اول اهتماماتي (مكتملة)

بارت ١٣

انتظر منكم التعليقات اللي تحمسني انزل البارن بكرا 😍😍♥️
............

عند ناصر بعد ماطلع فيصل من عنده جلس وبدا راسه يدور من الالم ماقدر يستحمل  يحس بغشاوه على عيونه اخذ جواله بعشوائيه واتصل على تركي
اما عند العيال دق جوال تركي ماعطاه بال وظلو ينتظرون ردت فعل فيصل دق جوال بندر بعد اتصال تركي بندر رفع
ناصر مسك راسه وعيونه مليانه دموع : بندر
بندر لاحظ صوت ناصر : دقيقه *وقف وطلع من عندهم * شفيك ناصر
ناصر بالم : تركي وين يابندر
بندر: عندي ناصر شفيك انت
ناصر : تكفى تعال مو قادر استحمل الالم اللي براسي
بندر بخوف : خلك بجيك الحين انا
تركي اللي كان داخل رفع جواله وانتبه لاتصال ناصر عقد حواجبه وماعرف وش يقول اتصل عليه كان جواله مشغول
بندر سكر من ناصر ودخل الكل التفت عليه
تركي بقلق : بندر من متصل عليك
بندر : نفسه اللي اتصل عليك * وجه كلامه لفيصل * فيصل ناصر اللي متصل
متعب : شفيه فيه شي
بندر : اتصل علي وصوته مو بخير يقول ان راسه يالمه بشكل مو طبيعي وقال لي اذا تركي عندي نروح له
فيصل ماانتظر بندر يكمل كلامه لانه طلع متوجه لشقه ناصر
بسام : بندر وش فيه ؟! وش قال لك
بندر : قال لي نفس الكلام اللي قلت لكم
عند فيصل اول ماوصل انتبه لسياره الاسعاف اللي تروح
راح عند الحارس
فيصل بتوتر وغضب : من اللي كان بسياره الاسعاف
الحارس بخوف من فيصل وردت فعله : هذا واحد توه ساكن جديد اسمه ناصر
فيصل : وين خذوه
الحارس : مستشفى التخصصي
فيصل رجع للسياره وانتبه لبسام اللي وراه هو وسياره ثانيه كانت لبندر
مشو سوا لحد ماوصلو لمستشفى التخصصي راح فيصل للاستقبال
فيصل : لو سمحتي فيه واحد توه جاي اسمه ناصر ال**
السكرتيره : اي دقيقه بس * هو موجود بالغرفه مع الدكتور
فيصل التفت لبسام مايعرف وش يسوي : طيب شفيه
السكرتيره : ماعندي خبر بس فيك تروح وتسال الطبيب
راحو للغرفه اللي ناصر فيها وبوقتها الدكتور طلع كان نفس الطبيب اللي كان مستلم حاله ناصر لما صار له الحادث
الدكتور : اتمنى منكم تتركونه حاليا لانه حاول يتذكر وهذا اللي تسبب له بالالم اللي فيه * التفت لفيصل * مو انت فيصل ؟!
فيصل : الا انا هو
الدكتور بحزم وجديه : فيصل اتمنى منك تبتعد عنه لانه انت السبب في اللي هو فيه
فيصل فتح عيونه بصدمه : انا كيف كذا يادكتور
الدكتور: فيصل من اخذنا ناصر من البيت لهنا وهو بس يصرخ ليه مو قادر يتذكرك عطيته مهدئ ورح اتركه عندي يومين اتمنى انك ماتقرب منه * التفت لهم * واتمنى منكم محد يزوره واللي بيزوره ينكر معرفته بفيصل نهائي
الباقي هزو راسهم بالايجاب
ناصر كان بالغرفه وحوله الاجهزه يتنفس بنتظام بسبب المهدئ اما فيصل رجع للشقه وبدا روتين تعذيب النفس انه هو السبب في كل اللي صاير لناصر بس تذكر سالفه سعاد وقف بعصبيه بسام وقف بوجهه
بسام : نتطمن على ناصر وبتركك تسوي اللي تبي
فيصل بعد بسام بالقوه وفتح الباب نازل كان متعب توه جاي بالاكل انتبه لفيصل اللي جاي ينزل مندفع نزل الاكل بالارض وراح مسكه فيصل بدا يضرب متعب بقوته
فيصل بصرخه : متعب بعدد عني
متعب : فيصل اهدى فيصل الامور ماتنحل كذا انت اخبر واحد
فيصل ماسمع لمتعب بس متعب بقوته مسكه وخذاه للداخل وحطه بغرفته وسكر الباب عليه
متعب بحده : بسام وين مفتاح غرفته
بسام طلع المفتاح وقفلو الباب عليه فيصل اللي ماهدى بدا يررفس الباب ويكسر الاشياء اللي قدامه بعصبيه
متعب دق الباب وبجديه : مارح افتح الا لما تهدى فاهم
بسام كان دايم ضعيف عند اخوه مايقدر يسوي له شي بعد ماسوى لناصر يخاف يرجع لعصبيته واسلوبه القوي ويخسر فيصل نهائي
اما بالمستشفى
الدكتور : ماصحى؟!
