حلم يقودنا لحقيقه

part 14

بعد ان غادر حمزه  المسجد اتجه الي الفيلا قاصدا غرفه شقيقته
حاول الا يحدث جلبه وهو يدلف حتي لا يزعجها في نومتها
جلس حمزه بجانبها علي الفراش برفق  و أخذ يتآملها ويزيل خصلاتها الحريريه عن وجهها
أحست فرح بأنامله علي وجهها فأظهرت بنيتها  برفق وما ان وجدته ابتسمت تلقائيا ثم ألقت نفسها بين زراعيه اطبق حمزه عليها بقوه خشيه من فقدانها
أبتعدت فرح قليلا قائله وهي تنظر له بقلق : مالك يا حمزه كنت متغير اوي وانت بتكلمني
حمزه وهو يحاول تغير مجري الحديث : مفيش يا حبيبتي انا قدامك كويس اهو المهم انتي رايحه الجامعه النهارده
فرح متسائله : حمزه ما تتهربش و صمتت للحظات ثم اضافت بتوتر الموضوع ليه علاقه بفطيمه : عند ذكر اسمها اخذ عقله في استراجاع بعض ما آلمه ومازال يؤلمه أخذ شريط الاحداث يمر امام عينه وكأنها حدثت الآن وليس منذ سنوات صوتها الذي كان يمزق روحه وهي تستنجد به .....لا لا ابعدوا عني حرام عليكو ابعدو لا لا الحقني يا حمزااااااه .... أخرجته فرح من شروده بلمستها ليده فرح بحزن علي شقيقها : اسفه مقصدش افكرك
حمزه وهو ينتبه الي عبره ساريه علي احدي وجنتيه فأمحاها سريعا وهو يتصنع البسمه : لا يا حبيبتي انا متضيقتش منك وبعدين انا منستش عشان تفكريني ثم اكمل مغيرا مجري الحديث المهم يا زقرده هتروحي الجامعه
فرح وهي تزم شفتيها بضيق : زقرده عموما ياعم مقبوله منك وبعدين ايه هتروحي الجامعه هتروحي الجامعه امال هروح فين يعني هو انا ورايا غيرها دي عملي الرضي
حمزه وهو يقزفها بالوساده : ايه دودودو اهدي شويه ما بتفصليش عموما انا رايح اوضتي هرتاح شويه وبعدين هلبس وننزل الجامعه سوا اما بالنسبه ليكي فا إبدأي  لبس من دلوقت انا مش ناقص فاقعه مراره ثم تركها غير مبالي بثرثرتهاا واتجه الي غرفته ليرتاح قليلا

بمنزل حور

حور عبر الهاتف : خلاص بقا يا رغاايه اقفلي عشان اكمل لبس وانا لما اجي هقولك كل اللي انتي عايزاه يالا سلام وما تتأخريش عندنا دكتور ابراهيم مش عايزين مشاكل
لاما : طيب يالا اقابلك في الجامعه ان شاء الله

بالخارج 
كانت زينب تعد الافطار
ياسين وهو يقبل جبينها ويدها : صباح الخير يا ماما
زينب وهي تربت علي رأسه بحنان صباح النور يا حبيبي يالا استعجل اختك عشان تفطروا
ياسين : لا يا حبيبتي معلش انا لازم أنزل دلوقت عشان متأخرش
زينب بضيق: يعني مش هتفطر
ياسين وهو يهم بالمغادره معلش بقا يا زوزو بس عندي محاضره مهمه وعايز الحقها من الاول وهبقي آكل اي حاجه مع سيف يالا يا حبيبتي السلام عليكم
زينب : وعليكم السلام ورحمه الله وبركاته ربنا يوفقك يا حبيبي يارب
أتت حور علي صوت باب المنزل يغلق
حور : ايه ده هو ياسين نزل ماستناش ليه ننزل سوا بس اما اشوف وشه
زينب : بيقول عنده محاضره مهمه بدري  ده حتي مارضيش يفطر خلصي انتي بس يالا عشان تفطري ولا  هبقي حضرت الفطار عالفاضي 
حور : الله ما بوراحه يا حاجه مش كده انا اقدر برضه أزعل زوزو
زينب وهي تبرم شفتيها : طاب يالا يا لمضه اقعدي

