نغم في ظل الرجال

البارت الخامس(5)

"نحن الذين لا نعرف معنى الفضفضة، نبتلع الغصة تلو الأخرى، ثم نمضي ممتلئين متضخمين قابلين للانفجار.
بـــــــــقلم مريمانهـ 🖍🥀

وحدي الخوف اكل كلبي اكل اتمرمرت حيل الوب وماادري شسوي افرك بيدي اهناك للعشره وتندك الباب بصوت قوي......

!!!!!!!!!!!!!!!!!!!!!!!!!!!!!!!!!!!!!
نـــــغم
فتحت الباب مشفت غير علاء وكع عليه ووكعنا اثنينه بالكاع اثأري جان منتجي على الباب من فتحتها وكع عليه كومته كوه مابي حيل
وريحته تذبح جهلت الريحه لان مشامتها قبل عبالي متخربط او مصخن كمت ارجف واحاجي
'"""""""""""""""""""'
علاء شبيك حبيبي حاجيني
علاء: ما....ب...يه شي لا ....تخا...فين
نغم: بالكوه يطلع الكلمه وثكيل كوه سحلته للغرفه متت والريحه كتلتني علاء شنو هاي الريحه
علاء: هه هه هه ... لج نغم شنو هذا الجمال ... مضيعني
نغم: يا جمال علاء اسألك عن الريحه البيك وليش هيج وضعك جسته ما بي صخونه لعد شنو بي بقيت حايره
علاء: ه...اي ريح..ة عمبه وثوم هههههههه
نغم: يكلي عمبه وثوم مدري صدوك لو يضحك على عقلي نزعته اهدومه واني شاكه بي هاي موريحة ثوم ابد معقوله هيج يسووي الثوم والعمبه اني جنت مااعرف ريحة الشرب ولا شايفه احد سكران
لان اخوتي مايشوبون ولا اني شايفه احد قبل فمعرفت هذا سكر من اثر الشرب هو راساً نام وكام يشخر بصوت عالي
؛؛؛؛؛؛؛؛؛؛؛؛؛؛؛؛؛؛؛؛؛
علاء :نغومتي  كعدي حبيبتي
نغم: همم كعدت 
علاء: صحي النوم صباحو عسل وكيمر
نغم: صباح النور واذكرت سالفه الليل درت وجهي بمعنى زعلانه منه
علاء:شبيج حبيبتي ليش درتي وجهج عني
نغم: اسأل نفسك البارحه شبيك؟
علاء:شبيه شسويت
نغم: يعني حضرتك اتغشم نفسك
علاء:عصرت دماغي اريد اذكر بس مذكرت شي سألتها احجي نغومه شكو
نغم: البارحه أتاخرت  لليل ومااجيت ومن اجيتني مااعرف شبيك لسانك ثكيل وبيك ريحه مطيبه واسألك اتكلي ثوم وعمبه
علاء: اهوو اذكرت البارحه جنت سهران وي جماعتي وشربنه
حرت شنو اجاوبها. جريته عليه وكمت ابوس بيها وادغدك بيها وهي تضحك وكدرت انسيها السالفه وعشنه لحضات حلوه بعدها كمت سبحت وحضرت الجاي واتوكلت على شغلي

