نغم في ظل الرجال

البارت الثامن8

دعوه من القلب❤️الى السماء
حصنتكم بحصن الله القوي وفي امانته وامانة رسوله الكريم
"اللهم اجعل هذه الأيام تمر ولا تضر، اللهم اكفنا شر الأمراض واحفظنا بحفظك ياارحم الراحمين"

البارت السابق 👇
مشيت وصلت يم الصناديك اباوع ماكو احد نزلت عيني
وجان اشوف واحد كاعد بالكاع رفع راسه...........
"""""""""""""

رفع راسه وابتسم وطلعت رصعته
مناظل
هاي انت
مناظل: ههههههه الله اسمي شكد حلو بحلكج
نغم: ابتسمت ورجعت كلبت وجهي انت صدوك متستحي
ادز هذا الطفل عليه مو عيب  بعدين ليش داز عليه شتريد مني
تره اني مو طفل اتكولين عليه عمري 12سنه والله ياالله
نغم: انتبهت على الولد الصغير كام يحجي وضاج
مناظل : اول شي اصبري اني مدابوكج ولا داسويلج شي يابت الناس دزيت عليج احاجيج بموضوع وماعندي مكان ولا اكدر كدام العالم بنص السوك
نغم: وانت من داز عليه اهنا متكول عالم اتشوفنه ابنيه تجيها احجايه بسببي
مناظل : طلعتي ام لسان ولله عبالي هادئه اصبري عليه خلي ازحلك هذا
اكول حبيبي نائل مو جنك لطشت يله خلصت مهمتك اتوكل  مشكور
نائل: لا تعذرني اني وعدتها ابقه واكف يمها هي جانت خايفه
هاي البت مسؤليتي منا ورايح احجي بالعجل حتى نروح
نغم: التفتت عليه عفيه عليك يابطل اي  نعم احجي بحضور نائل
مناظل : ماشي سيد نائل خلي انشوف اصير بمسؤلية منو باعي نغم اني معجب بيج وحاب اتقدملج
اني مو من هذا النوع الي احب احاجي بنيه بهيج طريقه بس ماعندي غير حل
حتى اشوف جوابج وبعدها اتقدملج رسمي زحمه اجيب اهلي واخطب وانرفض 
نغم: اتفاجئت وخجلت ومااعرف بهيج مواقف شنو المفروض ارد اخاف انطي موافقه ويكول هاي مصدكت وخاف ارفض وبعد ميتقدم وتروح عليه
سكتت ودنكت راسي
نائل: خجلتها للبنيه
مناظل: اسكت انت واحسابي وياك بعدين ها نغم شكلتي موافقه لو لا
نغم: بقيت ساكته ومتفاجئه ما متوقعه ابد ماادري اشلون طلعت من حلكي كتله انطيني مهله افكر وارجعلك جواب انتبهت عليه اتفاجئ
مناظل: يعني افهم من كلامج انتي مامعجبه بيه ابد وهسه اتفكرين
نغم: جنت مو شاطره بالرد ابد فكتله لا مو هيج معجبه بس انطيني مجال افكر
هو طكها ضحكه حسيت على نفسي جفصت عزه
كبر امداج نغم حبيت اتلاحك لنفسي ولو بعد جفصت
وكملت كتله شكو تضحك مكلت شي غلط
مناظل : وهو يضحك لا يابوي ام الصح انتي دكولي موافقه
ياعيني اول وتالي موافقه
نغم: اجيت ابجي من فشلتي جاوبته يومين وارجعلك خبر بعناد هو بقه يضحك
انداريت على نائل يهز بيده يله نائل خلي انروح
مناظل : اوك انتظرج من تجين للسوك تعاي كبل لهنا ودزي عليه نائل اذا مموجود
نغم: لا بالله ماادز احد اني عفته ومشيت ونائل يمشي وياي
نائل : شنو بسلا حتوافقين
نغم: ليش شبي مناظل بي شي
نائل : لا مابي بس اني معجب بيج اول انتظرين كم سنه اكدر ازوج
نغم: هههههههه صدوك وانت شوكت لحكت تنعجب بيه
