نغم في ظل الرجال

الحادي عشر ج2

الكاتبه مريمانه✍️
حال نغم💔🥺
منو بكدي فتح صفحه جديدة ؟
ومنو اتندم لحد ماا خلصت ايده
انه الخلصت ضهره السجاجين ،،
وانه الي يحب جتاله ويريده ...
اخ من البرود التارس الناس ...
وانه حرورتي تجوي الحديده ..
مابالغت مره وكلت معصوم ...
ولكن طيبتي الغلطه الوحيده .

نغم : اباوع على صادق اكل الراشدي وسوده عليه مصدوم
صادق:ليشششش تضرررربيني شسويت اني
نغم :دفعتها واجيت عليه سوده عليه حبيبي ارجع نام امي ماكوشي خفت تحجي كدامه هو بعده ما مستوعب ولا عرف شكوو ارجف وابجي
حرام عليج هيج اسوين

عصام : هاي شكووو شنو هلصياح ادبسزز
شيلان:شوف اختك الساقط.... العار بغرفة ابني مصلخه شعدها
عصام:شنو هلحجي ولج  نغم شسوين اهنا
نغم:تلعثمت ارسد الكيلي حجه احجيها كلشي اتبخر من راسي
كتله صادق جان نايم خطيه عوفوو
عصام: شعندج نازعه بغرفة صادق
نغم:مخنوكه  بالبجي بالكوه احجي تهمه باطله وقذره عقلي مديستوعبها
كتله ولله بس جنت اشلع العلامه من البلوز وطبيت صدفه
شو هذا راساً جرني من ايدي وصادق يصيح عوفها اني جنت نايم
ونزلني الدرج اتعثر واني ابجي وهذيج اتعد واصف عليه
شيلان:حقيره يا سالفه يا عار
نغم:ما سويت شي ولله عوفني هذا ابني انتو شنووو من عقل
طلعني بالمنور وره البيت وقفل الباب عليه  وبقيت بره ابجي ودنيا ليل بعدها
وظلمه واني منا عندي خوف مااتحمل اسمع اسيا وصادق يبجون بصوت عالي ويصيحون افتح الباب جرهم ابوهم من يم الباب وراحو
وبقيت وحدي ابجي  واتحسب الله  بجيت بحركه كلب
وين فرت السالفه عليه واشلون سوو هيج بيه
بقيت كاعده بالكاع لحد ما جهجر الوكت وبده الصبح يطلع عليه
واني ابجي وكلبي معصور طلعت الشمس وحاره
تكرمون انحصرت اريد اطب حمام ادك بالباب
محد يفتحلي واكفه بالباب مال المنور جام من هاي القديمه
اباوع شفت اسيا وصادق يمشون على اطراف اصابيعهم
وصلو يم الباب يفتحون بيها مفتاح ماكو قافلها بالمفتاح
ايست اشرتلهم روحو واسيا تبجي وحاطه ايدها على الجامه
بقو واكفين لحد ما اجه ابوهم عاط بيهم وخرهم من يم الباب
ادك بالباب واصيح افتحلي الباب وهو سادها عليه
ميقبل يفتحها ويصيح من وره الباب

عصام: انجبي الا اربيج من جديد
نغم:اريد افوت حمام حرام عليك مثانتي طكت ابجي لان اني صاحبة ضغط
مااتحمل لازم حمام اشرب مدرر بالعلاج
يربي وين اروح ممر كصيف وبي بلوع بنهايته زين يطل على بيوت
ومكشوف استحي اباوع على البلوع ومداكدر اروح اسوي حاجتي
احس حيلي انهد ارجف كمت الوب وادك بالباب والحقراء محد يفتح بيهم
كرهتم كره بساعتها كمت اشوفهم دم اسنوني.
مااعرف شكد الوقت بس الشمس عاموديه انصلخت حر
عيوني توجعني كامت متت كل شويه ادك الباب اهجم بيها
رجعت كعدت وحطيت عيني بعين الله
مر الوكت واني حاصره روحي طكيت
اخر شي متحملت كمت على البلوعه نزعت
وابلوع داير مداير البيت خاف احد شافني ابجي
كملت ورجعت كعدت بالزاويه وحطيت راسي بين رجليه
خجلانه من نفسي خاف احد شافني من الجيران
بقيت اندعي انو محد شافني انشاءلله
مر وقت واني على كعدتي طكيت جوع وعطش
وتعب منايمه شويه وسمعت احد يصوفر استحيت مارفعت
راسي ابالي خاف احد شافني وديصوفرلي رجع يصوفر
رفعت راسي على كيفي لكيت صادق من الشباك الفوك
يطل على المنور اني اول مره انتبه اياشرلي
اشرتله جان يمدلي من فوك سطله  مال مسح بيها يده رابطها بالشالات مالتي
منين اجته هاي الفكره مااعرف بقيت اتاني لحد ما نزلت السطله ولزمتها
لكيت ماعون اكل وعلاجي وبطل مي بجيت واباوع ايدزولي بوسات
الله شال الحنيه من ابوهم وامهم وزرعها بهذوله الجهال
اخذت البطل مي شربته وكل شويه ارفع راسي الكاه بعد ينتظرني اكمل
واكلت بالماعون بتيته وصوصج هو مسويه اعرف من خلال
البتيته ميعرف يسوي  بس دوائر  صادق اكلتهن بسرعه بشراهه
كد ما جوعانه وشربت علاجي واشرتله سحب السطله
رجعت كعدت وبقيت على هاي الكعده لحد ما بدت الشمس تطلع
انحصرت مره ثانيه وكمت ابجي كلت هذوله يردون يموتوني
ماكو غيرها مشفت غير فتح الباب عليه وكف يباوعلي