اول اهتماماتي (مكتملة)

بارت ٣

لبس وعدل نفسه وطلع انتبه لفيصل اللي جالس براسل احد
ناصر يحس بدوخه وتعب : فيصل تبي شي ؟!
فيصل التفت عليه وانتبه لشكله : انت متاكد تبي تروح ؟!
ناصر ابتسم : اي ماعليك كلها ساعتين
فيصل : تمام انا بطلع عندي شغله كلها ساعه ونص واجي تمام ؟!
ناصر : تمام يلا سلام
فيصل بقلق : انتبه لك
ناصر : طيب
طلع ناصر للورشه وفيصل طلع لمتعب
بالورشه
خالد بخوف : ناصر شكلك مره تعبان ارجع البيت
ناصر التفت عليه بنظره : خالد اشتغل وانت ساكت
خالد تنهد بقله حيله : انت الخسران ماتسمع شي
ناصر  : اي ما اسمع كمل الشغل
عند فيصل كان يلعب بالكوب قدامه
متعب : شفيك انت ؟!
فيصل رفع راسه : شفيني
متعب بجديه : من الصبح مو على بعضك
فيصل بتفكير : ناصر
متعب تنهد : وش فيه بعد
فيصل رفع راسه : شفته يامتعب
متعب مو فاهم شي : كيف شفته ؟!
فيصل بحزن : شفته اليوم الصباح بدون تيشيرت
متعب بفضول وخوف من الجاي : طيب وش صار
فيصل : ظهره كله حريق بس مو حريق عادي لا دوائر وجروح
متعب بصدمه : مو من جدك
فيصل بداء صوته يضعف : والله
متعب : طيب ليه ماسالته
فيصل : خايف وسالته اليوم قال لي لما يرجع من الورشه
متعب بتفكير : بتصل على خالد كم مر على وقت روحته للورشه
فيصل شاف الساعه : ساعه وربع
متعب : وهو متى يخلص ؟!
فيصل : ساعتين
متعب : طيب دقيقه
طلع جواله واتصل على خالد
خالد اللي كان جالس بعد تعب انتبه لجواله اللي يدق
خالد : هلا متعب
متعب ابتسم : خالد بدخل بالموضوع على طول
خالد ضحك : دايم تتصل وراك شي قول
متعب : يعجبني اللي فاهمني
خالد : قول طيب
متعب : ناصر عندك ؟!
خالد بستغراب : انت تعرفه ؟!
متعب : اي صديقي وصديق فيصل فا اسالك هو عندك ؟!
خالد التفت : لا راح من ثلث ساعه خليته يروح مو طبيعي وجهه وردي من الحراره ومو قادر يستوعب الدنيا وجاي للورشه من جاء وانا اترجاه يرجع للبيت مو راضي
متعب بقلق : تماممم مشكور
خالد : العفو
سكر متعب ورفع راسه لفيصل : فيصل يقول له ثلث ساعه طالع من الورشه ورجع للشقه يقول انه مريض وخليته يرجع
فيصل وقف برتباك وخوف : شلون طيب برو له الحين
نروح لناصر قبل ثلث ساعه
بالورشه
خالد باصرار : ناصر روح للبيت ارتاح ولاتعاند
ناصر التفت له : طيب بروح بس بعوض الساعه هذي
خالد برتياح : ياشيخ عوضها بدال الساعه ١٠ بس الحين ارجع للبيت ريح
ناصر : طيب
ناصر اخذ اغراضه وطلع من الورشه انتبه للبقاله اللي بطريقه دخل واخذ كم شي يحتاجونه واخذ ثلج وصل للشقه بدا يحس بدوخه طلع المفتاح وبرجفه بدا يفتح الباب طاح المفتاح من يده نزل وخذاه وفتح الباب اول مادخل سكر الباب طاح على الارض مغمي عليه كان توه راجع من السفر وتذكر انه مافي احد بالشقه هالوقت بالعاده انتبه تذكر ان اخوه يحط المفتاح تحت الباب
دخل المفتاح يبي يفتح انصدم بان الباب اصلا مفتوح فتحه وشاف اللي طايح بالارض مو مصدق شاله وخذاه لغرفته ورجع اخذ الاغراض دخلها للثلاجه ورجع يشوفه شاف وجهه احمر رجع للثلاجه واخذ كيس الثلج حطه على جبهته مو مصدق هذا نفسه الشخص اللي شافه قبل ٥ سنوات بهاللحظه دخل بسرعه للشقه
فيصل بخوف : ناصر ناصر
طلع من الفرفه مبتسم وفيصل وقف بصدمه مو مستوعب كيفف ومتى : بسسام
بسام ابتسم : ياعيونه
فيصل بقلق : بسام متى رجعتت انت ؟!