نائل : من اول ما طبيتي للسوك وسويتي ضجه كله تباوعلج
نغم: ليش منو جايهم قابل
نائل : غير انتي حلوه وعيونج كارثه
نغم /ههههههه خجلتني ولك طبعا هو عركان وعاقج حواجبه وجه محفر من الوكاحه ابين ولابس بالوز مدخله بالبطرون والحزام امبين بي مصياده مال طيور حالته حاله ويكلي معجب بيج
وجيبه متروس دعابل من يمشي يطلع صوت  مال جقجقه
نغم: باوع من نزوج اني ونائل واصير عندي ابنيه ازوجكياها
نائل : واذا اجت مو حلوه مثلج هم تمشيها براسي
نغم : ههههههه امشي روح على شغلك صدوك انت تلعب اهنا لو تشتغل
نائل : لا اشتغل عد هناك ابو الغذائيه عامل من اتريدين شي تعاي عليه
نغم : ماشي حبيبي باي
نائل : بعدني ما خاطبج اتكولين حبيبي حرام الله مايرضه
نغم : خرب باع هذا مصدك روحه هههههههه ماشي عيني هم صدوك انت رجال مايصير اتغزل بيك باي
نائل : الله وياج تحتاجين اوصلج للبيت
نغم : لا هسه اوصل بسرعه ارجع على شغلك
نائل :فيمالا
نغم : هههههههه الله وياك رجعت واني اضحك على كلامه
وبنفس الوكت فرحانه بالصار وياي احاجي نفسي هسه
اني ليش ماانطيته الموافقه راساً على كولته اول وتالي موافقه
حسيت نفسي معجبه بي او بالاصح اني ما معوله بس اخلص
من بيت اخوي  واستقر رغم انو صار عندي شي عزيز عليه صوصي
حبيب عمته هذا اشلون اعوفه  بس اول وتالي يكبر ويتعلم على امه
وراح ازيد شيلان وياي بالضيم رجعت عزلت المسواك
طبت شيلان وبيدها صادق
شـــــيلان
وين صرتي هذا تعبني متكولين ينشلع كلبه عليه
نغم : غير رحت اسوك شسوي لعد
انطينياه سوده عليه اخذته منها وكمت ابوس بس وهو زعلان مني
يدير وجهه يمه اروح فدوه لحبيبي يزعل عليه ماتت نغم ولا تزعل عليها وليدي حبيب كلبي
شيلان : هيوو انتي مو ابنج لا اصيحيله وليدي جيبي بعد ممنوع اتلزمي
يامن تعب يامن شكه ويامن على الحاضر لكه اني احبل تسع اشهر واطلك
وانتي اصيرين امه لا هاي العايزه باعي اكلج اسبحي اتبدليله واتنطينياه
نغم : حصرتني البجيه يعني اني اتعلقت بي  وربيته على ايدي
الحياة شكد ضالمه وياي وقررت اصلا ثاني
يوم اروح وانطي الموافقه بس اشلون اروح واني اليوم رحت
سوك اففف يله انتظر يومين هيج  واشوفلي فلم  حجه اروح
بيها للسوك
وبيومها اجه عصام ولاحظ شيلان  معنفصه عليه وكاليه الوجه
احس عصام متغيير وياها بسبب اهمالها لصادق وصوصي حبيبي
كل شويه يجي يمي وهي تجي اسحبه مني ويكوم يبجي اتعذب الجاهل
كلبي انمرد عليه يحجي يصيحلي نوغه هو من وحده هيج صاحني
حتى عصام استغرب منه كال منين سامع هيج دلع كتله هو من وحده كتله كول نغم كال نوغه  واجه الليل واسمعه يبجي يلوع عليه متعلم ينام يمي
دموعي نزلت وسمعت صوت عصام يعيط
شويه وصعد الدرج عرفته جابه كمت راساً واخذته منه
مفرفحه روحه
عــــصام
نغم اني مو كتلج الف مره اخذي ينام يمج اني ما مستعد اخسر ابني
