نغم في ظل الرجال

السابع عشرج2

إنهُ أميري و محبُوبي ألذي ظننت ان الحيآة لن تَهديني هدية رآئِعه بالشكل الذي أُريده فأهدتني إيآه ❤️🐅

الكاتبه مريمانه✍️

نغم :: ممصدكه ابد احس روحي بحلم ابتسامته وعيونه فرحته بيه
اكبر من فرحتي بي. سألته معقوله اني جنت ساكنه كلبك ياسين

يااسين: اي ولله انتي لب كلبي والبكلبي عشتي
بت روحي وعشك صباااي واول دكه منها وعرفت الحب شنو
امنيتي البقت حسره وايست في يوم تتحقق ماذكرتج بيوم
اذا ما ابتسمت وبعدها جريت حسره مره من المرات صارحت امي
الله يرحمها كتلها اني عشكت نغم الجانت ساكنه اهنا
اذكر امي انصدمت وانقهرت عليه كالت اوليدي هذا حب مراهقه والبنيه مزوجه وشالت وكامت امي اسولفلي عنج  لان ام ضامن وراه ما شلتي
حزنت وانقهرت وجانت اتحس بفراغ فتجي يمنا تكعد واتسولف عنج لامي
وتحجيلها عن معاناتج ويا اخوتج  ونسوانهم. انطبعتي ابالي اكثر
من عرفت قصتج  وبعدها انقطعت اخبارج عني او يمكن امي مكامت تذكرج كدامي حتى ماانقهر  بس مره بعد سنين سمعت بيج جاي على ام ضامن جانت يمنا وفرحانه وتحجي لامي جنت كاعد  وسمعت  بس مااهتميت لان كالت وياج رجلج  كلت  الله يسعدها لحد ما شفتج وفز بيه الحنين
ورجعت المشاعر بنفس اللحضه  وكلت الله كتبلنا صدفه حتى ننجمع انتي  ارمله واني مطلك  اذيتيني من رفضتيني نغم  اني مااحس روحي غريب
عليج احاسب واحجي لان انتي  الحب الاول حتى لو جان من طرف واحد
بس هاي فطره من الله داحس تخصيني وحبيبتي  

نغم: اجاني احساس اريد احط راسي بحضنه وابجي اباوع عليه
واتامل شكله  جنت  مامنتبهه على روحي شلون اباوعله
جرني واحسه ذايب بنظراتي صار يشم بوجهي ويغمض
حسيت بي رجف خفت لا نغلط ويتلوث هذا الحب النظيف 
ابتعدت عنه  وهو حس على روحه كتله ياااسين اني موافقه  ابتسم وجر نفس

يااسين : هاي هي حبيبتي كومي بدلي اوديج وحضري روحج الجمعه
التجي اجيب باجيتي اشجان مرت عمي الله يرحمه هاي مثل امي
هي والبنات  وياهم عمتي لطيفه هم اجيبهم عليكم بس نسوان اول شي اخذ الموافقه وبعدها راساً اسوي مشيه ومااريد اطول اوووف مستعجل على الكيك
كومي بعدج كاعده بهذا ا لطركاعه اللابسته

نغم:نسيت نفسي بسيت النوم كمت للغرفه بيها قريوله وكنتوركامله بس امبينه مال عزابي لبست وطلعت اكوول يااسين شنو هذا البيت

ياااسين : هذا يا عزيزتي بيت ابويه وامي اول ماازوجو
كعدو اهنا ابويه جان مشتري من تعبه بقو بي لحد ما صرنا وبعدها
ابويه اشتره شقه جبيره الي هي مقابيلج جانت على عددنه
وطلعنا بيها بقى هذا البيت معتزين بي ذكرى زواجهم لا بنو ولا غيرو بي شي ماتو واني بقيت هذا البيت الي قفلته وسافرت وبعدها رجعت
بعت الشقه جانت عايشه بيها عمتي لطيفه  والياس واليف  بنيت هذا البيت الجبير وكعدتهم بي واني وياهم عمتي لطيفه عدها بنات اثنين رجعت لبيتها مقبلت تعبش ويانه علمود بناتها ميصير كبرن جانن اصغار