نغم في ظل الرجال

الجزء الثاني البارت الثاني

يدهري .....دك على هموميَ ربع لاي
ردت من الفرح ماصح ربع لاي.
شماله الوگت ما خله ربع لاي
الرضعت وياه نكرني
وگطع بيه..... ليش وياي
ما وفيت  بس خجرك وفاني
وأنت الي كلتها انعيش واحد يعشگ
الثاني :::: تترك خنجرگ واتروح
وبمگـــــفاي صابآني ،

الكاتبه (مريـــمانه )مريم الخفاجــــــــي
......................

ام حسن : حبيبتي نغومه بالخير عليج والله يفتحلج ابواب الرزق
وانشاءلله يصير عندج غراض لا اضوجين لان فارغه

نغم..... لا الف الحمدلله من لكيت سكف يحميني وانام بهذا البرد

ام حسن :ربج ما يكطع يمعوده  يله حبيبتي اترخص اني اي شي تحتاجين
اتصلي عليه حتى لو الفجر تلكيني يمج

نغم:مااعرف اشلون اشكرج واشكر زوجج وابنج حيل ممنونه منگم

ام حسن:ادللي عزيزتي بس اندعيلنا كافي. مع السلامه

نغم:الله وياج //// راحت الحمدلله من لكيت بيت بس اجذب اذا اكول
فرحانه وطايره فرح خايفه اول مره ابقى وحدي وراح اعيش وحدي
كلبي يرجف والبيت فارغ بس الفراش وصوبه. كهربايه واكل
وانوبه الگهرباء صارت موزينه  تنكطع  وصليره العالم تشتري مولدات وتسحب انبيرات ومدري شنو واني مولد ماعندي يعني تطفي الكهرباء موزينه
اشتريت اشموع وعندي اكل جبن وصمون الجو بارد
بقيت كاعده يم الصوبه وهي انطتني بطانيه ولحاف ومخده ودوشك
وكالت ينطون مساعدات يم الامام هوايه يجون اني راح الملج واوصي يجيبولج خطيه ابد ماقصرت وياي دك تلفوني شلته بيداء

الوو ها بيده شلونج
بيداء:هلوو نغم اشلونج بالي يمج بشري اجرتي البيت
نغم:اي ربج ميكطع اجرت وهسه كاعده بي
بيداء:الحمدلله بالي عليج حيل اكلج شراح ادبرين ايچار مصرف
نغم:اشتغل وادفع ايجار والعيشه كافله الله لتخافين اني قريبه على ابو الجوادين
بأحسن مگان وآمن هم  انتي بشريني  شلونج جهالج اشلونهم
بيداء:الحمدلله زينين  ياكلون وينامون والمعامله  راح يبلش بيها ساعد هلايام اندعيلي حبابه يم الامام
نغم:بدون ما توصيني اكلج اني بعد يومين قررت اروح للمقبره على عباس
بيداء:عمت عيني عليه مارحناله اجي انشاءلله اي روحي وسلميلي عليه
وكليله يسامحني ويبريني الذمه
نغم:لتبجين تدرين بي يحبج وميزعل منج خلي ايمر على زواجج كم شهر وروحي
بيداء :انشاءلله

نغم :انهيت المكالمه ويه  بيداء طفت الكهرباء الي هي جانت بس اكلوب
بالغرفه وحده وحمام اكو بس المطبخ اظلم
شغلت لايت المبايل وبعدها فتحت الشمعه
اتخطيت بالبطانيه والحاف واجاني شعور الخوف والوحده
كلبي كام يرجف احس نفسي مثل طفله مالها احد ومتعرف شسوي
اي اني طفله تايهه عشت عمري مالي احد بس عباس جان
سندي والرجال العوض البحياتي وراح ورجعت وحدي بس هلمره غير
ليش اني هشكل داعيش حياة شنو ذنبي ربي دخيلك لا تتركني انزل عليه
شعور الراحه والامان صرت ابجي بالم واحس كلبي كام يوجعني
احس روحي بدوامه وعبالك من اغمض يفتر راسي وادوخ
بقيت هيج لحد ما غفيت من البجي حسيت الصبح فتحت عيني
الصوبه مشتغله يعني اكو كهرباء كعدت وكمت للحمام فتحت البوري مي ثلج
ماكو مي حار وطباخ  ماكو حتى احمي مي البيت هواي يرادله شغلات
باوعت شايلين الكيزر يعني يرادلي واحد اشتري وطباخ لزمت افلوسي
حسبتهن مااعرف شكد يرادلي خلي اول شي اروح للمقبره لاعباس حتى وراها
ادور شغل لبست غسلت بمي بارد اكلت لفة جبن صليت لبست اهدومي
وطلعت رحت على ام حسن وصلت وطبيت لكيت عدها تفتيش
شافتني وسلمت وكعدت انتظرها اتكمل