اول اهتماماتي (مكتملة)

بارت ٤

بسام فتح الباب بيطلع صادفه متعب فتح عيونه بصدمه
متعب : بسامم
بسام ببتسامه : هلاا وغلا
متعب ضمه : ويييينك والله فاقدينك ماتتسال ولا تتصل الحمدلله على سلامتك
بسام كان ينتظره يخلص كلامه : ماتفقد لك غالي والله يسلمك هذاني جيتكم
بعد عنه متعب : على وين ؟!
بسام : بطلع اجيب علاجات لناصر
متعب صارت تعابير وجهه مو مفهومه وبسام فهم عليه بسام  : ادخل ادخل فيصل بيفهمك كل شي
دخل متعب وماكان بالصاله احد انتبه لفيصل اللي طالع من غرفه ناصر : سلام
فيصل ببتسامه باهته : وعليكم السلام
متعب بتفاجئ : متى جاء اخوك ؟!
فيصل : لما وصلت كان موجود
متعب بخوف : وناصر وينه ؟!
فيصل يطمنه: ناصر كان تعبان وبسام اللي حصله ودخله داخل وطلب له الدكتور
متعب : ليه وش فيه
فيصل : يقول انه دخل وحصله طايح مغمى عليه عند الباب شاله ودخله ولما جاء الدكتور يقول ارهاق وتعب وحراره بعد ماطلع الدكتور جلسنا نتكلم وبدا يعتذر لي على كل  شي صار * تذكر شي * ابي منك خدمه
متعب بستغراب : قول وش ؟؟
فيصل تنهد : العيال يقولون ان ناصر قابله شخص قبل ٣ اسابيع ومن بعدها وهو بحالته هذي
متعب بتفكير : صادق هو قبل ٣ اسابيع كان معنا ويسولف ويضحك
فيصل : هذا اللي بيقتلني
متعب حط يده على يد فيصل : لاتحاتي قول لي وش المطلوب ؟؟
فيصل : بعطيك رقم واحد من اخويا ناصر واللي معاه بالدوام تتصل عليه وتتفق معه انه يرسل الفديوهات لك والشخص اللي بتشوفه ابي معلومات عنه مفصله
متعب : بس يافيصل انت عارف بدوامنا مايسمحون نستخدم ابحاثنا الا للقضايا اللي عندنا
فيصل : انا ليش قلت لك هنا يجي دورك لانه جد دورك تذكر محمد ؟!
متعب : اي شفيه ؟!
فيصل بترتيب للاحداث : محمد صديقك صح واهو يشتغل بالمباحث الداخليه تقدر تطلب منه معلومات مفصله عن هالشخص صح ولا ؟!
متعب باعجاب بتفكير فيصل : ايي صادق خلاص تم
فيصل انتبه لصوت شي يطيح على الارض بقوه وقف بخوف على ناصر راح للغرفه وتنهد برتياح انه نايم بس وش اللي طاح دار حول السرير وانتبه لجواله هو اللي طاح من الاشعارات  قفل الجوال وانتبه لناصر انه مليان عرق من الحراره سمع صوت فتح الباب
بسام كانت معاه كيسه من الصيدليه : فيصل العلاجات
فيصل مشى للباب واخذ العلاجات : مشكور
بسام : بسوي لي اكل تبي ؟!
فيصل : اي والله جوعان احسب لي معك
بسام : ابشر
فيصل بستغراب : دقيقه متعب مو هنا ؟!