نغم: طلع علاء واني كلي حماس لان عندي وجبه خبز راح اشتغل للعالم وام ظامن كلتلي بعدها نكعد نتعلم خياطه  صارت ساعه ب9ونص اندكت الباب كلت هاي خاله اجتي ركضت فتحتها
ام ظامن: صباح الخير
صباح النور هله خاله  اتفضلي
ام ظامن: سويلي جاي وتعاي حتى انبلش اعلمج
نغم: جانت جايبه بيدها علاكه
ام ظامن: شبيج نغومه اشو مو على بعضج صاير شي
نغم: فكرت احجيلها على علاء ام ظامن صارت علاقتي بيها قويه
ولله خاله البارحه علاء اتاخر وووووووو حجيتلها كلشي
ام ظامن: يا ولج يا ثوم يا بصل هذا رجلج سكران يعني مخمور
نغم: صدوك خاله يعني كذب عليه زين وهو السكران شنو يصير بي ليش هيج
ام ظامن:سوده عليه يمه انتي شكد فطيره ومتعرفين بلحياة شي فعلا قطه مغمضه يمه هاي الخمور محرمه بالقران الشخص من يشرب بعد يفقد ما يحس بروحه شنو يصرف وشنو يحجي فرجلج من كعد الصبح ميذكر هو شمسوي شفتي شلون ناسي
نغم: زين خاله هو هسه هم يرجع يشرب بعد اني شسوي
ام ظامن: شمدريني يخاله انتي احجي وياه في خالة اذا اتكرر الموضوع بس هو جنه عرف بيج انتي مو داركه الموضوع ولا تعرفين بسكران
نغم: اي يضحك عليه بقيت دايخه بالموضوع وخايره بضيمي علاء شجابه على الشرب وليش هيج سوه
ام ظامن: تعاي هسه خلي اعلمج اتخيطين الزميلج مهنه تفيدج
باجر عكبه تحتاجيها واذكريني
نغم: كعدنه وبدت خاله اتعلمني التفصال واشلون افصل واخيط
ام ظامن: ليش ما تجين يمي بالمكينه مالتي اعلمج مو احسن
نغم: لو عليه اجي بس اعذريني علاء ميقبل اطلع غير بس انزل اخبز
ام ظامن: لا حبيبتي معذوره باجر اجيبلج المكينه مالتي خليها يمج
اني ماامحتاجتها
نغم: ولله خاله انتي الله دزج هديه الي مااعرف لوما انتي جان محد علمني
ام ظامن: وانتي هم عزيزتي الله يحفظج الي وتبقين يمي طول العمر
"""""""""""""""""
نغـٰــ ـــــم
مرت حوالي اربع اشهر بهاي الفتره اتعلمت اخيط وجابتلي خاله ام ظامن المكينه مالتها النسوان بالمنطقه عرفوني اخيط واخبزوصرت نادره وشاغوله واتعلمت بسرعه هوايه  يجوني اما علاء فكام يشرب
ويتأخر لليل ويرجعلي سكران واني احجي وياه بس ميفيد صح مدللني وممقصر وياي واني ايظاً كمت اساعده بالمصرف وشلت عنه حمل هوايه بحيث مرات اطلع الايجار والعيشه الله رزقني
احلا شي عندي جاري ابو الاغاني هذا احسه مثل التلفزيون
فدشي اتونس من اشوفه ويوميه يشغل اغاني وعرفته من عشاق جورج وسوف من خلال الاغاني  بالنهار وبليل اطفي الضوه واباوعله من الشباك يدرس بالبالكونه ويدخن 
!!!!!!!!!!!
مثل كل يوم اخلص النهار بين شغل وطبخ اخياط وخبز يجيني الليل اكعد اتحضر لعلاء على امل انو يجي من وكت مكيجت وفليت شعري الي هو ملفوف وطولان كلش لبست دشداشة نوم لونها  من الصدر اسود ومنقط ابيض ومن جوه وردي طويله وبيها فتحه صفح بقيت انتظر علاء عبرت السبعه وعرفته مراح يجي خاب املي وبقبت انتظر ضلمت الدنيا  ساعه بالعشره ردت اباوع من البالكونه باوعت جاري ساد الشباك والناس كله بالبيوت الا حظي مدري وين يسهر ويجيني يطوطح  فتحت البالكونه وطلعت اباوع واني بسيت النوم عيني على الشارع هلبت اشوف علاء لان الشارع من بعيد يبين رفعت راسي لكيت جاري يباوعلي اثاري طالع واني منتبهت كبل طبيت وسديت البالكونه وكلبي يرجف من الفشله
اجه علاء  طافي صايره فلم هندي يغني صاير ام كلثوم