اول اهتماماتي (مكتملة)

بارت ٣٢

اهم شي تكتبون رايكم ♥️😌

طلع فيصل وجلس بالصاله جاه اتصال من المدير بالدوام استغرب
فيصل : هلا والله
المدير : هلابك اخبارك فيصل
فيصل : بخير والله وانت ؟!
المدير : والله بخير  اسمع فيصل مارح الف وادور علشان كذا بدخل بالموضوع على طول
جاء ناصر بهاللحظه : قول
المدير : بكرا ترجع للفرع تمام وتكون موجود تصرفات عمر مع ناصر ما اظمن لك انه ماياذيه سوا كلام او تصرفات
فيصل عقد حواجبه : طيب ؟!
المدير : بس هذا اللي كنت بقوله عمر مارح يقدر يسوي شي بوجودك وهو طول هالشهر يضايق ناصر سوا بالكلام او بالاعمال توني اشوف الكميرات ناصر كان مايطلع من الدوام الا باخر الليل ايام معاه متعب وايام لا وكانت محادثتهم انه باقي كم ورقه ويخلص ويطلع للبيت لو كنت اعرف من قبل وقفته عند حده بس الحين ماشفت منه علشان كذا رجعتك بدري
فيصل تنهد : طيب مشكور والله مارح انسى لك هالجميل
بعد ماسكر المدير التفت على ناصر : بسالك وجاوبني
ناصر بداء قلبه ينبض بشكل كبير ان احد عرف واتصل على فيصل يقول له : بقول لك كل شي من غير سوال
فيصل ماتركه يكمل كلامه : عمر يضايقك بالدوام
ناصر رفع راسه بستغراب وزله لسان: كيف عرفت ؟
مسك فمه بصدمه كانه ماكان بيقول لفيصل اصلا : شفيك ؟!
ناصر بتدارك : لا ماكان يضايقني بس كان يعطيني اعمال اضافيه
فيصل بهدوء وصبر :طيب تعال اجلس
جلس ناصر ومد الكوب لفيصل كانت يده ترجف ومتوتر : بقول لك شي بس اتمنى ماتنفعل
فيصل سند نفسه : قول
ناصر : بالنسبه للي صار اليوم مو صدفه صح كان ناقصني تغذيه بس فيه سبب ثاني
فيصل : ايش؟!
ناصر : سلطان
فيصل : شفيه ؟
ناصر : سلطان دكتور * سكت شوي * انا اتعالج عنده علشان اترك الدخان وبنفس الوقت اعالج نفسي من المخدر اللي قبل شهر
فيصل انصدم وماعرف وش يقول سكت شوي : من متى !!
ناصر : اتعالج من المخدرات اللي بجسمي من ٣ اسبوع من الشهر بديت اخذ علاجات واتاثر فيها ولازم اكتفي من النوم بس ماكنت انام عدل حدي نوم ٤ او ٣ ساعات وارجع للدوام كنت اعاني من نوبات افقد اعصابي فيها واعصب بس
سكت فجاءه
فيصل بستغراب :بس ؟!
ناصر ابتسم ووقف : تعال معي دقيقه
رااح وراه وراحو للمخزن انصدم من الجدران والالوان اللي فيها والعلب المكسوره سكر الغرفه والتفت له : بس كنت افرغها بهالغرفه لاني كنت اتوقع انك ماترجع ثاني مره
فيصل قرب منه وضمه : انا هنا الحين اي شي يضايقك اي احد يتكلم معك رح اكون بوجهه رح تشوفني معاك دايم وبجنبك
ناصر شد بقميص فيصل : شكرا يبه
فيصل ابتسم : مافي شكر بين الاب وولده
بعد عنه ورجع جلس بالصاله ناصر دخل للغرفه حقته واخذ العلاجات وجابها لفيصل تكلم وبصوته بحه وضيق : كل هذي استخدمها باوقات مختلفه خايف اقول لك شي واضايقك خايف اسوي شي اندم عليه خايف تطفش مني خايف تشوف حالتي وتتركني خايف من الدنيا وايش مخبيه لي خايف اروح للدوام خايف من اخوياي خايف من كل شي حلو بحياتي يختفي
فيصل : ناصر انا ما اخذتك علشان اتركك او اطفش منك كم مره تبيني اقولها لك كم من مره تبي اعلمك انك الشخص اللي بحياتي وابغاه يبقى بحياتي طول العمر كم مره تبيني اقول اني ما اخذتك علشان اخذلك او اكسرك او اسمح للخوف يدخل قلبك انا غلطت لما تركتك غلطت لما سمعت كلام الغير غلطت لما ماكنت بجنبك بوقت انت احتجتني فيه اكثر من اي وقت ناصر انت ولدي ورح تضل ورح تبقى بقلبي مهما صار ربيتتك وعلمتك وهذا انت بوظيفه ومنصب وبجنبي وش ابغى اكثر من كذا
ناصر برجفه : بس انا خايف
فيصل باصرار : خايف من ايش احد يهددك احد قال لك شي ؟! ناصر تكلم لاتحمل كل شي بقلبك
ناصر : اخاف تروح تاخذك الدنيا
فيصل قرب منه وضمه : لاتخاف انا هنا
نروح منهم بعيد للعيال
تركي وهو جالس بالسرير يناظر بالجدار : اقول
نايف اللي كان جالس بجنبه: قول
وليد : عارف وش تفكر فيه
طلال اللي كان جالس بالارض : كيف ناصر يقدر يسوي كذا
تركي ابتسم : هذا من اللي كان يصير له علشان تعرفون لما كان يسكر على نفسه كان هذا النتيجه
وليد : اوف لنا ساعه جالسين هنا قومو نروح ننام ورانا دوامات بكرا
نايف بضيق : تركي ناصر ماكلمك عن دكتور ؟!
