اول اهتماماتي (مكتملة)

بارت ٣٣ قبل الاخير

نهاية الدوام طلع فيصل وركب سيارته ينتظر ناصر بعد ثواني طلع ناصر ومعاه متعب يسولفون
ناصر : اسمع اليوم بروح للعيال بتجي ؟!
متعب : متى ؟!
ناصر : لما اخلص موعدي بروح على طول
متعب : خلاص اجل بروح الحين اكل شي وانام وبجيكم بعدها عاد
ناصر ابتسم مودع متعب وركب السياره
فيصل: شرايك ناكل بمطعم ؟!
ناصر بتفكير : مو شينه والله بس
فيصل ابتسم: مو لازم تجبر نفسك على الاكل بس حاول بنروح لمطعم الاشياء اللي عنده خفيفه ورح تكون كويسه لك
ناصر هز راسه بالايجاب توجهو للمطعم ونزلو طلب فيصل وبعد ما انتهى وينتظرون الطلب
ناصر بتردد : يبه بقول لك شي
فيصل بستغراب : قول
ناصر كان منحرج : امم فيه بنت ابي اخطبها
فيصل بصدمه مع فرح: صددق وينها ومن تكون ووين ساكنه ؟!
ناصر ضحك على ردت فعل فيصل : للحين ماكلمتها
فيصل : وهذي يبي لها كلام
ناصر : يعني يمكن البنت ماتبيني
فيصل : ليه ماتكلمت معها ؟!
ناصر هز راسه بالنفي : لا بس بتكلم معها اليوم
فيصل ابتسم : طيب
جاء الاكل وحاول ياكل ناصر وماقدر ياكل بس شرب الشوربه بعد ماخلصو طلعو للشقه بس بالطريق جات ناصر رساله
سلطان : انا بالمستشفى اذا فيك تجي الحين ؟!
ناصر رد عليه: يلا مسافه الطريق بس
التفت لفيصل : عادي توديني المستشفى الموعد حقي الحين
فيصل بستغراب :موعد الحين ليه ماقلت من قبل
ناصر : لا وين لان سلطان قال بيرسل لي رساله واجيه
فيصل بتفهم : يلا اجل بنروح
راحو للمستشفى وخلص ناصر فحوصاته اتصل بتركي وانتبه لها تمر من قدامه كانت الممرضه نفسها اللي تكون معه عند راكان وعند سلطان وتهتم فيه وقف وتحرك بتجاهها
تركي : هلا ناصر
ناصر : وينك ؟!
تركي : بطلع الحين ابي شي بارد وبروح لمحل المشروبات
ناصر : اجل تمرني قبل ؟!
تركي : ليه وينك انت ؟!
ناصر : بالمستشفى بنتظرك اذا جيت ارسل لي
تركي : تمام يلا
بعد ماسكر منه انتبه لها تتقدم منه لاشعوريا ابتسم
الممرضه : الدكتور سلطان يقول لك اذا تقدر تمر الليل عليه الساعه ٧
ناصر بستغراب عقد حواجبه : ليه فيه شي ؟!
الممرضه هزت راسها بالنفي : لا بس فيه شي من الفحوصات تاثر بسبب العلاج ويبغى يغيرها لك
ناصر تنهد : تمام
الممرضه : ناصر انت مرتبط ؟!