بسام التفت على فيصل : الا هنا بس طلع يدخن وبيجي
فيصل : اها تمام بعطيه العلاجات واجي
قرب من ناصر وطلع العلاجات كلها على الطاوله وبدا يعطيه العلاجات ويشربه ماي بعد ماخلص نزله وغطاه طلع
بسام بدا يطبخ لهم اما فيصل ومتعب اللي جالسين بالصاله
متعب : خلاص بسك بتاكل روحك من التفكير قلت لك انتظر الرجال يرسل لي واعرف لك كل شي
فيصل عطاه نظره : مستهون الحياه انت مرررره
مدد نفسه على الكنب ومتعب التهى بجواله
وبعد ما انتهى بسام كان مسوي مكرونه وسلطه
متعب كعادته ياكل بنفس مفتوحه فيصل اكل شوي من صحنه وقام
بسام مسك يده : انك تحرم نفسك من الاكل مو حل ترا اجلس كمل اكلك وان شاء الله بيصحى بخير
فيصل تنهد وجلس يكمل اكله من دون نفس بعد ما انتهى توجه لغرفه ناصر وحط الكرسي بجنبه وجلس عليه
متعب دق الباب بخفيف وبهمس علشان مايصحي ناصر
: فيصل بطلع انا بكرا بجي واجيب لك معي الاخبار
فيصل هز راسه بالايجاب طلع متعب وبسام راح لغرفته بما انه جاي من سفر وتعبان نام اما فيصل ضل سهران طول الليل وكانت الفكره اللي براسه  ممكن ناصر يصحى  ويحتاج شي الساعه ٦ اتصل فيصل على عمر وقال له ياخذ له اجازه
بسام طلع من الغرفه وانصدم لوجود فيصل صاحي : انت مانمت ؟!
فيصل يسوي له قهوه : لا صح النوم
بسام اخذ كوب القهوه منه : صح بدنك ماله داعي هالقهاوي روح نام
فيصل : بس ناصر
بسام قاطعه : خلاص انا صحيت بجلس عنده لما تصحى
فيصل : اوعدني
بسام مسك وجه فيصل : وعد بس انت ريح نفسك شوف قطعت نفسك من السهر
فيصل تنهد : من كان يتوقع يصير له كذا
بسام بعتب : شفيك تتكلم كذا كانه صار له شي ؟! ان شاء الله بيرتاح ويصحى احسن من اول
فيصل : اتمنى يلا بروح انام
فيصل دخل ينام وبسام كان جالس وفاتح الاب يكمل اشغاله اون لاين لانه جاء وترك الشركه بيجلس شهر اجازه مر الوقت سريع بعد ما انتهى بسام انصدم بان الساعه صارت ٢ ونص سمع صوت حركه بغرفه ناصر وقف وراح لها فتح الباب وانتبه لناصر انه يحاول يوقف دخل بسام وبهدوء وجديه : خلك بساعدك
ناصر ماستوعب الصوت بس التفت جهت الصوت وامتلت عيونه خوف من اللي قدامه وحاول يبعده عنه بدا يرجف مو عارف وش يسوي او يتكلم حلقه ناشف
بسام بمحاوله لتهدئته : ناصر ناصر اهدئ مارح ااذيك اهدئ
ناصر ماستوعب الكلام لانه للحين عقله يسترجع ذكريات بسام وطريقته معاه وكلامه اللي كان يحسسه بالرعب ويهرب من البيت بس فيصل ماكان يتركه وكان يرجعه عنده
بسام بحنيه : ناصر والله انا تغيرت ومارح ااذيك خلني اساعدك
ناصر حس انه صادق بس برضو بداخله خوف قوي وضربات قلبه ارتفعت قرب بسام منه وكل مايقرب بسام كل ماتزيد ضربات قلب ناصر
فيصل اللي كان توه صاحي ودخل للحمام لما طلع سمع صوت بسام يحاول يهدي ناصر راح بتجاه الغرفه ووقف بعيد ولما شافه هداء فجائه مسكه بسام ووقف عند باب الحمام ناصر دخل مو مستوعب ان بسام رجع وانه كذا بعد ما انتهى طلع وللحين بسام واقف ساعده يرجع للسرير وسمع جواله يدق طلع وانتبه لغرفه فيصل انها مفتوحه عرف انه صحى بس اكيد بالصاله
بسام انتبه لفيصل يشرب ماي : صح النوم
فيصل : صح بدنك
بسام بستغراب : ليه ماجيت له ؟!
فيصل : مثل ما انا سمحت لك تتقرب منه هو لازم يتعود عليك علشان يسامحك
بسام ابتسم بالم : واضح اللي سببته له جرح كبير مارح ينشفي بسهوله
فيصل قرب من اخوه ولعب بشعره : بيسامحك ناصر دايم قلبه طيب وحنون رح يسامحك بس عطه فرصه
بسام بياس: اتمنى