اول اهتماماتي (مكتملة)

بارت ٥

فيصل يتلفت للاوراق والاب اللي بالصاله : اشوف اوراقك ولاب انت كنت تشتغل ؟!
بسام مشى بتجاه الثلاجه وفتح يطلع له شي يشربه : اي تعرف لازم ادير الشركه من هنا
فيصل : الله يوفقك بروح اشوف ناصر انا
بسام اكتفى ببتسامه وطلع العصير يشربه
فيصل دق الباب وفتحه بشويش : ناصر
ناصر بحكم الجفاف اللي بحلقه مايقدر الا يهمس او يتكلم بصعوبه : ادخل
فيصل دخل وقرب منه باس راسه : الحمدلله على سلامتك
ناصر ابتسم بس كانه تذكر شي كان يبي يتكلم بس حلقه المه طلب من فيصل ورقه وقلم فيصل وقف وفتح الدرج جاب ورقه وقلم لناصر يكتب اللي يبغى فيها فيصل مد الورقه له : هاك
ناصر اخذها وبدا يكتب : بسام هنا
رفع الورقه وفيصل قراها : اي هنا هو اللي دخلك امس وجاب لك الدكتور
ناصر عيونه بدت تظلم من الخوف فيصل حس برجفته مسك يدينه : ناصر ناصر ناظرني *ناصر رفع نظره لفيصل * ناصر بسام جاء علشان تسامحه مو علشان يسوي شي جديد هو من امس يعتذر صح اني ماستوعبت بس انه يظل اخوي ماقدر اقول شي او اتركه ناصر لاتتقبل بسرعه بس على الاقل حاول تعطيه فرصه
ناصر كتب بالورقه : بحاول
فيصل ابتسم : يلا ارتاح الحين علشان ماتتعب باقي اليوم
ناصر هز راسه بالايجاب
طلع فيصل وانتبه لجواله يدق : هلا
الدكتور : استاذ فيصل
فيصل : اي نعم من معي ؟!
الدكتور : انا الدكتور اللي امس كنت عند المريض ناصر
فيصل : اي هلا يادكتور
الدكتور : ناصر صحى
فيصل : اي
الدكتور كان يقلب الاوراق قدامه وهو مو عارف وش يقول : استاذ فيصل انا ابغى اقابلك ضروري اذا فيك يعني تكون فاضي اليوم
فيصل بستغراب : اي اكيد بس متى
الدكتور : ياليت تجي للمستشفى بالساعه ٤
فيصل شاف الساعه : يعني بعد ساعه ونص
لان كانت الساعه عندهم ٢ ونص
الدكتور : اي
فيصل : تمام
سكر منه وبسام كان لابس وبيطلع ؛ من متى
فيصل ما انتبه لاخوه وكان سرحان بسام قرب من فيصل وحط يده على كتفه
فيصل فز : هاه هلا ؟!
بسام بستغراب : شفيك فيصل ؟!
فيصل حرك شعره : مافي شي بس واحد صاحبي من زمان ماشفته وقال لي يبي يشوفني
بسام ابتسم برتياح : طيب خله يجي هنا انا بروح الدمام تعرف تو راجع وكل ما ارجع اجتمع مع العيال فا خله يجي هنا
فيصل بتفكير كذا احسن لاني لو بطلع ما ادري رح اخلي ناصر بروحه : تمام متى بترجع طيب احسبك بالعشاء ولا ؟!
