على كيفكم ويا نوغه 🌼 حبايبي
❤️❤️لا تقسون عليها
ياخذني السكوت اشراع لعيونك
واضم عن شوفتك تعبي
واجيس اچفوفك الحلوة
اغاني وشمس عصرية وشعر شعبي !
بقلمي مريمانهـ ✍️
اركض ......وحافيه رجلي اجرحت
ريكي يابس والهث وبالكوه اجر النفس
.....عطشانهـ واباوع شارع طويل رجليه تعبت
من الركض من اوكف !!!
يصير الشارع اظلم اخاف وارجع اركض يبدي يجيني
ضوه بعيد" ،، اباوع من بعيد شفت حذاء
كلت اي راح البس حذاء برجلي ركضت على الحذاء
ياااا انصدمت !!!!! هذا رجالي بس ايخبل جديد خلي البسه توني البس بي اجاني صوت من الخلف خشن كلش جفلت ورجف كلبي كال
هذا الحذاء الي انداريت بشكل بطيئ واني كلي خوف شفت رجلين رجال بديت اباوع ارفع عيني على طول جسمه ضخم توني ارفع راسي على وجهه ملحكت
ومشفت وجهه ؛؛
فزيت مخروعه هاي شنو هذا حلم اني داحلم ممصدكه
حلم مستحيل هذا عبالك حقيقه اباوع داير ميدوري اي هذا صوصي نايم واني بغرفتي ودنيا فجر توه مجهجر الضوه وصوت عصافير كعدت فاحطه وعبالك صدوك جنت اركض
ورجليه توجعني معقوله هذا حلم وهيج اني
تعبانه هاي يمكن من الهبطه الاكلته البارحه
خرب جان انلكفت لوما اتلاحك لنفسي من عاط عصام وكال
هاي شكوووو فز حبيبي صوصي وبجه
نغم: جاوبته بزونه جانت بسطح ركعت الباب
عصام:انعل بليسها موتتنه بزازين لو غضب
نغم:جريت نفس خرب جان انسحلت وتاليتي للنجف
رجعت نيمت صادق وبعدها ماحسيت على نفسي
...........
خايفه من هذا الحلم رجلي احسها توجعني اتلمستها مابيها جروح
بس عطشانه ميته ماكو مي بالغرفه نزلت وكبل للمطبخ
حتى ملحكت اجيب اكلاص واشرب فتحت البوري وكمت اروي عطشي واشرب بيدي مي الحمدلله حلم خير ياربي باوعت ساعة المطبخ بالخمسه ونص الفجر
بعد وكت خلي ارجع انام صعدت وغفيت
حسيت كالعاده بنفس الوكت اخلص واجباتي البيتيه
وارجع للمكينه اكعد ساعات طويله ينكسر ظهري مرات انسه حتى اكل
................
صوصي : نوغه اريد كيكه
نغم: ها يروحي صار بعيني هسه راح انزل اسويلك
نزلت ويديت احضر مواد الكيكه وبديت اسويله كيك
امه شويه بدت تسترد عافيتها اتكوم بس قليل
يشكل عدها هبوط من الحباله
كلت خلي التهي هم بالكيكه وصوصي يفتر
من النوع الفضولي يسأل هواي
فكرت كلت من اكمل الكيكه اودي لبيت حمزه ماعون
وفعلاً كملت انطيت لصوصي وامه كيفت على الكيكه تاكل بشراهه حسبالك
مماكله قبل كيك شبيها هاي
شيلان: جيبيلي بعد كيك لا تخلصوو
نغم:يااااا اسم الله هاج هاي قطعه ثانيه
كمت بدلت ملابسي وتعطرت رتبت شعري جان مهوس
شيلان راح انطي كيك لبيت ام راشد واجي
وهم اوديلها ملابسها كملن
شيلان:اي روحي واخذي صادق وياج
نغم/ماشي امشي لعد صوصي البس نعالك بسرعه
ركض بيبيب ههههههه لبس واجه
طلعت ودكيت الباب عليهم وجان يفتح الباب الحب مالتي ابتسم من شافني
