متابعيني الاعزاز
تفاعلكم ويا قصتي يشجعني على الاستمرار
يعني لا تصويت ولا تفاعل المن انشر
من اشوف المشاهدات 5الاف والتعليقات والتصويت قليل جدا
كلش انقهر على الاقل ارفعولي التصويت 💐
حطيتلكم صورة شبيه لحمزه بالعيون تقريبا اختلاف بالون 🥀
امد طولي اعله ضلك وارد اشبگنك
حلات البيك تاخذني لطواري الشوك
وانت الكمر جنك !
البارت السابق 📝
من كد ما حبوب هوايه بس عبالك الحبوب ما مأثره على جماله ابد سألني وهو يباوع بوجهي
منو انتي ؟
هااا اني نغم وانت
اني حمزه
.....
نغم : اباوع عليه ابتسم وصافن عليه واني بنفس الصفنه
حمزه: نغم حلو الاسم مثل صاحبته
نغم: كلبي كام يرجف عيونه بيها فد جاذبيه مو طبيعيه بحيث ركزت بعيونه
بكل جرائه كتله شكراً وانتبهت على نفسي نزلت عيني بس بعديش
حمزه: انتي نفسها الخياطه مو ؟
نغم: اي اني انت ابن ام راشد
حمزه : اي ابنها هاي اول مره نشاوف بيها خوش صدفه شعجب
صعدتي للسطح العالي
نغم: اتحمحمت ضجت وحبيت اصعد اني اعتذر لان باوعت عليك
حمزه: لا عادي اني يوميه اهنا انام من بده الصيف اذا تردين يوميه تعاي
نسولف ضوجه احنه جيران
نغم: لا ميصير ماكدر
حمزه: وليش ميصير ماعندج فضول تتعرفين عليه جيرانكم اني
نغم: اني اعرف امك وتقريبا اعرفكم
حمزه: ومتحبين تتعرفين عليه شخصياً
نغم: لا اعتذر
حمزه: متاكده
نغم: اي طبعا
حمزه : ههه بس اني عندي فضول وقوي هم
نغم: انت تدرس طالب
حمزه: هههههههه طلعتي عندج فضول اكثر مني
نغم: جفصت خرب كتله لا اسفه مو قصدي يله انزل بكيفك لا ترد
حمزه: لا يمعوده اوكفي
نغم: رجعت نعم !
حمزه: اي طالب مرحله اولى طب
نغم: مفتهمت شنو مرحله اولى وين يعني جنت مااعرف كلش بمواضيع الدراسه والمراحل
حمزه: معقوله مسامعه بالجامعه مرحله اول
نغم: ها هسه فهمت يعني بالصف الاول كليه
حمزه: لا مايسمو صف من واحد يوصل الجامعه يكول مرحله اول
حمزه: انتي بيا صف لو مبطله
نغم: مبطله ممكمله شي
حمزه: ها
نغم: عفت ابن اخوي جوه راح اروح
حمزه: فرصه سعيده
نغم: شكرا
حمزه: نغم انتظرج تصعدين باجر
نغم: لا مااكدر
حمزه: انتظرج حتى لو مو باجر بكيفج راح ابقه انتظر
نغم: ابتسمت خجلت ونزلت اركض وكلبي يدك سريع وخدودي جمر
عزه هذا شنو يمه ارجف مثل السعفه خطيه وجهه ليش هيج الحبوب بي
اتمنيت اعرف فد علاج او شي يروح الحبوب الي بوجهه
لك ها صوصي بعدك على كعدتك اوووف من يكعد يلعب يفصل عن الدنيا
عمري جان كلش زين وهادئ ابد مااياذي مثل باقي الاطفال الله راحمني بي
اخذته ونزلنه اعشي لكيت عصام يصلح بسيارته ايده كلها دهن وشيلان تفتر بالمطبخ بيدها كلاص عصير كعدت شويه اني اجيت سويت عشه لصوصي
كامت تركض للحمام اذب من راسها انقهرت عليها صدوك مكاعد تكدر تاكل لكمه او تشرب شي راساً تتخربط طلعت تبجي من الحمام
أنت تقرأ
نغم في ظل الرجال
Roman d'amour#قصة حقيقيه فتاة تعيش عدة تجارب انفصال ...خيانه ...ظلم ...وحده عانت وتحطمت وقعة في اغلاط ماذا ستحصد وكيف ستدفع الثمن تعرفوا عليها