السستر : لا يادكتور ماصحى للحين
الدكتور مسك يده وجلس بجنبه : ناصر ناصر * وبهدوء * ناصر سامعني اصحى ياناصر
ناصر كان بشبه غيبوبه بعد المهدء كان بصراع داخلي يصحى او مايصحى كان بصراع يفكر هل اذا صحى بيضل متذكر فيصل لانه حاليا عرف ان فيصل ابوه واخوه وصديقه كيف كان طول هالشهر كامل يتجاهله ومايعطيه بال ويبعده عنه وكيف تجرى وقال انه مو عارف من فيصل
مر اليوم على الابطال هادي اليوم الثاني
وليد وهو يلبس ثوبه : تركي بسك نوم اصحى
تركي بملل : وليد خلني مانمت الليل
نايف دخل عليهم : من التفكير بس محرق نفسك تفكير على مدري ايش
طلال دخل وراء نايف : من بيروح المستشفى
نايف : انا ووليد بنزوره ونرجع للدوام
طلال : اوف تركي اصحى عاد من بيروح معي للدوام
تركي جلس : هاه خلاص قمنا اعجبك انت وياه
وليد ضبط شماغه : اي عاجبنا اخلص قم بس
سمعو جوال تركي يدق التفت بضيق : يالله حتى جوالي
بندر : هلا تركي
تركي : هلابك وينك انت امس رحت ولا عاد كلمتنا
بندر : اي والله اتصلت علي زوجتي ورجعت للبيت بنتي كان ناقصها كم شي من الصيدليه ورجعت اجيبها لها
تركي : اها الله يخليها لك يارب
بندر: امين يارب يخلي لنا جميع احبابنا الا قل لي فيه احد راح يزور ناصر ؟!
تركي التفت لوليد ونايف اللي واقفين : لا العيال بيروحون يزورونه قبل وقت الشفت حقهم
بندر : تمام اجل طمنوني
تركي : ابشر
سكر منه ورفع الحاف : بندر يقول طمنوني اذا رحتو وخلصتو
وليد : تمام يلا نايف
نايف : يلا
* ستوب *
بشرح لكم وضع العيال هي شقه كبيره عباره عن ٣ غرف نوم وصاله كبيره ومطبخ و٣  دورات مياه بغرفه تركي ووليد وبغرفه نايف وطلال وغرفه تاركينها فاضيه يمكن ناصر يجي ينام عندهم او احد من معارفهم *
نرجع لروايتنا
اول مادخلو المستشفى توجهو للدكتور
وليد : دكتور يعني بيصحى ولا لا وليه للحين ماصحى
الدكتور تنهد : والله مدري ايش اقول لكم ناصر دخل بغيبوبه اراديه
وليد التفت لنايف اللي مستغرب حاله حال وليد : مافهمت
الدكتور : امس بعد ماعطيناه المهدى ماعاد صحى ماندري وش السبب بس واضح ان ناصر يعاني من صراع داخلي جزء يرفض يصحى وجزء يحاول قد مايقدر يتمسك بالحياه
نايف بغضب : دكتور وش جالس تقول انت
وليد بجديه : ناصر ماله علاج الا فيصل لازم فيصل يجي عنده
اما بالغرفه عند ناصر كانت السستر جالسه بجنبه تنتبه لاشعاراته بداء يفتح عيونه بثقل
ناصر بثقل التفت وشاف الدنيا ضباب حوله بس فيه شخص جالس وهذا اللي كان متاكد منه   : فيصل
السستر قامت وضربت الجرس الدكتور انتبه للتنبيه وتركهم متوجه لغرفه ناصر ومارد على اسئلتهم دخل للغرفه وبفرح
الدكتور : الحمدلله على سلامتك ياناصر
ناصر : فيصل وين انا وين ليه جاي هنا ؟!