بسام : توني رجعت
فيصل تذكر ناصر : ناصر ناصر وينه
بسام قرب من اخوه وضمه : طيب مافي الحمدلله على السلامه
فيصل ابتسم وبحنيه : الحمدلله على السلامه ونورت الخبر
بسام بعد عنه : ناصر بغرفته طلبت له دكتور
فيصل بخوف : شفيه ؟!
بسام ؛ لما جيت انتبهت لباب الشقه مفتوح ولما فتحتها
شفته طايح عند الباب * وابتسم * تغير كثير
فيصل : اي شرايك بيجلس صغير يعني
بسام ضحك : لا مايجلس صغير بس جد تغير عن اخر مره نحفان ولونه صاير اصفر
فيصل تغيرت ملامحه للهدوء : اي له فتره مو على بعضه ابد
بسام حط يده على كتف اخوه : لاتحاتي الامور بتمشي تمام لاتفكر كثير
سمعو الجرس فيصل راح وفتح الباب على طول
الدكتور دخل : السلام عليكم
فيصل وبسام : وعليكم السلام
الدكتور : هنا بيت فيصل ؟!
فيصل : اي هنا تفضل يادكتور
الدكتور دخل لغرفه ناصر  نزل اغراضه وبدا يفحصه فك ازرار الثوب
فيصل كان مرتبك : دكتور احنا برا اذا احتجت شي
الدكتور : طيب
بدا يفحصها وعطاه علاجات اللي كانت متوفره معه بعد ماخلص طلع من الغرفه كان فيصل واقف بمحله
فيصل بتسرع : كيفه يادكتور ايش فيه
الدكتور : ياليت تهدا هو بخير بس انه ارهق نفسه كثير وحرارته مرتفعه مره يحتاج هذي العلاجات لثلاث ايام تعطيه اياها اليوم وبكرا وبعده لازم مايتحرك ويرهق نفسه كثير انتبهو له والاكل ياليت لو يكون اكل بيت وتكون ٤ وجبات الوجبات الاساسيه ومعاه وجبه بعد الساعه ٩
فيصل : تمام يادكتور مشكور
الدكتور : العفو اذا ما انخفضت عنده للحراره لازم ينقل للمستشفى
فيصل : ان شاء الله
نروح منهم بعيدد ببيت من بيوت الخبر
تركي : اقول طلال
طلال التفت لتركي : همم
تركي بتفكير : ناصر ماعادهو مثل اول حتى بالشركه يجي يداوم وهو هادي ويطلع له فتره
طلال بملاحظه : اي لاحظت عليه هالشي بس ماحبيت اقول له شي ويتضايق
اندق المجلس
تركي : الباب مفتوح
دخلو
نايف لوح بيده  : هاااي
وليد ضربه على راسه : الناس يسلمون مو يقولون هاااي
نايف عطاه نظره : لاتضرب طيب
وليد طلع لسانه ومشى من عنده : طيب

نايف : ياعيال احد يتصل عليه يشوفه اذا صاحي يجي يسهر معنا
تركي طلع جواله : بشوفه الحين عساهو صاحي بس
وليد جلس : ياعيال ترا ناصر مضغوط هالفتره شفته بالدوام اليوم بالصدفه وجهه اصفر ونحفان وعيونه حولها هالات سودا
تركي : اي فيصل كان يتكلم عنه
طلال بتنهد : طيب اتصل نشوف
تركي جواله رن رنتين مارد اتصل على فيصل
فيصل كان طالع من غرفته وسمع جواله
فيصل المنشفه على شعره وينشف شعره  : هلا تركي
تركي باحراج انه يتصل على فيصل ويزعجه : فيصل اخبارك
فيصل  طلع للصاله وانتبه لبسام اللي جالس يشرب كوفي : تمام وانت
تركي : بخير فيصل كنت بسال عن ناصر مايرد
فيصل : اي نايم تعبان من الدوام ونام
تركي بتردد : طيب فيني اشوفك !!
