اول اهتماماتي (مكتملة)

بارت ٩

🥺♥️ وربي انبسطت من البارت اللي راح وتحمست وكتبت لكم بارت طويل اتمنى ماتتركوه بدون تفاعل ☹️💔 وتخلوني اخفف حماس كل ما شفت حماس اكثر كل ماكان البارت اطول
...............................
فيصل اتصل على ناصر علشان يساله وينهم ناصر اول ما انتبه لاسم فيصل خاف ومد الجوال لبندر : تكفى رد بدالي وقول له اني بالحمام
بندر عقد حواجبه : ليه ؟!
ناصر بترجي : تكفى يابندر
بندر تنهد بقله حيله : الو فيصل
فيصل بعد جواله يتاكد اذا هو اتصل على ناصر : بندر ؟!
بندر : اي ناصر بالحمام توه داخل وترك اغراضه معي
فيصل بقلق التفت لمتعب متعب مايدري وش صاير بس قال له يكمل مكالمته: اي وينكم الحين احنا خلصنا
بندر يتلفت يبي يشوف شي واضح : عند محل ڤرزاتشي
فيصل يتلفت : خلاص خلوكم عنده وبنجيكم
بندر : خلاص تمام
بعد ماسكر التفت لناصر
ناصر : تكفى يابندر لاتسالني عن شي حاليا
بندر بخوف : ناصر ليكونك تعبان وماتبي تقول لفيصل
ناصر بهمس ما وضح لبندر بسبب ازعاج المجمع : ياليتني مريض ولا اعيش كذا
انتبهو لهم جايين
فيصل توجه لناصر ومسك يده ناصر سحب يده وابتسم : انا بخير
العيال بهاللحظه التفتتو لبعض
وليد بهمس : قلنا مارح نستعجل
سكتو وكملو يومهم عادي وتنقل بين المحلات وكل مره يصير موقف لفيصل وناصر يثبت لهم ان ناصر يتصرف بتصرفات غريبه تجاه فيصل اول ماوصلو للفندق ناصر مسك يد متعب متعب استغرب والتفت له
ناصر عض شفتيفه وبصوت واطي : ابغى اكلمك بشي ضروري
متعب مسك يده وراحو من الكل : تمام تعال معي
فيصل لما راحو للطابق المحجوز لهم : ياعيال وين ناصر ومتعب ؟!
بسام : قال متعب انه يبي ناصر يبي يشتري لاخته هديه تعرفه يثق بذوق ناصر دايم
بندر كان يسمعهم وبداخله الف سوال وسوال على تصرفات ناصر بس ماتكلم
عند متعب وناصر جلسو بالجلسات اللي بالفندق
متعب : شفيك؟!
كان الجو بارد وناصر بدا يكح : ابي اطلب منك طلب
متعب : قول
ناصر : ابي ابدل الغرفه معك
متعب حس بصدمه من كلام ناصر للحين مو مستوعب كلامه : هاه ؟!
ناصر بامل : تكفى يامتعب لاتردني
متعب بجديه : ناصر انت صاير معك شي علشان تطلب كذا
ناصر يحاول يبين نفسه انه كاره فيصل : لا بس مابغى انام مع فيصل بنفس الغرفه ماعدت بزر يهتم فيني
متعب بتعجب بنفسه * هذا اللي كان يقول محد رح يجلس مع فيصل الا انا * تنهد : طيب امري لله بس ابي سبب مقنع
ناصر حس برجفه بعظامه لما تذكر اللي صار : تكفى متعب لاتسالني ولاتردني اول مره اطلبك شي
متعب بتفكير : هو من ناحيه اول مره تطلبني فا هو صدق بس بنفس الوقت اووووووف ناصر خلاص تمام امري لله طيب وش اقول لفيصل !!
ناصر : لاتقول له شي انا بروح للغرفه مع بسام وانام تمام وانت اصعد بعدي بنص ساعه وروح لفيصل علشان تنام معه وبعدين بكرا نبدل الاغراض
متعب بشهقه : يعني مو ليله ؟!
ناصر نزل راسه وابتسم بالم : لا مو ليله ابي اكون بعيد عنه
متعب : طيب لييييه ليه هالتصرفات ؟؟!
ناصر : لاتسالني
متعب : طيب روح نام والله يعيني على فيصل واسئلته
ناصر ابتسم وراح لغرفه عند بسام ماكان موجود بس بعد دقايق دخل وقفل النور
بسام بنفسه * غريبه متعب جاء ونام ؟! امداه * قفل الانوار وقرر ينام ويصحى قبل الفجر
بعد نص ساعه بالضبط راح متعب لغرفه فيصل وفتح الباب
فيصل كان معطي الباب ظهره : اخيرا جيت ؟!
