نغم في ظل الرجال

البارت السابع عشر17

وحسبتهِن .. يوم .. يوم ..
بين جآي ؟ ، ولا مَيرجع !
وعيوني الاتوسلها لا تِدمع ..
رغم بَيَّن عليه ششايل هموم !

حفظت ألساعة چَم تكّه !
وعلى ألباب أنتظِر دگَّة ..
وحسرة و أوف و مناطَر ،
وگلبي تضَرّر و مآ ضَر !
أجَت عِشرتكم وراحت ،
وگلت تهون و ماهانت .
بعده ألشوگ ألك بيه !
وتِذكرَك روحي يومية ..
بحِلم وبواقِع أنتظرَك ..
يا مَحبوبي شيرَّجعَك .

البارت السابق👇
عاط بوجهي ونزلت ادموعه
حمزه:لج يا اهلج انتي ليش مكتيلي كاطع مهرج مناظل صاحبي
نغم: ص...احب...ك احس كلبي وكف وبعد مااكدر انطق اي كلمه
............
حمزه:اي صاحبي  من اول ما سكنه بهاي المنطقه اتعرفت عليه
نغم: سكتت نزلت ادموعي اي حمزه جان كاطع مهري بس هو
مو رجال وكفو دار ظهره وعافني من حجي الناس الظلام
ايحاسبوني على ذنب اهلي وياذوني
حمزه: وليش ماكتيلي
نغم: مجان ابالي لان مجرد خطوبه
حمزه:لا مو مجرد خطوبه علاقتكم اقوه نغم
نغم:انتو تحجون عليه حمزه
حمزه:اني احجي عليج لج نغم اني سرنا ما طلعته لبشر ولا اي كان يعرف بزواجنا حتى لا تجيج احجايه لان رايدج مرتي  كدام الدنيا كلها بس هو حجالي كال جنت كاطع مهر نغم وسولفلي كلشي حتى عن اهلج
نغم: اي وانت شكتله حمزه باوعت عليه
حمزه: محجيت شي
نغم:يعني مدافعتلي
حمزه:شدافعلج مثلاً اكله مزوجها ولتحجي عليها مرتي وهو كاعد يسولفلي
ويحجيلي علاقتكم وقبل لا يحجي سألني  تعرفها كتله لا الله يستر عليها  مااعرفها بس امي تعرفها اتخيط عدها
نغم:انهاريت بالبجي
حمزه: نغم اني اهم شي بحياتي ارتبط بمره سمعتها زينه
من اتعرفت عليج لا همني شهاده ولا حتى سمعت اهلج جان مااثرت على علاقتنا عندي سمعه البنيه اهم
نغم:واني سمعتي مو زينه يعني  سكت
حمزه احلفك بعزيز كلبك صارلك شكد وياي شفت عليه شي
مااسمع كلامك ماامشي على مايك سويت شي غلط جاوبني حمزه بضميرك
حمزه: لا ماشفت شي بس السمعته كافي نغم انتي بطريق واني بطريق
امشي نروح للسيد ونطلك
نغم:لا حمزه لا تكسرني بيك احبك واموت عليك حسيت الدنيا طفت بعيني
جرني من ايدي واني ابجي واتوسله بس يسمعني اني ماسويت شي غلط جان عاقد عليه بس هو ابد مجان يجاوبني هاي الساعه بحدود الوحده اكثر
وداني للسيد الي عقدلنه وطلكني حمزه واني فقدت وكمت الطم
بمكتب السيد اندار السيد على حمزه وكله وسفه يسموك رجال
وكومني كومي بنتي الله موجود حتى سأله عن السبب لان شافني
متمسكه بي وحمزه يكله سمعتها مو خوش والناس حجولي
والسيد اتخبل وتعاطف وياي بوكتها ورجعني بالعبريه واني منهاره
صاح نازل وكلي نزلي نزلت بس اني هو بقه مانزل على الشارع العام
فاصله من الدنيا كلها ولا مهتمه لا باخوي لا بشيلان
ولا خوف ولا قلق مثل كل مره اعصابي راخيه
وخمول بالكوه امشي طبيت للبيت واني حتى مااباوع
اصيح اشبيج شيلان واني دموعي اصب
حسيت بصداع حاد براسي وخشمي مسدود
بشكل مو طبيعي فتحت حلكي حتى اتنفس كلبي خفقان سريع
راسي ايريد يطك كمت اصيح راسي راسي
الحكولي
شيلان:لج نغم شبيج
نغم:شيلان راسي راح ينفجر اعيط الحكولي