من وره غيرتها هذا الطفل مسؤليتج وانتي امان اله اكثر من امه
متعرفله يموت بيدها
نـــــــــغم
سبحان مغير الاحوال كلب حال عصام عليه
واتغير طبعه وياي  وجنت يوم عن يوم احس اخوي
يزهك من طبع مرته بس انه ادري بي يحبها عصام يموت على شيلان
وابد مايرفضلها طلب هم اخوتي يحبون نسوانهم  بس حنيته على ضنى
اكثر صارت اتمنيت هيج يحن عليه بس اني ماعندي حظ وياهم
صح مو مثل قبل بس هم  ايدي على كلبي لا يجرني من شعري على غفله ويكلب عليه
وبعد يومين كدرت اطلع حجه وقشمرت شيلان اجيبلج قماش اخيطلج تنوره
ورحت للسوك اول ما طبيت كمت اجر بروحي جر حتى بلكت يشوفني او احد يصيحه لان استحي اني اروح اكله موافقه كبل هم ميصير زين جان عندي هيج عقل وافكر هههههه   اشتري طماطه من عربانه اروح على غيره اخذ بتيته كمت  ابطي بمشيتي وبمشتراي اشو هذا حظي ما هو فكرت اروح افوت
من يم نائل وهو يروح يكله اهوو لا انسه  تنوره البلوه اخذتلها القماش اتريدها حمره الاخت    وانوبه لزمني ابو القماش يدك سوالف براسي ويحجي ويحجي
كرهت حياتي كلها  اسب وانعل بكلبي وحظه اترخص منه ورحت يم العربانه مال نائل مالكيته اليوم  شلون بحظي المايل الردي
اباوع لمحل مناظل خرب هسه اذا فتت راح يفهم اني جيت متقصده
هذا لوتي مقابيله بضبط بسطيه مال احذيه وشحاطات
كلت بحجه اشتري حذاء وكفت اعامل بالرجال حذاء مال اطفال لصوصي
وانوبه هذا لطشلي انتي منين وشسمح وشكد عمرج اني كتله
جاي اطلعلي جنسيه لو  تبيعني حذاء
عاد اجاني صوت من وراي
مالكيتي الا اهنا تشترين حذاء
التفتت مناظل عزه سمعه
رد ابو البسطيه شني مناظل خير بويه وليش
بله متريدها تشتري متي لو هي كطع ارزاق
مناظل : ابو سعد البت اجت تاخذ منك حذاء اسمج وعمرج
مالها داعي 
ابو سعد : وانت شنو خال وليد عم ابنبه
مناظل : خطيبتي
نغم : يمه كلبي اجه يوكف مو وكت رومانسيتج الزلمه جاي يتعارك يخوثه احاجي نفسي جفصتيلج جفصه ام حظ الردي اصخام بوجهي
التفت عليه  مناظل مصار شي فدوه لا تتعاركون الله يخليك
مباوعلي عينه على الرجال
ابو سعد:  جا هي لمن خطيبك ليش مجيت انت تشتري وياها
مناظل : ابو سعد اجفه شري الميت ميتي واعرفه دروبك هاي مو عليه
امشي نغم
نغم : جرني وشمر الحذاء من ايدي على البسطيه
طببني للمحل مالته عزه بعينج نغم عزه كلبي صار طبل
مناظل : بلوه ولج انتي شموكفج يم هذا الارعن
نغم : جيت اخذ حذاء لصوصي
مناظل : شنو صوصي جرو لو بشر
نغم : عابتلك هذا ابن اخوي صادق
مناظل : شجاب صادق على صوصي حسبالي فرخ دجاج  جرو
نغم : لا تحجي عليه عفيه  اريد اروح
مناظل : بالحسن ما تروحين اذا ما تنطيني الجواب كولي موافقه وفضيها
نغم :  جاوبته واني بخوف اريد اروح للبيت اي موافقه  يله بيباي
مناظل : خايبه اكفي شبيج مدرعمه
نغم : شنو
مناظل : يعني  مدرعمه  سريع اتريدين بس اتروحين هيج