تركي التفت عليه مستغرب : كيف عرفت
نايف : سمعته يتكلم مع صقر بالصدفه
تركي مشى برا وليد كان واقف يسمع والباقي طلعو وراه : اي ياعيال ناصر يبي يترك الدخان ويبي يعالج نفسه من المخدر علشان كذا صار يراجع المستشفى كثير
طلال بفرح: صددق
وليد : بس اتوقع مايبي احد يدري صح
تركي ابتسم : اي حتى فيصل ماقال له شي بس لازم يقوله
طلال بتثاوب: يلا النوم
وليد : تصبحون على خير
ببيت متعب
متعب كان يرتب فراشه بالصاله انتبه لجواله رقم :هلا
صقر : هلا بالزين
متعب تنهد : وجع وش هالرقم
صقر : شفيه رقمي
متعب : كم رقم عندك انت
صقر : دقيقه حق اللي باعمال ابوي وحقي وحق العيال
متعب بتعب : بس بس بيقول لي قصه حياته خلصني شتبي ؟؟
صقر : بتنام ؟!
متعب : اي والله تعبان ليه
صقر : تصبح على خير ياحلو
متعب : تعال شفيك ؟!
صقر : لا بس كنت ابي اشوف وش بتسوي بكرا اذا نروح للعيال
متعب : تمام
سكر منه ودخل بالنوم على طول فيصل كان يرتب الصاله واوراق الدوام لانه بيداوم مع ناصر بكرا بس ماقال له سكت يبي يسويها له مفاجئه
اليوم الثاني صحى بدري واخذ كوبه وكوب الثاني سوا له حليب وتوست وكوب قهوه طلع فيصل لابس
فيصل قرب من ناصر وباس راسه : صباح الخير
ناصر اللي كان سرحان بالكوب ابتسم : صباح النور
فيصل عقد حواجبه : مو العاده حليب من الصبح شصاير
ناصر : اوامر عليا
فيصل لعب بشعر ناصر : يلا علشان اوصلك بطريقي
ناصر عقد حواجبه : لاا بروح بسيارتي
فيصل بنفي : انا اللي بوديك واجيبك
ناصر وقف واخذ بوكه واشنطه الاوراق : طيب يلا لا اتاخر الحين
اول ماوصلو الدوام
فيصل : انتبه لك
ناصر ابتسم : تمام وانت بعد واتصل علي اذا بغيت شي
اول مادخل ناصر وقف السياره ونزل بهيبته لمكتب المدير على طول دق الباب
المدير : ادخل
فيصل : السلام عليكم
المدير : وعليكم السلام ياهلا فيصل
فيصل : اخبارك
المدير : بخير وانت كيفك
فيصل : بخير  * المدير كان بيتكلم * قول وش فيه ؟!
المدير : فيصل بسالك سوال ومابغاك تكذب
فيصل بثقه : قول
المدير بتردد : انت ابو ناصر ؟!
فيصل ابتسم: اي ابوه
المدير : كيف واسمائكم تختلف ؟!
