نغم في ظل الرجال

البارت الثامن ج2

(بارت طويل لعيونكم ❤️🌺🌺)
غلسو اذا اكو سحكه واعذروني بس كتبته وتعبت
مابيه ارجع اقره بعد احبكم
وآعــذرونــي

تره هــو الــتنــوخذ روحــه

بــعد للــناس مايهــتــم 💔

لا تكـض مگفـه المشـو

كــض اليجــون "

السـاعه مـاتگـدر تـرجع اميـالها

عصام :منو حضرتك
نغم:باوعت على عصام وعلى اسامه ابتسم اسامه
اسامه:عفواً نسيت  اسلم عليك اشلونك اخويه اني زوج صديقتها
عبير الله يرحمها زوجتي استشهدت وجانت ويا نغم يمشون سوه وقتلوها
نغم:باوعت على عصام باوعلي بصدمه
عصام:الله يرحمها يعني اشلون نغم جانت وياها من انقتلت
نغم:ردت اغير الموضوع  لعد شعجب انت اهنا هم دسوي جوازك
اسامه:لا اني اشتغل اهنا
نغم:اها صدوك اني اذكر عبير كلتلي بالمصرف موظف
اسامه : هو اني يوميه بدائره اشتغل مثل ام البزازين
نغم:هههه 
اسامه:انطيني جوازج كمل لو بعده
نغم:اي بقى بس البصمه وماادري شنو بعد
اسامه:اي تعاي بصمي
نغم:بصمت وكملت  وهو هم خطيه ركض ويايه روح وتعال 
لحد ما كملنا طلعت روح روحي
كدر يكملياه اشكرنه منه  واستلمته وطلعنا
صعدت بالسياره وعصام بصفي ركب وشغل السياره ومشينا
بطريق
عصام: يعني اشلون كتلوها كدامج فهميني
نغم:وياي بالمعمل وجانت حامل اطلع اتمشى وياها حتى اجيب طبيعي
مره دنتمشى واشتهت اكل عبرت اشتريلها من الاسواق
وانقتلت وسولفتله عن الحادثه
عصام: لا حول الله. خطيه همزين ما كتلوج
نغم:اصلا اتمنى اني ولا هي مره وحامل وعدها رجال اشو اني جان سوو فضل عليه
عصام:لا تحجين هيج نغم حرام عليج
نغم: لعد مو حرام الصار بيه شعبالك هذا الشيب براسي طلع من فراغ
لو من راحه اشكال شفت مصايب وصرت اسولفله عن ام حسن وحتى عن
رحيم حجيتله وهو بس ساكت معلق ولا فتح حلكه بكلمه وحجيتله اشلون رحت للموصل وشصار بيه الطريق كله اسولف لحد ما وصلنا للبيت
نزلت وطبيت للبيت اتلكتنا شيلان اشو هاي اول ما طبينا راحت على عصام جان كدامي كبل وتبوس بي من حلكه كدامي صرت فدمره استحيت وهو هم
ماادري وين اروح هو دفعها
عصام:شنو السالفه شيلان شبيج
شيلان:غير مشتاقتلك حبيبي ابو بيتي
نغم:كبر لهلوجه ابو بيتج عندج غرفه حضني وبوسي بيها
خليت وصعدت نزعت اهدومي لبست دشداشه واخذت غيرها وخاولي
ونزلت اسبح الجو شرار  سبحت وكملت وطلعت
شفت صادق طب للبيت جان طالع

صادق: خرب انه مو حر عبالك عيد ميلاد ابو لهب وكاعد يحتفل بالجو
نغم:ههههههه اي ولله حبيبي وين جنت
صادق:يم صديقي
نغم:منو صديقك
صادق: هذا عنده اسواق اسمه موسى
نغم:اي عرفته خوش ولد حباب
صادق: شوكت عرفتي صارلي كم يوم من اتعرفت عليه
نغم:وصيته علمود يكل للنسوان اكو خياطه واتعرفت على امه
صادق:  اكلج نوغه تعرفين  سرمد
نغم:لا سرمد منو
صادق: همزين الله هذا صاحبي وياي بالدوام كلت خاف تعرفي
نغم: هاااا هيجي  تتمسخر حضرتك
صادق:لا يابه بس غير طلعتي تعرفين صاحبي قبلي
نغم:ههههههه عابت صعدت فوك شفت اسيا نايمه
صادق:هااي نايمه سوده عليه عبالك سحليه متمدده
نغم:انجب ولك دشوفها ملاك ونايم
صادق: انزول على الملاك 
نغم:انداريت اصفط بالملابس ماسمعت غير اسيا فزت مخروعه
صادق:ههههههه اطفررررر
اسيا:يمه   اكررررررهك صادق
نغم:اسم الله امي ولك صادق هاي شسويتلها انهزم
اسيا: ماادري  خله اصبعه باذني فزيت عبالي حشره
نغم:كلبها يرجف بسيطه اني الك يا صادق الارعن  حبيبتي كومي حتى اتنامين باليل
اسيا:وين رحتي اشو اتاخرتي عليه هوايه
نغم:عندي معامله مهمه. سويتها واجيت
اسيا:بابا وماما جوه