نغم : مفهمت ليش
مناظل : ولج بويه سكتي  هاي شلون افهمها  باعي اني باجر ادز النسوان
الساعه اربعه العصر
نغم :عزه واهلي اشلون
مناظل : اي كولي لامج ابوج اني بيتكم اندله وعرفت عندج اخوان اثنين
نغم : امي وابوي ميتين وعايشه وي اخوي ومرته ومااكدر اكوللها عليكم هسه اتكول منين عرفتي لازم جني ماادري
مناظل : ماشي سهله عوفيها عليه يله روحي  بسرعه
وعوفي حذاء صوصي كبل للبيت
نغم : ماشي  باي
مناظل : الله وياج
نغم : طلعت بوجهي للبيت اخذت  القماش وكم حاجه مسواك من السوك فدمره
ورحت للييت اعزل خرب  الثلاجه متروسه مابيه مجال كمت احشك اسوكت مرتين بنفس السبوع نعمه من الله كاعد اروح سوك الله رحمني
التهيت ويه صوصي وكل مااذكر مناظل من نصب عليه اضحك
نام وكمت خيطت التنوره وثاني يوم محجيت بس سبحت الصبح ولبست دشداشه جديده  قبلها شغلي وغدايه كمل  واجبي وي صادق هم قايمه بي بس
مقهوره حيل تاخذه مني بعناد عصام وكل شويه اتكلي اصعدي فوك لا كدام عينه حتى ينساج
واجه عصام  واباوع على الساعه ب3 كلبي كام يدك سريع
صارت بالاربعه ونص اندكت الباب كام عصام فتحها
اني كاعده مبينت شي لان اخاف يحسون عليه على طبيعتي
عصام
نغم تعاي وينج
نغم :كمت طفرت ها عصام
هذوله نسوان عليج
نغم : اجيت للطرمه شفت اربع نسوان اكبار بالعمر يعني اربعينات هيجي عبي على الراس وسمنان وكصار يمكن خوات لان نفس الملامح
سلمو عليه واني رحبت بيهم وكتلهم اتفضلو طبو للصاله
واجت شيلان بيدها صادق
كعدت يمهم اني رحت سويت جاي بس هم بعدهم محجو شي
وحضرت جرك احنه البيت مايفرغ من المعجنات
على طول عصام يجيب وياه
رجعت كعدت وبدت  وحدها منهن تحجي
احنه اجينه على نغم  نخطبها لابنه مناظل يشتغل بسوك
وشافها الله يستر عليها يحمد بيها ويكول اخلاقها حلوه وعجبته
شيلان
اهلاوسهلا بيكم  كل الهلا انطي خبر لاخوانها ويصبر خير
وبدو يحجون عن مناظل يشتغل بسوك ولد على اربع بنات
وعشيرته فلانيه وعنده محل  ملك بي وشيلان كلتلهم منفصله
هم كالو ماعدهم مانع ما طول ماعدها جهال والولد رايدها
وعاجبته  هاي الفقره الحلوه  حبيته بيهم
وعرفتنا امه والبقيه مثل ما حزرت خالاته
ابو متوفي  وخاله مربي من الناصريه اهله وعمامه كلهم اهناك
وهو عايش يم خواله وخالاته يعني عدهم بيت بس كلهم بنفس المنطقه
سلمو وره ساعه راحو وكالو يومين ويجون ياخذون الجواب
راحو واستلمتني شيلان تحقيق
شيلان
نغم هذا الولد منين
نغم : ماادري
شيلان : لعد اشلون اجه خطبج  اذا ميعرفج
نغم: مسمعتي شايفني بسوك وعاجبته
شيلان : برائيج تعبر عليه
نغم : شيلان مااعرفه
عصام : خير شكو ومنو هذني النسوان
شيلان : جايين خطابه على نغم ايكولون الولد
شايفها بسوك وعاجبته واجه يخطب
اسال اختك وين تعرفه
نغم : نزلت ادموعي لان راح انكتل
عصام : شنو هذا الحجي شيلان