بفيلا ادهم التهامي
ارتدي حمزه ملابسه وتوجه للأسفل ليجد الجميع يلتفون حول طاوله الطعام
حمزه وهو يجلس علي مقعده : احم صباح الخير
تعجب كلا من زهره وادهم ولكنهم أجابوا جميعا صباح النور
ادهم بنظرات متعجبه لحمزه : هو انت رايح الجامعه
حمزه بتوتر : اه يا بابا في حاجه
أدهم: لا انا بس مستغرب انك صاحي بدري كده ورايح من غير خناق
حمزه : ايوا يعني حضرتك متضايق
أدهم سريعا : لا لا خالص متضايق ايه بس دانا مصدقت
فرح متدخله في الحديث : يالا يا زوما لاحسن نعوق
حمزه : وهو ينظر إلي والديه لا انا مش هرد انا هسيبلكو انتو المهمه دي
أدهم وزهره بضحك: مخلفين سواقه ميكروباص يا ربي هتبقي دكتوره كمان تلت سنين ازاي دي
ثم اكملا يالا عشان ما تتأخروش

بعد مغادرتهم
زهره : هو حمزه ماله مش عوايده يعني ينزل ويفطر معانا وكمان يروح الجامعه
أدهم : والله مانا عارف ربنا يهديه وينورله طريقه

وصل كلا من حمزه وفرح الي الجامعه واتجه كلا منهما الي كليته
داخل مدرج كليه الطب
كانت حور تقص علي لاما ما قصته علي والدتها آمس
لاما بشك : هو ده بس اللي حصل متاكده
حور بجديه مصطنعه: أيوأ ياختي هو دا بس واسكتي بقا عشان الدكتور زمانه داخل  صمتو لبضع دقائق ولكن اردفت لاما لحور وهي تلكزها بكتفها : حور حور
حور بنفاذ صبر : انا عارفه اني مش هخلص عاوزه ايه يا بنتي
لاما وهي تشير علي أحدهم بصي مين جه
نظرت حور مكان ما تشير  لتجد حمزه يدلف من باب المدرج
حور وهي تتصنع الامبالاه : ايوا يعني انا أعمل ايه
لاما بمكر : يا سلام مش ده خطيبك يعني هتفضلو بقا طول المحاضره تلقو نظرات وكشده بس تصدقي اول مره اشوفو في المدرج
حور وهي تهمس بحسره : قال نظرات قال ما تعرفش اللي فيها   ثم اردفت بصوت مسموع طاب افصلي بقا الدكتور دخل وده لو شاف حد بيتكلم هيطبق عليه مادته عملي

بكليه الحقوق
سيف بضييق: يا ساااتر الماده دي رخمه أوي انا مش فاهم ايه لازمته ان احنا ندرس ماده تاريخ القانون دي  واحنا اصلا مش هنحتاجها في حاجه
ياسين بضحك : بص شايف المبني ده
سيف باستغراب : اه شايفه
ياسين بسخريه : حلو اطلع بقا الدور الرابع هتلاقي مكتب العميد في وشك روح اسأله
حمزه وهو ينظر إليه بإشمئزاز : انت كده دمك خفيف يعني
ياسين بملل : ماهو مش كل ما يبقي عندنا محاضره تاريخ تسمعني البوقين دول اني زهجت
سيف بعبوس مصطنع :ماشي يا عم اتريق اتريق بكره يطلعلك في عيالك 

بكليه الطب
لاما بتمطع : يااااه اخيرا هولاكو ده مشي
حور : اه يا رجلي ثم أكملت وهي تقلد أحد المشاهير انا حاسه اني مش همشي تاني يا معتز دانا شويه وكنت هلزق في البنش
لاما متسائله وهي تنظر حولها : بس ايه ده هو حمزه مشي من غير ما يكلمك
حور وهي تتصنع الامبالاه اه عادي تلاقي بس وراه حاجه   لم تعرف لما شعرت  بالضيق حينها ولكنها تخلصت منه سريعا

بالخارج كان كلا من حور ولاما يهمون بالخروج من المبني ولكن اوقفهم  صوت شخص ما
-دكتور حور
حور وهي تستدير لمصدر الصوت : فاردفت  نعم يا دكتور خالد 
لاما بهمس:  الله يحرقك هو انت
خالد بخبث ونظرات جريئة: عامله ايه في الدراسه واضح ان معدش في حاجه بتقف معاكي 
حور بارتباك من نظراته فهي لا بل الجميع يعلم بسوء خلقه وسمعته فكانت تذهب إليه لتفهم منه بعض النقاط ولكن بعد أن علمت لم تخطو قدميها مكتبه مره اخري
حور : مانا مفيش حاجه وقفت معايا لحد دلوقت ثم أكملت بصدق مصطنع بس طبعا لو احتجت حاجه هاجي لحضرتك
خالد بلؤم : ايوا طبعا انا زي اخوكي وكان علي وشك ان يمسك يدها ولكن ظهر امامه ما يعيقه  ......