بسام وهو طالع : لا لا مايحتاج بتعشاء هناك ويمكن اجي على ٢ او ٣ الليل
فيصل : تمام
بعد ماطلع بسام فيصل ارسل للدكتور انه يجي للبيت
الدكتور قراء الرساله وكان فاضي وخلص كل شغله لذا بدل وطلع بتجاه شقه فيصل وصل وكان ببدله عاديه
دق الباب
فيصل كان جالس يعدل اوراقه ويرتبها : دقيقه
وقف وراح بتجاه الباب تفاجئ من شكل الدكتور اللي كان شكله عادي بس مرتب غير عن انه بهيئه الدكتور
فيصل بعد عن الباب : حياك
الدكتور : مشكور . انا اعتذر اذا جيت بدري وقبل الوقت
فيصل بمقاطعه : لا عادي اصلا كنت طفشان من الجلسه لحالي . وش تشرب يادكتور
الدكتور : بندر
فيصلل بفهاوه : هاا
الدكتور ضحك بخفيف : بندر اسمي ماله داعي الرسميه
فيصل باحراج من فهاوته : ايه هلا بندر اسف
بندر : قهوه عادي
فيصل : ثواني وتكون جاهزه القهوه
راح يرتب القهوه وتركها تطبخ راح لغرفه ناصر يشوفه شافه نايم بس تعابير وجهه تقول انه يتالم كثير تنهد ورجع للمطبخ اخذ القهوه وراح للصاله
فيصل : ياهلا ببندر
بندر : هلا فيك ندخل بالموضوع احسن واسرع علشان نتدارك الوقت
فيصل : تمام يكون احسن لانك اشغلت بالي
بندر اخذ نفس وفتح الشنطه : طبعا عرفت انك محامي واكيد لك مع الطب والفحوصات
فيصل عقد حواجبه وبدا الخوف يتملك قلبه : اي صح
بندر مد له الاوراق : تفضل شوفها
فيصل بدا يقراء ويده كل مالها تقبض على الاوراق يشوف نتيجه التحاليل مو مصدق يحاول يستوعب الكلام : لا بندر اكيد التحاليل غلط
بندر : للاسف صحيحه بس كم عمر ناصر الحين ؟!
فيصل : ٢٥ توه داخلها هالسنه
بندر : اقدر افهمك الوضع الحين
فيصل بقلق واضح عليه : قول
بندر : ناصر كان يتعاطى واضح من التحليل انه من كان صغير يتعاطى يعني من كان عمرره ١٢ سنه لما صار عمره ١٦ والتحاليل نسبتها بدمه تثبت هالشي
فيصل : لما اخذت الوصايه حقته
بندر : بس رجع لها بسن ال١٧ وتركها ب ١٨
فيصل بنفعال : كيفف وهو كان تحت عيني
بندر بمحاوله لتهدئته : بشرح لك من البدايه ناصر كان يتعاطى
فيصل بتركيز : طيب
بندر : تركها لما قلت انك تبنيته واخذت الوصايه بعدها بسنه رجع لها هل كان عندك ؟!
فيصل بتذكر : اي بس لا لا دقيقه كان بمدرسه داخليه وماكنت اقدر اروح له الا بالاجازات
بندر : اي بهالوقت رجع لها لانه مايقدر يتركها مره وحده لازم بالتدريج
فيصل : طيب وبعدين
بندر : حاليا سبب مرض ناصر مرتبط فيها
فيصل بستغراب : كيفف؟!
بندر : جسم ناصر للحين يصارع المخدرات اللي كان يتعاطاها ولازم ياخذ ابر تساعده
فيصل تنهد : طيب متى لازم ياخذها
بندر : كل ما كان اسرع كان احسن ولما يصحى ويكون بخير ابغاك تصارحه وتعرف سبب التعاطي
فيصل وقف : بشوفه
قرب من الغرفه انتبه لناصر انه صاحي وجالس يناظر يده
ناصر : انا صاحي تقدر تجي
فيصل دخل وماكان وده ان ناصر يسمعهم : سمعتنا
ناصر ابتسم بالم : لاتخاف يافيصل ماصار شي كذا كذا رح اعرف وش فيني
فيصل رجع لبندر : تقدر تجي
بندر همس لفيصل : فيصل
فيصل التفت بستغراب شاف بندر يقرب منه وبهمس : ابغى منك تشوف لي شي
فيصل رفع حاجبه : ايش ؟!
بندر بتفكير : الحين ناصر انا مو عارف كيف كان يتعاطى انت جربت تعطيه علاجه الحبوب ؟!
فيصل : اي
بندر تنهد : بجرب شي بالعلاج وابغاك تنتبه لتعابير او تصرفات ناصر يمكن كان يتعاطى بالابر
فيصل بصدمه : ابر ؟!
بندر : اي يمكن وان شاء الله مايكون صح
فيصل بتمني : اتمنى
راح بندر مع فيصل وابتسم لناصر: الحمدلله على سلامتك
ناصر : ربي يسلمك يادكتور
بندر بستغراب : كيف عرفت ؟!
