حلم يقودنا لحقيقه

part 18

شخص ما : حور
نظر كلاهما الي مصدر الصوت ليجدو .......
حور / ياسين : محمود
محمود بتعجب: ايه هيا صدفه وحشه للدرجادي
حور بانتباه : لا طبعا مقصدش اتفضل اقعد معانا
محمود بابتسامه : يعني لو ده مش هيضايقو
حور سريعا : لا طبعا يا محمود احنا اخوات قالت  الكلمه وهي تضغط علي حروفها
محمود : طنط زينب عامله ايه
حور : كويسه الحمد لله
محمود وصليلها سلامي اه صح مبروك عرفت ان اتقرا فتحتك
حور بجمود: لا محصلش نصيب
محمود بأسف : انا آسف ان شاء الله ربنا هيعوضك
حور بابتسامه تكاد تري :ان شاء الله
دلف كل من فرح حمزه وريان وسهي (صديقه فرح) الي المكان
جلسو علي طاوله قريبه الي حد ما من طاولتهم
فرح وهي توجه بصرها ناحيتهم
ايه ده مش دي حور وياسين امال مين اللي قاعد معاهم ده
التفتو جميعا حيث تصوب نظرها اصبحت عينا حمزه كجمرتين من اللهب اردف وهو يتصنع اللا مبالاه : عادي يعني تلاقيه واحد قريبهم
ريان بخبث : او جايز هيكون خطيبها نظر له حمزه نظرات ناريه فأردف ريان بخوف: لا لا هو قريبها انت صح
فرح وهي تنظر إلي حمزه : طيب مش المفروض اقوم أسلم عليها
حمزه بغيظ: تقومي فين اترزعي هنا والا والله هنقوم نروح مكان تاني انا مش عارف انا سمعت كلامك وجيت المكان ده  ليه
فرح ببراءه : بحبه يا اخي بحبه

عند حور
تقاجئت به وهو يجلس علي طاوله بجوارهم كان نظرها مصوب تجاههم بشرود
حور لنفسها : يا تري مين اللي معاه دي معقول يكون هيخطب واحده تانيه  لا لا مش معقول  ومش معقول ليه طبيعي ان ده يحصل امال تصميمه علي اننا ننهي الخطوبه كده مش هيكون من غير سبب يعني او جايز تكون خطيبه صاحبه ده   بس لو هي فعلا خطيبت صاحبه هتاكل حمزه بعيونها كده ليه دا ناقص تروح تاخده بالحضن ابو شكلك بنات لازقه
ياسين وهو يحرك كفه أمام وجهها : ايه يا حور سرحتي في ايه
حور لاستيعاب: ها بتقول حاجه
ياسين وهو ينظر إلي ما تنظر اليه : ياسين اها قولتيلي
محمود بتعجب وهو ينظر هو الآخر : هو في ايه انتو الاتنين
حور وهي تحيد نظرها عنهم : لا مفيش حاجه ثم أكملت وهي تنهض : يالا بقا يا ياسين انا زهقت
محمود وهو يهم هو الآخر : بدري كده طيب استنو اعزمكو علي حاجه
ياسين : معلش بقا يا حودا احنا هنا من زمان وحور هتتجنن لو مراحتش البحر
حور بضيق وهي تلقي نظره اخيره علي حمزه : مش يالا بقا

كان حمزه يستشيط غضبا كلما تذكر كلمات ريان انه من المحتمل أن يصبح خطيبها ولكنه قرر أن لا يعيرهم ادني اهتمام

فرح وهو تهزه برفق : حمزااااه ليه يابني
حمزه بضيق : عاوزه ايه
فرح بمكر : عايزاك تختار الاوردر بتاعك وبعدين انت ايه اللي معصبك وشاغل دماغك كده
حمزه بارتباك : مين اللي متعصب انا مش متعصب خالص
ريان بملل ما تخلصونا بقا انتو الاتنين

صاحبه فرح وهي تميل عليها بهمس : اخوكي ده مز أوي انا لو منك اطبعله صور كتير وعليها رقمه وماكسبش في الصوره اصل من ميت جندي
فرح بهمس : بس الله يخربيتك لو سمعنا هيفرمنا