حمزه / هله بمرتي
نغم:اش لا يسمعوك صيحلي خاله بكلبي اروح فدوه لهاي العيون
حمزه: اي فوتي يوم اجت جارتنا عليج
ام راشد:منيه هلا هلا نغومه تعاي حبيبه زارتني البركه
فوتي اشلونج يمه اخبارج
نغم/الحمدلله خاله بخير انتي اشلونج
اخاف ازعجتكم
ام راشد/ياااا ازعل منج شنو ازعجيني البيت بيتج فرحت هاي اول مره اطبين بيتي
نغم/ اي صح هاج خاله هاي كيكه سويتها اليوم
ام راشد:معدله حبيبتي عاشت ايدج الحلوه
نغم/ كامت واني اباوع على البيت اتمنيت اني جنتهم واطبله عروس
جان بسيط حاطين تخم وتلفزيون بصاله مشفت شي بس الصاله
وبيها طبلات ومعرض بس يحتاجله تنظيف لان مره جبيره
خطيه هم مابيها حيل شوي واجتي بيدها صينيه شربت
ليش كلفتي نفسج شنو خطار اني
ام راشد/ ماكو شي من واجبج هو شربت شجبت قابل
نغم:تسلمين
حمزه/يمه اني طالع محتاجه شي
ام راشد/لا وليدي سلامتك لا تتعطل ويظل بالي من وكت تعال
حمزه:صار حجيه مااتاخر
نغم/يحاجيها وعينه عليه من ادير وجها يغمزلي
حمزه:يله مع السلامه
الله وياك
ام راشد/اخاف عليه كلش لو عليه مااخلي يطلع ابد
بس هاي الشباب ما تنلزم ولا ينكدرلهم الله يسلمهم
نغم/ الله يحفظه الج ويخلي شسوين هم كلهم هيج
يحبون اصدقاء وكعدات قابل مثلنا
ام راشد/الله يسلمج حبيبه اخوتج اشلونهم
نغم/الحمدلله زينين هاج خاله كملتلج الدشداشه شوفيها
طلعتها من الجيس
ام راشد / عاشت ايدج يمه اتخبل
انيال الياخذج ماشاءلله عليج نظافه ومعدله
نغم/تسلمين خاله خجلتيني
ام راشد/ تدرين اني اتمنى ازوج حمزه بس مايقبل الا يخلص كليته ايكول
المره تحتاج واتريد واني اريد اتخرج واوكف على رجلي يله ازوج
هم احتاج مره وياي اساعدني نسولف نكعد اغلب الوكت وكتي خصوصاً من اجينا بغداد اتمرمر كلبي من الوحده
نغم/تعاي يمي وكتلج اي شي تحتاجين اني بالخدمه
انظفلج اطبخلج لا تخجلين مني اعتبريني بنتج
ام راشد/فدوه لعمرج يمه انتي بنتي مااحب اكلفج وتعبج هاي شسوي على كيفي
شوي شوي اكوم اطبخ اغسل اماعين شسوي
نغم/ولا يهمج باجر اجي انظفلج البيت
ام راشد/لا يمه مااريد اكلفج حبيبه
نغم/لا خاله لا ازعليني منج اني ماعندي شي اكمل شغلي من وكت واجيج
ام راشد/ اخاف ازاحمج واخوج ومرته مايرضون
نغم/لا يهمج عوفيهم عليه مايحجون وان حجو فاني موشي جديد عندي
ام واشد/ ياعمري اخاف اسببلج مشاكل وهاي مرت اخوج سبحان الله
عكسج ومبينه شاده وياج
نغم/ اتعودت وعايشه شبيدي قابل
ام راشد/الله يساعدج ويسعدج وينطيج على طيبة كلبج
نغم/فدوه لكلبج خاله
ام راشد/ نغومه عندج خوات مو
نغم/اي خاله وحده اوووف عمت عيني عليها ماادري شلونها مخرومه منها يا خاله
ام راشد/ليش حبيبه ماتجيج مزوجه هي
نغم/اي مزوجه شيج ومزوج وعدها اربعه وميخليها تجي الا كل سنتين كل سنه مره الله يسعدها