يعني شايفه بسوك وجاي يخطبها وين المشكله
نغم : ها مستحيل مااصدك عصام الله هادي عليه
ومراح يجرني من شعري ويسويله سالفه
شيلان : ها عصام اشو لفتها عليه فوك ما اني خايفه
على سمعتك لا تتشوه
عصام : اكول اشو متعرفين تحجين
يعني هي شمسويه الولد جاي يخطب وهي ماتعرفه
اسكتي ولا سويلج سالفه كومي نغم سويلي جاي راسي وجعني
نغم : طفرت واني ممصدكه بعصام ابد ولا متوقعه فديوم هيج يصير وياي
مستحيل اصدك اخوي يرد مرته
فرحت حيل وبعد مطلعت للسوك وره يومين اجوي النسوان وعصام وافق
سأل على مناظل وطلع خوش ولد
وبعد سبوع اجوي مشية زلم وركض ركض
اني انشك حلكي ولا عبالك عروس الحمل صار
عليه جيبي وحطي وجاي وصواني ناس كومه
مناظل ابن عشاير وهاي عود مجايب اشيوخهم
بس عمامه ولدهم انترس بيتنا للشارع زلم
وقرو الفاتحه واسبوع الثاني صار المهر
قبلها رحنا للسوك اني ومناظل امه وخالته
وشيلان وعصام اشترولي ذهب من هذا الثكيل
ماشاءلله متمكنين حيل وملابس راقيه
ومناظل فرحان ورصعاته بارزه واجنن احله شي بي
رحت صالون وحفيت ورتبت وصبغت اظافري وسويت شعري ومكياج
وصارت حفلة المهر واخذت صور بكامره هم جايبيها
وطب مناظل وهم طكينه صور
ولبسني الحلقات والذهب ووكلني
كيك وصارو ياخذون صور وهاي اول مره
جنت فرحانه ولبست بيها فستان فستقي فاتح كلش حلو مال حفلات
واتعجب بيه شلون طلعت وكلساع يشاورني
مناظل : الف مبروك حبيبتي
نغم : الله يبارك بيك جنت خجلانه كلش
مناظل : لج نغومه ممصدك صرتي الي
حلم جان ولله حققه
نغم : انشاءلله طول العمر سوه
مناظل : امين شنو رائيج باهلي
نغم : كلش حبابين خصوصا امك ورده
وفعلا جانت حبابه وبشوشه وخواته اربعتهم طايرات من الفرح
ويركصن ويضحكن
وبيومها  صارت الحفله مالتي اتخبل لان كرايبهم هوايه
عماته جايات من الناصريه وخالاته وبنات هوايه بيتنا
صار فلم واهم شي صوصي من ايد لايد جان يخبل
ومناظل ناصب عليه يسمي بزون وساعه يصيحله فرخ
واني اعصب عليه بقو لليل وراحو وخلصت الحفله
جنت كلش سعيده وطايره فرح حتى نفسيتي
اتغيرت عكس ما جنت مخطوبه لعلاء
راحو واني طايره فرح وبيومها نمنا كلنا من التعب
لان جانت حفله متعبه حتى شيلان وبلقيس اضطرو يقومن بالواجب
لان ناس مو شويه 
::::::::::::::::::
ثاني يوم بلشت شغل وتنظيف البيت
كله وتعزيل للظهر كعدت شيلان
طبت سبحت واني داسوي بالغده
ويمي صادق يلعب بالملاعيب مالته مكعبات
اني ما ملتهيه عنه بس جنت اباوعله وعين على الجدر
طلعت شيلان   واجتي اتكلب بالجدوره
ماحسينه غير صادق  يناشغ وكوه يتنفس  صار احمر واختنك
ركضت علي وكلبته على ظهره وكمت اضرب على ظهره وشيلان خبصتني يمه ابني يمه حبيبي
عطت بيها بصوت عالي اسكتييييييي خلي افتهم
الولد راح يموت مديتنفس..........
يتبع ...........

توقعاتكم لايكاتكم تعليقاتكم
تصويتكم
يزيدني حماس واستمرار وبس
احبكم 😘✍️