فجاه طك خشمي دم وسال بشكل مو طبيعي ركضت شيلان جابت خاولي
اني من الم راسي وجان اوكع وبعد ماحسيت غير
من شفت نفسي نايمه وفدشي حاطي على خشمي
راسي مثل الي مفشوخ تماماً يوجعني افتح عيني وارجع اغمض
واحد يصيح نغم اسمعيني اركز اريد اركز بالصوت
بس مثل الصدى البعيد كلش يمكن بعدها غفيت ورجعت
صحيت ولكيت نفسي على نومتي بديت اصحصح
لكيت المغذي بيدي ورفعت ايدي على وجهي شلت الاوكسجين
طب عصام
ها نغم اشلون صرتي
نغم: راسي يوجعني
عصام:اي ضغطج مرتفع زين ما انجلطتي بينج وبين الجلطه شعره
نغم: تعبانه وجسمي ناحل بشكل بقيت بالمستشفى اجاني دكتور
بعد ما شويه اتحسن وضعي اجه الدكتور
تحمدلي على السلامه وبده يحجي وياي ويكلي احياناً رب العالمين
ينطي للبشر رحمه من خلال مرض
نغم لازم اديرين بالج على نفسج
لان انتي شكل عندج ضغط
وضغطج جداً جان عالي لدرجه النزيف بالانف
بالموت يله توقف   يعني انتي جان جلطه بس الله باوعلج ونقذج وبعد ما سوينالج فحوصات وتحاليل ومن بعدها عرفت عندي
ضغط مزمن واذا مااخذ العلاج يرتفع عندي
وانجلط وجان بالبدايه العلاج يسوي عندي مضاعفات
اكثر شي نوم وجنت احتاج نوم وماكمت بعد اسبوع الا بيوم الي
اجتني ام راشد اتودعني ديشيلون
ام راشد:حمدلله على سلامتج حبيبه نغم بعدوج انشاءلله
نغم:اشكرج خاله مشوفين شر
ام راشد:يمه وينج وين الضغط سوده عليه
نغم:الحمدلله خاله المرض ميعرف جبير وصغير
ام راشد: يشافيج ربي يمه اوف يعز عليه افراكج يايمه جيت اودعج شلنه
وهاي اليوم بليل انروح انشاءلله
نغم:احس اطرافي جمدت يعني بعد مااشوف حمزه
هاي هي انتهت صدمتي الي اخذت مني صحتي
ربي ليش اجلد اقلوب البشر عليه لهدرجه حمزه
ماحن عليه سئلت نفسي ودعتني وراحت واني
اريد بس اشوفه نزلت دمعتي رغم انو مو زين عليه
البجي والقهر وضعي حساس حيل جنت نايمه بغرفتي
بهاي الفتره والاول مره جانت شيلان اداريني ايصعدولي اكل
وشرب وعصام يسألني عن العلاج ويكلي لا تنسي مرتين باليوم الصبح وبليل علاجي اخذه وهي رغم حامل بس تصعد اتشوفني يعني معافوني
ولا احد بيهم ياذيني ولا يصغرني  واصلا اتي فاصله لان نص العلاج حاله النفسيه واني حالتي النفسيه مدمره حتى صوصي اخذو واني مناعتي قليله مو بسهوله اتعديت المرحله بيومها جان عصر صعدت اتوجه على كيفي
رغم الدوخه والالم بس قاومت اريد احاجي واشوفه ادموعي نزلت
صعدت ولكيت الدخل مالتي بسطحنه شلته وهزيته  بي فلوس وماملعوب بي  نزلت ادموعي وصرت اشهك وكلبي يرجف
باوعت بسطحهم فارغ وباب مسدوده والغرفه مالته فارغه من الغراض
متت يعني هاي هي بعد مراح يصعد ولا اشوفه صرت ابجي بصوت مسموع
احبه  انهد حيلي بعده صح ماكو واحد يموت وره احد بس اني خسرت صحتي
من وره هذا الحب  اريد اطفر بسطحهم بس صحتي مساعدني فقدت اريد اشوفه حسيت نفسي راح اتخربط رجعت نزلت ونمت وافز اريد احسه حلم
بس يطلع واقع صارت امنيتي هذا حلم مو حقيقه وحمزه يرجعلي فانيلته انترست ادموعي واشم بيها ذكرياته بكلبي  اصعب شعور هو التعلق
واني للاسف متعلقه بي جداً  وهذا التعلق كلفني صحتي