نغم في ظل الرجال

البارت التاسع 9

ونحل ازرار كل مخفي
ونظوگ شما رزقنه الله !

شد الدهر وياي اول شبابي
كل ما اكول تهون يكثر عذابي
......................................
🥀البارت السابق✍️
عطت بيها بصوت عالي اسكتييييييي خلي افتهم
الولد راح يموت مديتنفس..........

ـنغـــــــــم : كلبته وكمت اضرب بي على ظهره هذا الحجي كله
ثواني بس هو ازرك كبل مديت ايدي بحلكه وبالكوه طلعت فدشي من حلكه
بس جانت ايدي بيها دم لان انجرح بلعومه ونزف حلكه انتبهت على على الشي البيدي
دكمه جبيره جر نفس بس اتخربط خطيه ركضت غسلت وجهه بالمي
وبعدها محسيت على نفسي غير شلته وجريت جزدان امه من الكاونتر لان ماعندي فلوس لبست نعالي كتلها رايحه للمستشفى من يجي عصام دزي عليه انطيتها اسمها واركض بي للشارع اخذ تكسي مااعرف منين اجتني هاي السرعه والقوه بس من حلات روحي
وخوفي على صادق خطيه السايق من شاف الدم الي بالمنشفه
حلكه ينزف استعجل وكام يسوق سريع وصلت
للمستشفى صرت اصيح الحكوني الطفل ينزف
اجوي يركضون عليه الممراضات وممرضين ولد هم
اخذو من ايدي وركضو بي لغرفه لنهاية الممر
واني اركض وراهم بس هم سريعين واني اجر
النفس بالكوه انهد حيلي عشت رعب وخوف
مصاير اول مره اعيش هيج حاله
فعلا البشر كله عباره عن نفس
اذا راح تنتهي حياته شعرايه بينه وبين الموت
والله ستر لو اني مثل امه انخبص ومااعرف اصرف
جان صادق راح من ايدنا بس الله لطف بي
اسمع صوته يبجي وهم يسكتون بي
بعد ساعه طلع دكتور ركضت عليه
راساً كال لتخافين كلشي مابي
بس حلكه مجروح وكف النزيف
انطينه ابره ونام وعلاج التهابات
هو شنو بالع كتله دكمه جبيره
كال اي من مطلعيها من حلكه
مجروح راح ابقي للعصر اذا
مابي شي انطلعه كتله
مو مشكله المهم يصير زين
ميهمني لو ابات شهر
جريت نفس حسيت روحي
جنت كاطعه النفس مدري مخنوكه من الخوف
انتبهت على روحي بالدشداشه والنعال فشلت
وشايله بس الجزدان شكلي يخرب ضحك
والدشداشه جويتي همزين اردان جان الجو بي بروده
قليله نهاية شته نهاية شهر الرابع 
طبيت للغرفه على كيفي  اتقربت يم صوصي
وانصدمت ودموعي نزلت حلكه ازرك واحمر ومورم عبالك
واحد ضاربه بوكس صرت اشهك وابجي  خفت لا يكعد طلعت
من الغرفه وصار كبالي عصام اجه يمشي سريع وخايف
شافني ابجي بهت لونه
عــــصام: ص...ادق شبي
نغم : حلكه صار ابيض ركضت عليه لتخاف صادق زين اتلاحقتله
والحمدلله هسه نايم بقو يطمنون على وضعه طب عصام وطبيت وره على كيفنه نمشي شاف حلكه كال بصوت عالي
هاي شنو كتله اش تعال خلي نطلع
طلعنه بره كال لج حلكه منو ضاربه هيج
نغم / محد ضاربه بلع دكمه واختنك وطلعته من حلكه
وانجرح بلعومه  ونزف دم وجبته ركض للمستشفى
وهو من اثرها حلكه ورم الحمدلله
من صار زين ردت اموت ولله
عصام بس صافن
لعد لمن بلع دكمه وين جنتو عنه
نغم :   يمي وكاعد اطبخ شيلان توها كاعده من النوم وجانت واكفه بصفي
محسينه غير اختنك وكام يناشغ صفن عصام وجان اكو مكان للكعده
كعد وايده على راسه ساكت رحت بره المستشفى جبت مي وجاي
ورجعت انطيته المي كال لا انطيني جاي ايده ترجف مبين هابط
عصام قيس السكر حلك ابيض خاف صار عندك هبوط سكر
عصام : مابيه شي  هسه صادق ليش مناخذه للبيت
نغم : الدكتور كال بس نطمئن عليه ويطلع العصر
عصام : يعني لوما انتي جان هاي الطرنه بت الاثول  راح منها الولد
نغم : باوع عليه وحجه يمكن انتبه عليه بالدشداشه مال البيت والنعال
عصام : همزين الله اجتج  فكره وطلعتي الدكمه جبتي مستشفى نغم هاي
اشلون اذا ازوجتي وعفتي صادق يمها اتنام للظهر وتعوفه يموت مايبقه
نغم : صفنت عليه كلامه صح
عصام : الله يوفقج وي مناظل
نغم : جان يحاجيني بهدوء واحس بنفس الوكت شايل هم اذا عفتهم وعفت صادق وبيومها اجه الدكتور وكال اخذو مابي شي كتبله دوه ورجعنه
اول ما طبيت حطيت صادق بفراشه لان نام ورحت اجيب حفاظه وملابس ابدل اهدومه وهجمت عليه شيلان واضرب بيه