ام راشد/ سوده عليه عاد حنينه عليج
نغم:كتله من الحنان ونعم الاخت بس هذا حال الدنيا فرقنا
ام راشد /الله يحفظها الج ويجمعج بيها باقرب وقت
نغم/الله يسمع منج يله اني اترخص منج حبيبتي خاله
اخذتني السوالف اتاخرت
ام راشد/مو كاعده بعد وكت صار هواي ممسولفه ولا كاعده هيج كعده ابقي شويه
نغم/امرلج باجر ونكعد انسولف عود
ام راشد/ طبعاً راح تخجليني واظل اكل بروحي يعني شغل بيتج وتجين اهنا
يايمه ينكسر ظهرج مامجبوره بيه
نغم/ خاله لا تحجين هيج قوم التعاونت ماذلت اجي اساعدج مابيه شي
ولا مثقله عليه اني من ذاتي. حابه
يله صوصي كوم
ام راشد/ فدوه لعمره شكد هادئ ماشاءلله
نغم/اي الحمدلله ما ياذيني ابد
طلعت للباب وكتلها مع السلامه ورجعت للبيت انقهرت عليها لان البيت
مامنظف وامبينه ماتكدر مره جبيره ومتعوبه هم الها الله
فرحانه لان شفت حمزه هم اذكر نظراته يحجي ويباوع عليه
اجه عصام وي ما طب اجتي عليه ام خوله دكت الباب
فتحتها الها هله خاله اتفضلي
ام خوله:يزيد فضلج اشلونج نغم
الحمدلله خاله الله يسلمج
ام خوله :اجيتج علمود الملابس ما خلصن
نغم:بلي خاله جنت انتظرج من اجت اخر مره خوله
جنت مكمله بس بنطرونها ملابسكم بعدها
دقايق اجيبهن الج رحت جبت هدومهم واجيت
اتفضلي شوفيهن
ام خوله/عاشت ايدج
اتفضلي يمه هاي فلوس الملابس
نغم/خليهن خاله
ام خوله/لا يمه تعبج تستاهلين
نغم/ اشكرج خاله
ام خوله/اترخص اني
نغم/وين خاله اكعدي بعدني ما لحكت اضيفج
ام خوله/لا يمه جايه اجربج اني بس مستعجله يمي خطار
مع السلامه
الله وياج خاله.
نغم/طلعت واني فرحت بالمبلغ جان زين بوكتها
عصام طب يسبح داصعد اضمهن
شيلان/نغم اوكفي
نغم/ها شيلان
شيلان/شرادت هاي المره
نغم:اجت تاخذ ملابسها
شيلان:اي وبعد
نغم:هاي هي
شيلان: مانطتج افلوس
نغم:لا
شيلان:ليش اجذبين اني شفتها
باعي اكلج خاف عبالج نمتلي جم يوم غافله عنج
من اليوم ورايح كل فلس تتحاسبين عليه
انطيني الفلوس
نغم:بس هذا تعبي ليش تاخذي مني
شيلان:شنو حبيبه اشو مسمعت تعبها هاي المكينه الي لو نسيتي
نفسج جبتها حتى اتخيطيلي ومدام رجعتي اتخيطين اتخيطيلي وتنطبني افلوس
يله شو جيبي
نغم:جرت الفلوس مني وتني دمعتي نزلت وانهضمت يعني لهدرجه
حظي مايل ردت اجمع واساعد حمزه حتى ازوج تطلعلي هاي المتخاف الله
صعدت واشهك وابجي ليش هيج. يصير وياي هسه لو اموت واخلص شنو حياتي اني بس ضيم ما مكتوبلي الراحه بجيت لحد ما تعبت صفنت وكلت
حمزه بحياتي واني ماراح اخلي شي يسلب مني فرحتي وابقه اجمع حتى لو
ازيد السعر وانطيها نص واخذ الباقي. ،
أنت تقرأ
نغم في ظل الرجال
Storie d'amore#قصة حقيقيه فتاة تعيش عدة تجارب انفصال ...خيانه ...ظلم ...وحده عانت وتحطمت وقعة في اغلاط ماذا ستحصد وكيف ستدفع الثمن تعرفوا عليها