متعب مارد
فيصل : وين كنت طول هالوقت ؟!
فيصل ماحصل رد التفت وانتبه لمتعب قدامه استغرب
فيصل : وين ناصر !!
متعب دخل بثقل مو وستعد يواجه فيصل واسئلته : نام مع بسام
فيصل بصدمه وبحده  : مع بسام ؟! وليه ماقال لي
متعب جلس على السرير : فيصل تعال نام وتعوذ من الشيطان
فيصل : بروح اشوفه
متعب وقف ومسك فيصل : مارح تروح الولد نام من زمان اتركه
فيصل بعصبيه : انت مو شايف تصرفاته معي وسالفه انه ينام مع بسام مامشت علي ترا عارف ان فيه شي
متعب : طيب ليه ماتنتظره يحكي لك
فيصل ابتسم بسخريه : لو انتظره مارح يتكلم
متعب  رجع سريره : فيصل خله ينام اليوم وبكرا تكلم معه
فيصل قرر يجلس وتعوذ من الشيطان تنهد وانسدح ناصر كان يحترق من داخل ومانام عدل وفيصل ماكان اقل منه ابد بالصباح
صحو وراحو للفطور
فيصل لناصر : ناصر تعال بكلمك
وليد وتركي اللي كانو قراب من بعض : شصاير !!
ناصر اخذ الصحن : ماتوقع فيه شي نتكلم فيه
فيصل وقف مصدوم من رد ناصر له وليد وتركي مو اقل صدمه منه مستحيل ناصر يسوي كذا ليش ؟!
فيصل حاول يضبط اعصابه : ناصر قلت لك تعال بكلمك
ناصر كمل فطوره عادي ومارد على فيصل
متعب وقف قدام ناصر : انت وش صاير معك ؟!
ناصر رفع راسه : وش صاير ؟! ماصاير شي هذاني قدامك بخير * وابتسم *
ابتسامة ناصر استفزت فيصل بشكل مو طبيعي
كملو فطور ولما طلبو قهوه دق جوال ناصر بندر لف عليه وانتبه له قام وراح بعيد عنهم
ناصر : الو
الرجال ابتسم : ياليت تستمر على هالمنوال
ناصر صك على اسنانه بقهر مايدري وش يسوي : وبعدين مع هاللعبه ؟!
الرجال : اوف اوف زعلت البرنسس
ناصر سكر بوجه وانتبه له داق ثاني مره رد عليه
الرجال بعصبيه: تعيدها ثاني وتكون نهايتك
وسكر بوجه ناصر راح جلس معهم نزل بسام لتحت وانتبه لهم جلس بجنب متعب
بسام : اقول متعب شعندك مبدل مع ناصر
العيال كانو بجنبه واسمعو الحوار
متعب كان غارق بالتفكير : خليته ينام معك يقول مايبي يكون مع فيصل لانه مو بزر
بسام التفت على متعب : تمزززح؟!
متعب : والله
بسام:  وفيصل وينه ؟!
متعب : كالعاده راح يدخن
بسام : غريبه ناصر ماعمره سواها
متعب : ماهو هذا اللي مجنني انها ماقد صارت
سكتو كلهم فجاءه
نايف بهمس : ناصر انجن
تركي التفت لبندر : شفيك بندر
بندر : ملاحظ تصرفات ناصر باديه تتغير
فيصل جاء لهم ببتسامه : يلا نروح ؟!
الكل : يلا
قامو واللي راح للغرفه يجيب اغراضه واللي كان موجود اساسا تحت كانت السياره اللي مستاجرينها كبيره تكفيهم كلهم بدو رحلتهم بالتنقل وصلو مكان رح يضلون فيه كانت شبه كشكات ومحلات وشارع طويل ممتد فيه انواع للمحلات
بندر وتركي  راحو بتاجه تركي : شفيك ناصر ؟!
ناصر التفت لهم : مافيني شي
تركي : تصرفاتك ماتقول ان مافيك شي
ناصر ابتسم : جد مافي شي
نايف : بالبدايه تجاهل والحين اكثر
ناصر يحس قلبه يتقطع وهم يتكلمون عن فيصل وهو مو قادر يروح له او يتكلم معه
مر الوقت وهم للحين يتجاهل كل واحد منهم الثاني