اللحن الحزين

الفصل العاشر

لو كانت النظرات تَقتُل لأصبحوا كليهما صريعاً ... أخذا يتبادلا النظرات من حينٍ لحين وهما يأكلون الطعام فالصمت كان سيد الموقف ، زفرت الأخرى فى حنق وهى تدس الملعقة فى فمها ... ظلت "فردوس" تنظر لهم فى فضول عما يحدث ، أيعقل ! أن يكسروا الأطباق على رؤوس بعضهم الأن

-حلو الأكل مش بطال

رفعت "سارة" حاجبيها فى سخرية

-لو مش عجبك متاكلش ، أنا اللى عاملة الأكل دة

شعر بغصة فى حلقه ، ويسعل بشدة وهو يضرب على صدره

-تسلم إيدك أنسة سارة حلو و الله

ابتسمت له على مضض وأكملت تناول طعامها ، حتى قاطعتهم "فردوس"

-هعملكم شاي معايا

-لا استني ياماما أنا هعمله ، شبعت الحمد لله

نظر الأخر باستغراب من أمرها ، رفع حاجبه بعدم فهم
-ماما !! 

جلسوا جميعاً يتناولون الشاي فى صمت أيضاً ، مابال هذا الصمت حتى قاطعهم

-لحد دلوقتي مفيش أخبار عن فريدة ولا عارفين مكانها بس ...

انتبهوا له فى تركيز حيث اقتربوا منه منصتين له ، فأكمل

-احتمال ان اختفاء ابويا له علاقة بفريدة ، دة غير الرسالة اللى وصلتلنا

-أنا مش فاهمة حاجة ، عمو حسين يختفى ليه و عاوزين منه اي مقابل فريدة ترجع

حمحم "أسامة" فى حرج ، شبك أصابعه فى بعضهم فليس حرج من اخبارهم بالأمر بل من صدمة والدته

-لما دورت فى الموضوع وحاولت أعرف أكتر لما روحت الشغل بابا مع تواصل بالبوليس عرفت ...

-كمل يابني عرفت اي

-بيهرب أثار لأجانب برة البلد وطبعا عشان منصبه فى الوزارة بيسهل عليه وعلى علاقة بمافيا بيتعاملوا مع ناس مع مصر بيبقى سهل الاثار تدخل و تطلع فى المينا أو المطار

ضربت على كفيها فى صدمة من الأمر ، فكيف له يفعل ذلك ، أ كل ذلك الوقت يخدعهم و يعيشون بمال حرام وما النتيجة كانت ابنتها تدفع ثمن فعلته الدنيئة

أخذت تبكي مراراً على حالها و حال ابنتها و ما وصلوا له بسببه تضرب على رجليها فى آسي
-ياعيني عليكي يابنتى وعلى حالك ، حسبى الله ونعم الوكيل فيك ياحسين منك لله ضيعت البت مننا