ناصر انصدم من جرائتها : لا وانتي
الممرضه ابتسمت وماردت عليه اكتفت باجابته وراحت مبتعده عنه لحقها
ناصر : لو سمحتي ابغى اسالك شي وين بيتكم
الممرضه ناظرته فتره وابتسمت : ابوي متوفي واذا تبغى تكلم احد كلم الدكتور سلطان لانه ولد خالي
ناصر ابتسم : تمام
تركته واقف بابتسامه ماختفت من وجهة الا لما فز من اليد اللي على كتفه التفت  وبتنهيده : تركي
تركي : لي ساعه اناديك ولاترد اللي ماخذ قلبك
ناصر لعب بشعره: تمام يلا نروح
تركي ضحك وتمسك فيه ناصر : طيب بس بتقول لي سر الابتسامه
ناصر : اووه
تركي انصدم من ردت فعل ناصر وضحك: لا الحين تاكدت ان فيك شي وبتقول لي تراك
ناصر ابتسم : اي بقول لك بس خلنا نروح الحين
نروح منهم لبعيد مقر من المقرات
الشخص ١ : انا انسحب من هالعمليه
الشخص ٢ بحزم : مافي احد رح ينسحب
الشخص ٣ : انا بنسحب بعد ياسر انسحب واحنا رح ننسحب وراه
الشخص ٢ : مو بكيفكم تنسحبون متى ماتبون
الشخص ١: صح مو بكيفنا بس قائد العمليه حذرنا اننا نقترب من ناصر
الشخص ٢ تنهد : خلاص اجل الغو مفعول المحلول علشان ما يلعب الشيطان براس احد ويجربه
وقف الشخص ٤ اللي كان بصمته : انا لازم انتقم من اللي صار لي اليوم
الشخص ٢ بصدمه : عمر اللي صار لك انت تستاهله واذا سويت اي حركه رح انجبر اروح ل ياسر واقول له عليك
سكت عمر وعض على شفايفه : طيب مارح اقرب منه  وبستقيل بس ابغى احد منكم يكلم ياسر يدبر لي وظيفه
عند فيصل اول مانزل ناصر توجه لبيته ودعاء ربه يكون موجود لانه لو ماشافه اليوم مارح يشوفه ثاني مره
دق الباب فتح له الخادم
الخادم : اهلين
فيصل : ياسر موجود
ياسر جاء من وراه توه واصل من برا وبستغراب : فيصل
فيصل تنهد برتياح وتمالك نفسه : ياسر ابغى اكلمك بموضوع ضروري
ياسر انصدم فيصل جاي لبيتنا ويبيني بموضوع ضروري : ادخل طيب
دخلو وجلسو بالمجلس
ياسر : وش تحب تشرب ؟!
فيصل : بس مشكور
ياسر : شفيك طيب ؟!
فيصل : تذكر لما جيت لمتعب
ياسر اخذ نفس : اي شفيه
فيصل : الكلام اللي قلته له
ياسر : اي شفيه
فيصل : فيه شخص من اللي معكم اسمه عمر ؟!
ياسر انصدم : شعرفك في عمر
فيصل تمالك اعصابه : عمر يشتغل معنا بالمكتب * حكى له على اللي صار * وهذا اللي صار
ياسر : لا من هالناحيه لاتخاف المحلول ابطلت مفعوله نهائي وانسحبت منهم انا اللي كنت اسوي لهم العقاقير 
وبالنسبه لعمر لاتخاف من ناحيته استقال من الشغل اللي انتو سوا وعطيته شغله
فيصل مصدوم من كل هالكلام : شتقصد ؟!
ياسر رفع كتفه : اللي فهمته
فيصل : وين راح عمر ؟!
نروح منهم شوي بعيد
عمر يناظر التذكره اللي كانت لجده
عمر بضيق كل هذا علشان ناصر من يكون ناصر لياسر علشان يحاول قد مايقدر يبعده عننا ومايخلينا نقرب منه ليه كل ما فكرنا نسوي شي كان يصدنا المهم اني ابتعدت عنهم ومو لازم اشوفه بحياتي
نرجع لهم
ياسر : عنده وظيفه بجده
فيصل ببلاهه: بجدده ؟!
ياسر وقف لانه سمع صوت الباب اخذ منهم القهوه : اي بجده مو انا وعدتك ان محد يقرب منه
فيصل : مشكور يا ياسر ماقصرت تعبتك معي
بالسياره
تركي : يلا قول شالسر
ناصر : بقول لك انت بس لين يتم الموضوع
تركي : قول
ناصر : نويت اتزوج
تركي بصدمه وقف السياره بقوه : تمززززح
ناصر تمسك بقوه من الحركه: وجع خيير ؟!
تركي وقف على جنب : قووول والله نصور
ناصر ضحك على ردت فعله : والله ليه
تركي : تمزح صح ؟؟ تبي تلعب علي
ناصر  مسح دموعه وهو لسه يضحك: والله ياتركي شفيك
تركي : متىى وانا مدري ولا تقول لي ليه
ناصر : اي تشوف كنت مخليه سر عنكم
تركي : والله تعرف تسكت اذا بغيت وفيصل يدري ولا
ناصر عطاه نظره: فيصل يعرف قبل الكل لازم خلاص بعد الوعد اللي عطيته ماقدر اسكت او اكذب
انتهت رحلتهم بوصولهم للشقه