الدكتور استغرب دخلو وليد ونايف للغرفه
وليد بفرح وعيونه ملاينه دموع : ناصر الحمدلله على سلامتك
ناصر التفت لوليد وابتسم : ربي يسلمك
نايف قرب منه وضمه بقوه ناصر يحاول يتنفس : بس يانايف كتمتني
نايف بعد عنه : لاتلومني قالو انك مارح ترجع
ناصر ابتسم لهم : ياعيال وين فيصل انا ليه هنا كنا راجعين من السفر مبسوطين
وليد ونايف بدو يتلفتو لبعض بصدمه
الدكتور عرف ناصر وش فيه : ناصر اخر ذكرى تتذكرها ايش
ناصر مسك راسه : اتذكر اني كنت اتكلم مع فيصل وكنت بلحق وليد بس مدري وش صار
وليد بلع ريقه : ناصر
ناصر استغرب تصرف وليد نايف مسك يد وليد بقوه علشان يسكت
نايف : تمام دكتور تعال نشوف متى بيطلع ناصر
ناصر : دكتور ابغى اطلع الحين تكفى ابي اروح لفيصل فيصل بالبيت اكيد يلوم نفسه على اللي صار لي
الدكتور : ابشر بروح اكمل الاجراءات * التفت للستتر * عدلي له الاجهزه بحيث يقدر يطلع
السستر : حاضر
طلع الدكتور ومعاه وليد ونايف
وليد : دكتور وش صاير
الدكتور : واضح ان ناصر استعاد ذاكرته بس استعادها باخر لحظه قبل يصحى
نايف : يعني كانه امس الحادث ماكانه مر شهر
الدكتور : اي بالضبط هذا اللي صاير
نايف التفت لوليد وتنهد : لازم ناخذه شقتنا ونكلم فيصل اول
الدكتور بفضول : معليش بس على السوال فيصل ايش يعني لناصر اشوف تعلقهم ببعض مو طبيعي
وليد ابتسم : امم فيك تقول ناصر الولد اللي انحرم منه فيصل
الدكتور : الله يخليهم لبعض بس ياليت تعطون خبر لفيصل ورح اطلب منكم تجيبون ناصر بعد يومين علشان الفحص
وليد : ان شاء الله
نايف : بروح لفيصل انا انت خذ ناصر لشقتنا قول انك نسيت اوراق تبيها قبل لاتروحون لفيصل
وليد بستغراب : وانت كيف بتروح  ؟!
نايف : بتكسي اكيد
تركه وراح بدون مايترك له مجال يتكلم
وليد تنهد والتفت لباب عند نايف اخذ التكسي لشقه فيصل اول ماوصل دق الباب
بسام كان نايم ومتعب صاحي يناظر التلفزيون
متعب : يلا يلا جيت
فتح الباب
نايف يحاول يتنفس عادي لانه كان يركض  : سلام
متعب مستغرب من حالته : وعليكم السلام ادخل ادخل
نايف دخل وتلفت يدور فيصل : فيصل وين
متعب زاد استغرابه وعرف ان فيه شي صاير : شصاير ؟!
نايف : ابغاه بموضوع يخص ناصر
متعب لف راسه بياس : طيب ترانا مقفلين عليه الغرفه اتمنى ما احد يعرف بهالموضوع
نايف بصدمه: مقفلين الغرفه ؟!
متعب: امس بعد مارجعنا من المستشفى عصب وكان بيروح لسعاد بس اننا قفلنا عليه
نايف : تمام الحين صاحي اهو
متعب هز كتفه وهو رايح لغرفه فيصل نايف مشى وراه اول مافتح متعب الباب اندفع فيصل وضربه نايف وقف مصدوم
متعب مسح مكان الضربه اللي بوجهه وضحك: نايف جاي يكلمك علشان ناصر
فيصل هدت ملامحه لما سمع اسم ناصر بس بنفس الوقت  الخوف سيطر عليه : شفيه ناصر
نايف : تعال نجلس اول وبقول لك
جلسو كلهم
متعب لبسام : بسام بسام قوم روح غرفتك
بسام بملل وتعب من نوم الكنب : تمام
راح بسام لغرفته وضلو هم الثلاث
نايف : ناصر صحى اليوم وضل ينادي باسمك وقال ان اخر شي يتذكره اننا كنا بالمطار
متعب بلع ريقه : يعني مايتذكر الشهر اللي مر صح ؟!
نايف هز راسه بلا : والدكتور يقول يافيصل لاتضغط عليه ولاتذكره بشي من الشهر اللي فات
فيصل كان جالس وملامحه بارده بيرجع لنقطه البدايه ناصر لما كان بالمطار وقبل يصير له الحادث كان زعلان منه هل يتذكر او لا
متعب : هييه فيصل
فيصل : هاه شفيك
متعب : لي ساعه اناديك تسمع نايف شيقول
فيصل : سمعت سمعت طيب وينه الحين
نايف : انا قلت لوليد ياخذه شقتنا بعذر انه بياخذ اوراق علشان يمدي اتكلم معاكم
فيصل : خلاص خله يجيب ناصر
نايف طلع واتصل على وليد : يلا جيبه
وليد : اووه اخيرا
نايف : شفيك
وليد:  كلاني بالاسئله وليه ما اخذه لفيصل وهل فيصل فيه شي
نايف : خلاص جبه حتى فيصل مو احسن منه حاله
وليد : تمام وصلنا اصلا
سكر منه ونزل سند ناصر وراحو للاصنصير
ناصر بصوت واطي : هل بيسامحني ؟! يمكن ماعاد يبيني يمكن يكرهني
وليد مسك كتف ناصر : ناصر فيصل ابوك ويحبك ويهتم فيك مستحيل تخيلاتك ذي تصير حقيقه
ناصر رفع راسه وعيونه مليانه دموع : اتمنى