حضرته يبقي دكتور أدهم التهامي صديقي وشريكي في المستشفي
حور برسميه: اهلا بحضرتك يا دكتور
أدهم : اهلا بيكي ثم تابع بتساؤل حضرتك من اسكندريه يا دكتوره
حور بتعجب : اه من هنا
كان أدهم علي وشك سؤالها مره اخري ولكن قاطعه ابراهيم برفق قائلا
اتفضلي يا حور عايزه تسألي في ايه
بدأت حور في مناقشته بأسئلتها
كان نظر ادهم مصوب تجاهها وهي تتنافش مع دكتورها وازداد أيضا إعجابه بها فهي لا تترك ثغره دون فهمها
حور وهي تهم بلملمه أشيائها للمغادرة : شكرا جدا يا دكتور واسفه اني عطلت حضرتك
إبراهيم: لا خالص انا متعطلتش في حاجه ده واجبي انا لما بصدق ألاقي نماذج زيك كده
حور : شكرا لحضرتك بعد إذنك
إبراهيم: الفضلي
بعد مغادرتها وجه ابراهيم حديثه لأدهم قائلا بتعجب : ايه يا أدهم إنت كان ناقص تستجوبها
أدهم بهدوء : إبراهيم لو سمحت انا عاوز منك خدمه
بمكان اخر بكليه الصيدلة
فرح لإحدي صديقاتها
م انتي: لو تبطلي سرحان شويه في المحاضرات هتفهمي
-والله انا يكون مركزه بس بعدها بسرح غصب عني
شخص ما : احم انسه فرح
فرح وهي تنظر لمصدر الصوت : ايوا اتفضل
-ممكن نتكلم شويه
فرح بتعجب : تتكلم معايا ! هو إحنا في بينا كلام وبعدين انا أصلا معرفش حضرتك
-انا ماجد طالب معاكي في الكليه وصدقيني مش هاخد من وقتك كتير
فرح : طيب اتفضل
ماجد : طيب ممكن لوحدنا
فرح باعتراض : لا معلش حضرتك اتفضل اتكلم عادي سمر صحبتي مش غريبه
ماجد بحرج : احم طيب بصي حضرتك من غير لف ودوران انا معجب بيكي وعاوز اجي اطلب ايدك ولو علي الدراسه فاحنا بس ممكن نعمل خطوبه صغيره بس عشان تبقي رسمي وكل حاجه بعد ما نتخرج ان شاء الله
فرح بتوهان : هو حضرتك بتكلمني
ماجد : حضرتك شايفه ايه
فرح باستدراك : اسفه مقصدش بص يا دكتور ماجد باين من هيئه حضرتك إنك شاب كويس و محترم بس بصراحه انا مبفكرش في الموضوع ده دلوقتي خالص انا اسفه
ثم جذبت سمر من زراعها وغادرو
سمر : ايه يا بنتي حرام عليكي احرجتيه
فرح : يعني كنتي عاوزاني أعمل ايه يعني
سمر لا ولا حاجه
فرح : يالا بقا انا همشي تيجي اوصلك في طريقي
سمر : لا انا هقعد شويه
فرح : خلاص سلاام
في المساء بملهي ليلي
كان يجلس كل من حمزه وريان وأحمد وياسر وبعض الشباب وكان كلا منهم ممسكا بكأسه
احمد : ايه يا بني فينك مجيتش بقالك ليلتين
حمزه وهو يرفع كاسه الي فمه: عادي يعني مكنش ليا مزاج
ياسر ببرود مكنش ليك مزاج ولا بابي كان حابسك في البيت
نظر له حمزه بوجه خالي من التعبير ولم يتفوه بشئ
ريان بغضب : ياسر انت شكل الشرب أثر علي دماغك فأقعد ساكت مش عاوزين مشاكل
حمزه وهو ينهض يالا انا ماشي
احمد : بسرعه كده دانت حتي لسه مخلصتش إزازه
ياسر : سيبه ياعم شكله خايف يسكر جامد وأبوه يقفشه
حمزه بتأفف : يا بني أنا تعبت من كتر ما بضربك إنت إيه بقيت عايش عشان تنضرب مني بس عموما أنا مش هنولهالك المرادي ثم قال محدثا الباقيه يالا سلام
الجميع بصوت واحد ما عدا ياسر : سلام
أنت تقرأ
حلم يقودنا لحقيقه
Randomليس من الضروره ان يكون الحلم أفضل من الواقع فهناك أحلام لو أصبحت واقع لقضت علينا وهناك أيضا واقع لو كان حلم لما كنا عايشناه بتلك السعاده