فيصل استغرب نبره تركي : فيه شي ؟!
تركي : لا خلاص بعدين نتكلم اوك
فيصل بقلق جلس على الكرسي : تركي تكلم شفيك !!
تركي : فيصل انا بقدم اجازه لناصر
فيصل رفع حاجبه : وليه ؟!
تركي التفت للعيال  : يافيصل الولد مو على بعضه له فتره وانت اكثر شخص عارفه خله ياخذ اجازه ويرتاح وياليت تكون بجنبه علشان يتشجع ابوه من توفى تركه امانه عندك
فيصل حط سبيكر ونزل جواله على الطاوله : عارف ياتركي ولو اعرف عن شي من كان معه اغلب الوقت اساله بس مافي احد
وليد كان يشرب القهوه : صدددق
فيصل سمع صوت وليد لانه كان صوته طويل نسبيا : شفيه
وليد يوجه كلامه ل تركي : افتح السبيكر
فيصل : هلا وليد
وليد : هلابك فيصل اسمع فيه واحد جاء قبل ٣ اسابيع للمكتب عند ناصر لدرجه ناصر الغاء كل المقابلات والمعاملات اللي عنده وجلس بالمكتب طول اليوم وكانت حالته مو طبيعيه
فيصل : قد شفته ؟!
وليد شرب القهوه اللي بيده : لا اول مره اشوفه وبعد الدوام لما سالت ناصر عليه قال لي مو احد هذا مراجع كان يشتكي عن معامله له
فيصل بتفكير : تمام وليد يعطيك العافيه
وليد : اذا تبغى بجيب لك تسجيل الكميرات
فيصل : ياليت تسوي خير والله
وليد : تمام على خير
سكر منه والتفت لاخوه فيصل بداخله * انا لازم انقل ناصر من هنا بسام مايطيقه ودايم كان يجرحه بالكلام * تنهد تنهيده طويله
بسام نزل الكوب اللي بيده : فيصل اسمعني بتكلم معك عن موضوع
فيصل بتوتر : قول
بسام اخذ نفس : اسمع يافيصل صح انا ماكنت متقبل ناصر لما جبته وانك كنت المحامي لابوه
فيصل تغيرت ملامحه للضيق : طيب
بسام : انت كنت المحامي حق ابوه ولما جاء بيطلع من السجن عرف ان اخوه يدبر له موته ووصاك على ولده صح لما يدخل السن القانوني انك تاخذه وكان باول ثانوي انا كنت كاره سالفه انك تهتم بشخص وانت متطلق تو
فيصل قاطعه : بس ناصر اغناني عن الكل هو عائلتي صح ماكنت اعرفه بس شخصيته خلتني ما اتركه ابد
بسام ابتسم: عارف وهذا الشي ما اكتشفته الا لما سافرت وعدت حساباتي فا انا جاي الحين شهر بجلس معكم وبرجع اكمل دراستي بس احب اقول لك اني ندمان على كل شي وجاي اصحح هالخطاء تكفى لاتحرمني هالشي
فيصل سند ظهره : ما اقدر اقول لك شي يابسام بالاول والاخير القرار يعود لناصر
بسام : تمام اهم شي انت مو زعلان علي
فيصل ابتسم : انا ازعل عليك انت اخوي الكبير بالاول والاخير ماقدر استغني عنك
بسام : لاتذكرني
فيصل ضحك يعرف نقطه ضعف اخوه : ابشر طيب وش تحب تاكل !!
بسام : مدري بشوف لي اي شي انا انت روح شوف ناصر
فيصل : تمام صدق ابي اطلع اشتري له العلاجات
بسام : عطني اشوف بروح اجيبها خلك عنده