فيصل : انا ابوه بالتبني وابي اقول لك ناصر وصل للي وصل له من دون واسطات ومن دون تدخلي باموره
المدير : عارف والا كان عرفت من اول مانقل بس ابغى اقول لك عمر ماعاد اقدر اسيطر عليه قبل اسبوع هو اللي تكلم مع ناصر بانه ولدك من التبني وانك اكيد بيوم بتتركه
فيصل وقف : تمام استئذن بروح لشغلي
متعب كان رايح للمدير وتفاجئ لما فتح الباب : اوه فيصل انت هنا ؟!
فيصل ابتسم : اي
متعب مشى من جنبه وهمس : عمر راح لناصر روح له
فيصل مارد عليه وتوجه لمكتب ناصر
عمر فتح الباب ودخل : اوووه مداوم اليوم *حط الملفات على المكتب * رح تكون عملك الاضافي دلع فيصل وواسطاته انه يجيبك معه والنهايه يتركك راح
ناصر ابتسم له : طيب تامرني بشي ثاني
عمر قرب منه واستند على المكتب : لاتتوقع راح واحد رح يتركونك الباقي
ناصر قشعر جسمه من طريقه عمر وكلامه
فيصل بحزم وجديه كان يحاول يمسك اعصابه : عمر
عمر التفت وببتسامه مستفزه : اوووه فيصل شعندك !!
فيصل قرب منه ومسك ياقته وبعصبيه همس له بتهديد : انت عارف وش بايدي اسوي فيك ولا ؟! ناصر لاتقرب منه ثاني مره رح تعرف وش رح اسوي فيك
ناصر وقف وراح له طاحت من الطاوله الاقلام : فيصل اتركه
عمر التفت بنظره شر لناصر : فيصل اجل
ناصر توتر من نظرته فيصل نفض يده من ياقه عمر : اطلع كمل شغلك
طلع عمر ودخل متعب يصفق : اووووه فصول وش هالثقه والهيبه ماعرفتك
فيصل كان يحاول يمسك اعصابه ناصر انتبه له ومسك يده : يبه فيك شي ؟! فيصل
فيصل حاول يسيطر على نفسه علشان ناصر مسك وجهه : مافي شي انت صار لك شي ؟!
ناصر : لا ماصار
فيصل ابتسم : تمام اجل كمل شغل اللي بيدك يلا بس تخلص علمني بكون بمكتبي مع متعب
ناصر استغرب : ليه دوامك هنا ؟!
فيصل ابتسم : اي نقلت هنا خلاص
ناصر بحماس : صددق والله
فيصل ضحك على رددت فعله : اي صدق يلا خلص واتصل علي لاتجي
ناصر هز راسه بالايجاب
اما فيصل اخذ الملفات اللي على مكتب ناصر لانه التفت يرتب اللي طاح بالارض وطلع هو ومتعب
متعب ساكت يعرف حالة فيصل هذي فا فضل يسكت
فيصل دخل للمكتب المشترك واخذ الملفات رماهم على مكتب عمر : بيني وبينك حد الحين مكتب ناصر لاتقربه تبي شي ارجع لي او ارجع لمتعب وبالنسبه لناصر هو ولدي بالتبني صح بس مستحيل اتركه مثل ماتركك ابوك علشانك مارح تشتغل بشركته * وبحزم وتشديد * ناصر لاتقرب منه مو فاضي لك الحين والا سالتك عن معنى كلامك له بس بتركك الحين والملفات يالمجتهد يا اللي ماينتهي الدوام الا انت مخلص كمل ملفاتك ولاترميهم على غيرك
بعد عنه وراح لمكتبه جلس وجلس متعب بالمكتب كان الصمت سيد الموقف اما ناصر كان يفكر ليه عمر قال كذا وايش يقصد بكلامه ؟! لازم اسال فيصل او متعب سكت شوي وارسل بالقروب
ناصر : عيال
طلال : عيونهم
نايف : قلب نايف
تركي : امر
وليد : ياروح العيال
ناصر اتصل عليهم مكالمه جماعيه : الو
العيال : هلا
ناصر : فاضين اليوم ؟!
تركي : الساعه ٤ تعال لنا
ناصر : خلاص تم * تذكر*لا دقيقه بعد ماخلص موعدي بجيكم
طلال : ابد الشقه شقتك حياكك بس جيب معك اكل
وليد :وانت ماتفكر الا بالاكل
طلال فتح عيونه بصدمه: اذكر الله
ضحكو عليه
تركي : نصور انت بدوام ؟!
ناصر : اجل وين بكون
تركي :اكلت علاجاتك
ناصر : اي
وليد : يلا نصور بنسكر لايجي المدير ويطردنا