The Millionaire's Wife (Completed)

Part37

នៅតាមផ្លូវត្រឡប់ទៅផ្ទះវិញ ក្នុងឡានមានសភាពស្ងប់ស្ងាត់ Jungkookខឹងច្រឡោតក្តាប់ចង្កូតឡានសឹងមិនជាប់ គេដៀងភ្នែកសម្លក់ប្អូនស្រីរបស់គេដែលអង្គុយនៅកៅអីខាងក្រោយ។
បន្ទាប់ពីគេជូនYunaទៅដល់ផ្ទះ ជុងហ្គុកបើក
ឡានសំដៅទៅវីឡារបស់គេវិញ។
«អួយ៎...បងប្រុសលែងដៃខ្ញុំទៅ...ឈឺ!!!»
Naniត្រូវអ្នកជាបងប្រុសចាប់ទាញដៃពីក្នុងឡានដើរចូលទៅក្នុងផ្ទះយ៉ាងប្រញាប់បំផុត រួចគេច្រានផ្តួលនាងឱ្យអង្គុយចុះមិនថ្នមដៃ

«ឯងឆាប់បកស្រាយប្រាប់បងភ្លាមមកNani!!!
តើហេតុអីបានឯងទៅសណ្ឋាគាជាមួយវា?»
Jungkookសម្លុតសួរទាំងមួម៉ៅចាប់ផ្តើមក្តៅស្លឹកត្រចៀកងំ
«ខ្ញុំទៅលេងធម្មតាទេតែចៃដន្យក៏ជួបគេ...»
Naniតបវិញទាំងជ្រួញចិញ្ចើមធ្វើមុខក្រញ៉ូវដូច
ជាធុញជាមួយនឹងសំណួរមុននេះជាខ្លាំង
«ទៅលេងធម្មតាអញ្ចឹង?ក្រែងឯងប្រាប់បងថា
នៅហាងមានកិច្ចការរវល់ខ្លាំង នេះឬការរវល់
របស់ឯង?ដែលទៅជួបអាកូនអ្នកមានចរិកអន់នឹង
មែនទេ?»Jungkookគេខាំមាត់មុននឹងយកដៃ
មកឈ្លីក្បាលទាំងស្មុគខួរ គេមិនអាចភ្លេចសម្តី
ចោលម្សៀតរបស់Dejoonចេញពីខួរក្បាលគេបាន
«ធុញណាស់!!!»Naniឧទានឡើងរួចស្ទុះក្រោកឈរប្រុងនឹងគេចចេញទៅតែត្រូវបងប្រុសនាងឃាត់

«យូរៗទៅឯងលែងស្តាប់សម្តីបងហើយហ្អែស៎?
ឬក៏បងទំនើងតាមចិត្តឯងខ្លាំងពេក?»
«បងប្រុស!!!»នាងដកដង្ហើមធំដាក់គេព្រមទាំង
សម្លក់មុខថ្មែរ ក្រោមកែវភ្នែកសម្លឹងរបស់
Jungkookមកកាន់ប្អូនពោរពេញដោយភាព
នឿយហត់ក្នុងចិត្ត
«កុំបាច់មកធ្វើមុខក្រពុលដាក់បង បើឱ្យបងដឹង
ថាឯងទៅមានអីៗជាមួយDejoon ឯងត្រៀម
ពាក្យសម្តីដោះស្រាយជាមួយនឹងលោកប៉ាឱ្យ
ហើយទៅ»
«....»Naniមិនមាត់តាំងចិត្តមិនតបតវិញឡើយ
ឯJungkookនៅឈរពាក់មុខកំណាចដាក់នាង
ទើបនាងគេចមុខហើយឡើងទៅបន្ទប់បាត់។
«ហឺមមម»អ្នកកម្លោះដកដង្ហើមធំរួចគ្រវីក្បាល
មិនដឹងថានឹងយកពាក្យអ្វីមកប្រាប់ទើបប្អូនរបស់
គេព្រមស្តាប់តាមឡើយ។
_____

ពេលត្រឡប់មកពីលេងសមុទ្រវិញ ប្តីប្រពន្ធមួយ
គូរនេះកាន់តែល្អូកល្អើនទៅ ស្រលាញ់គ្នាស្អិត
រមួតបេះមិនចេញ មិនឱ្យបាត់មុខសូម្បីមួយនាទី
«ធ្វើឱ្យស្រួលបួលណាប្រយ័ត្នដាច់សាច់អូន»
រាងតូចច្រឡឹងអង្គុយផ្ទាល់លើឥដ្ឋដៃកាន់កន្សែង
ពោះគោមកជូតសក់ដែលសើមឱ្យប្តីថ្នមៗស្របពេលអ្នកម្ខាងទៀតលើកជើងស្រឡូនតូចដាក់លើភ្លៅគេ ដៃកាន់កន្តៃ្រកាត់ក្រចកជើងឱ្យប្រពន្ធច្រឹបៗ
«បងដឹងហើយ តែអូនត្រូវនៅឱ្យស្ងៀមហាម
កម្រើកជើង!!!»Taehyungងាកមកបង្គាប់នាង
រួចបែរទៅកាន់ប្រអប់ជើងតូចរបស់នាងជាប់
ធ្វើភ្នែកព្រឹមសម្លឹងកូនក្រចកដែលដុះផុតជើង
ដៃឡើងញាក់ញ័រទទ្រើកបែបហ្នឹងបានជានាង
ប្រពន្ធខំដាស់តឿន