رجيت ظهري واني ارجف على الحايط وهو مقابيلي ادنه عليه
دفعته من صدره حمزه شبيك ليش هيج سويت عفيه خلي اطفر وانزل لا يجي اخوي جرني عليه واني احجي وحضني جمدت بمكاني  حتى النفس كتمته من الصدمه بقيت بدون نفس ثواني واختنكت وجريت نفس  بس بخوف
دفعته من صدره  وكمت بسرعه
حمزه:على كيفج اسف تمام مااحضنج تعاي بس اكعدي شويه
نغم:رجعت كعدت وهو بصفي لزك بس بقه لازم ايدي
وضوه الكمر بيناتنا بس !اي ضوه ماكو 
حمزه:نغم احبج
نغم:كلبي كام يرجف  اعصابي ترجف خوف وخجل وخليط مشاعر
مدافرزن شنو احساسي بضبط
حمزه: كولي احبك سمعيني  خلي اطير بالسمه واعلك
نغم:ابتسمت وكتله واني هم
حمزه:وانتي هم شنو كوليها
نغم/ عركت وصرت مي اني هم احبك كوه طلعت من حلكي
حمزه:يمه كلبي بعد مااكدر شو تعاي
نغم: جرني على صدره وحضني واثنينه نرجف
ودكات كلبنه سوه ادك حسيت على نفسي دفعته هلمره قوي
وبسرعه اجيت على السياج اصعد بس مكدرت واني لابسه دشداشه
اشلون على الاقل يرادلي طابوكه حسيت على ايدين حاوطتني
وانرفعت يمه شعوري ب انهيار بساعتها عبرني هو وبسرعه نزلت
اذكرت خاف جايين واطلع صوت كمت على كيفي
انتبهت ماكو صوت طبيت لغرفتي شمرت نفسي على الفراش
ورجعت ارتعش من الحب والرومانسيه الصارت ماادري شوكت نمت
،،،،،،،،،،،،،،،،
كعدت ثاني يوم واني اسعد انسانه بالكون هيج احساسي
اشتغل وافتر بالبيت بكل حماس ابوس بصوصي
والعب وياه واضحك شعور ماحاسته ولا عايشته قبل
شيلان شويه احسن وضعها كعدت واكلت بس عبالك فاصله بغير دنيا
مدري تعبانه ومالها خلك بس ابد لا تحاجيني ولا تاذيني مرتاحه من هاي الناحيه كلش بعد ما كملت كل شغلي بالبيت اجوي نسوان عليه
جابولي دشاديش لان موسم صيف وفصالات جديده من رحت للسوك
شفت فصالات هوايه اجنن كاعده اخيط بعد ماراحو النسوان
وسمعت عيطه جوه نزلت اركض وصوصي ورايه ينزل
شفت احمد اخوي وعصام
احمد صاير تنور من الغضب

احمد: ماادري شنو اتريد بضبط  تتامر عليه وتتشرط
اريد اسكن وحدي ويم اهلي كلت ميخالف وطلعت واجرت وكعدتها باحسن
بيت اريد البنات بروضه تعبت واريد ارتاح منهم كم ساعه
كلت امري لله وحطيتهم بروضه واني يعز عليه بناتي
يتبهذلون واجيت كتلي شكو بيها ويتعلمون واني كلت كلام عصام
صحيح بس هسه مليت تعال حلها شوفلي جاره
معنده ومتريد ترجع لبيتها تعال اكعد وي اهلي
يعني تالي عمري اصير اكعيدي تعقلها
عصام:هاي مرتك اتريد تتطلك بس متعرف
اشلون اتفاتحك بالموضوع اشو تكعد عد اهلها اتخبلت لعد بيت وكامل
ويخبل اكو وحده هيج اتفكر هي منو لاكيه هيج بيت
احمد:لا ست الحسن تتبطر عليه هي مو ام بيت كوه خليني ساكت
اشو لا طبخ لا شغل لا تنظيف اهدومي اغسلهن بيدي اجواريبي
اشيلهن اذبهن بزبل عود شنو تتنكس واضوج ويوميه اني مشتري درزن جواريب
عصام: اتخليها بالغساله وتغسلها ليش بزبل
احمد: هاي بعد متريد اتخليهن بالغساله اذبهن بالزبل لا الغساله تتوسخ
تره اني شايف ضيم الله وعباده لا عبالك مرتاح هاي بلقيس
تاليتها طلاك وكول كال احمد تعبتني ومااعرف شنو اتريد
عصام: اهلها موخوش وانت عندك بنات اني من هاي اكلك لا تهجم بيتك
واطلك والحضانه للام ايضيعن بالرجلين حرامات بناتك
احمد: اني هم افكر بيهن وهي عرفت منين تلزمني بس اخ لو قبل صايره
هاي اسوالفها جان ادفره وبنفس اللحضه اطلك
عصام:هسه هي شنو متقبل ترجع قافله يعني
احمد: اي اتكلي روح بيع الغراض وتعال نكعد يم اهلي فوك
كتله خوب ليش طلعتيني من بيت اهلي وجبتيني اهنا وهسه
تردين اكعد يم اهلج شنو هذا الفلم اتكلي اريد اهلي مااريد اخوك
ومرته بت الكلب فوك ما محترمج ومكعدج بيت مثل الاوادم معاجبها بت الفكر
عصام:كول ياالله  اليوم اني اجي وياك انروح على بيت اهلها واني احلها
احمد/صاير اتخبل منها ومااطيقها بودي الزمها اخنكها اطلع روحها بيدي
عصام:يمعود لا اسويلنه قدر انوبه شنو تخنكها اذكر الله مرتك وام بناتك واصير هاي المواقف بين كل اثنين وتنحل انشاءلله