ناصر ابتسم : فيك تقول حسيت
بندر اخذ نفس : ناصر ماودي اجبرك ب
ناصر اللي كانت حالته ماتسر وتحت عيونه اسود وجسمه يرجف مع ان جو الغرفه معتدل : يادكتور
بندر قاطعه : بندر
ناصر ابتسم : يابندر عطني العلاج لانه جالس يهلكني
بندر اخذ الشنطه وطلع ابره فيصل كانت انظاره على ناصر يبي يشوف ردت فعله اما ناصر اول ماشاف الابره زادت رجفته وعيونه صار فيها انعكاس اسود وواضح الخوف فيها بندر رفع راسه لفيصل بمعنى كانت ابر
فيصل جلس بجنب ناصر ومسك يده ناصر ماكان يحس بشي
فيصل مايدري وش يسوي : ناصر ناصر ناصر
ناصر ماكان يسمع بس صوت فيصل رجعه للواقع رجعت عيونه طبيعيه بس بدت تنزل دموعه
فيصل : اششش انا هنا خلاص
بندر استغل الوضع وعطاء ناصر العلاج
ناصر وكان ماسك يد فيصل بقوه رفع راسه لبندر : بس ؟!
بندر ابتسم : اي بس
فيصل المته مسكت ناصر وتفاجئو من صوت الجرس استغرب فيصل بسام مو هنا يمكن متعب بس متعب يدخل اذا ماحصل رد من اول دقه
وقف : بروح اشوف من
مشى للباب وسمع الجرس ثاني مره : يلا جيت
فتح الباب ابتسم وكان بيضحك بس كتم ضحكته : ياهلا ادخلو
تركي بنظره شر : وش تضحك عليه ان شاء الله
نايف : يضحك على سواد وجهك اقول لك لاتدق الجرس تزعجهم
وليد كان وراهم وبتافف : نفسي يوم يمر بدون ماتتهاوشون
طلال بتبرير لفيصل : معليش يبه بس تعرف العيال وحركاتهم
فيصل فتح عيونه بوسع وضربه : يبه مره وحده اسمي فيصل
طلال ببتسامه وقرص خدين فيصل : يسلم لنا فصولي انا
تركي : وين العروس ؟!
فيصل تغيرت ملامحه للضيق : تعبان بيجيكم الحين اجلسو
تركي : لا لا لايجي شوف غرفته اخبره مايحب يدخلها الا اذا مرتبه
بندر طلع ساند ناصر على كتفه قرب منه فيصل بسرعه ومسك ناصر معه
وليد بعتب : ليييه تصحى من سريرك
ناصر ابتسم : شعلييك
طلال ضحك : رئيس العناد تقول له كذا غلطان غلطان
تركي : الحمدلله على السلامه ياحلو
نايف بخبث : العروس تتغلى
ناصر بشهقه خفيفه : عروس ايش ياحيوان
نايف : اي هذا ناصر خوينا وسلامتك حبيبي ماتشوف شر
ناصر رفع راسه لفيصل شافه تغيرت ملامح وجهه للزعل ضحك وبتعريف : ياعيال هذا بندر يابندر هذول طلال نايف وليد تركي
تركي بشك ضيق عيونه : انا اعرفك بس من وين
بندر ارتبك : هاا
تركي التفت على وليد : وليد والله شوفه يشبه احد نعرفه
ناصر رفع راسه وليد والعيال بدون يدقوون فيه وبصدمه
طلال صرخ : قلت اسمك بندر
بندر باحراج : عرفتني ؟!
الكل يبي يستوعب من هذا
طلال : انت الدكتور بندر اللي طبق عندنا بالثانويه  وظلينا فتره معاك
فيصل التفت بستغراب من كلام العيال لبندر بندر حرك شعره
بندر : مشاء  الله عليك عرفتني
تركي بصرخه خوفتهم منها : ايييي تذكرته تذكرته الحين
فيصل بستغراب : شصاير
نايف بنغزه بكلامه لفيصل وببتسامه خبيثه : افا يانصور هذا وانت اقرب واحد من بندر
ناصر بتذكر : اي اي ذكرته
بندر : والله وكبرتو ياعيال
وليد : اجل بنظل صغار يالشايب
ناصر ضحك عليهم وفيصل مو فاهم شي ابد ناصر مسك يده : ايتئذنكم بروح للحمام
فيصل سنده : بندر اجلس
بعد مادخلو غرفته                 
ناصر بجديه : فيصل تقدر تاخذ اجازه ؟!