اول اهتماماتي (مكتملة)

بارت ٢

عند ناصر بعد ماخلص الدش لبس شورت وفنيله علاق وقف قدام المرايه وهو يعض شفايفه نثر شعره وقرر يقراء له كتاب سمع دق الباب نزل الكتاب ومثل انه نايم
فيصل فتح الباب
فيصل بثقه : عارف انك مو نايم بس جيت اعطيك جوالك
ناصر فتح عيونه بسرعه جواله نساه بالورشه قام بسرعه وتعثر بالغطاء حق السرير وطاح على وجهه على الارض فيصل راح له بخوف ومسكه : صار لك شي
ناصر مسك انفه اللي بدا ينزل منه دم : لا ماصار شي
فيصل : طيب الحمدلله بس قم اجلس
ساعده يجلس على السرير وطلع جاب ثلج وكريم حط الثلج على انفه ومعاه منديل
طلع الكريم ونزل على ركبهه حط شوي بيده وناصر يناظر فيه ينتظر  وش بيسوي
فيصل بصوت هادي : انا اسف
ناصر بستغراب / على ماتوقع صار شي تتاسف عليه
فيصل تعود اذا اعتذر من ناصر يحصل هالرد بس بعد يضل شايل بخاطره منه
فيصل وقف وطلع جوال ناصر من جيبه : خذه وارتاح اليوم تعبت كثير
فيصل كان بيروح ويطلع من الغرفه بس وقفته اليد اللي مسكت ثوبه : انا اشتغل
فيصل التفت له ولعب بشعره : مو لازم تجبر نفسك
ناصر عض شفايفه وبين اسنانه : اشتغل بورشه
فيصل حط يده بين شفايف ناصر : ناصر بسك قطعتهم
ناصر يناظر الارض برتباك : فيصل انت زعلان ؟!
فيصل مسك وجهه: وانا اقدر ازعل عليك لاتخاف مو زعلان بس ليش ماقلت لي ؟!
ناصر بتردد : خفت
فيصل عقد حواجبه واخذ الكرسي من وراه : خفت ؟! من ايش
ناصر مسك يدينه ببعض : خفت ترفض هالشي خفت تشوف ان الشغله هذي ماتناسبني خفت على انك تعرف ويعرفون اللي حولك وتتشوه
فيصل قاطعه حط يده على فم ناصر : بس بس بس من قال لك اني اهتم لكل ذا ناصر انت عائلتي الوحيده كيف تبي اتكلم معك وامنعك من شي انت تشوف نفسك فيه
ناصر بدت تتجمع الدموع بعيونه : بس يافيصل
فيصل : لا بس ولاشي وبعدين اللي ابي اعرفه شي واحد بس ليه توظفت ؟! ليه تدور على عمل اضافي ؟! ناقصك شي محتاج شي انا مو موفره لك
ناصر بنفعال : لا انت مو مقصر معي بشي وهذا اللي يخليني ادور وظيفه اضافيه لانك دايم تصرف علي وماتخليني محتاج شي واشتغلت علشان اغطي مصاريف الشقه وبالاخير فاجئتني انك شريتها وصارت ملك لي كيف تبيني اسكت واضل جالس وانا اشوفك تسعى لسعادتي وماتخليني محتاج او ناقصني شي ؟!!
فيصل تنهد ونزل راسه : ناصر انا لما تكفلت فيك ماكنت ابي منك شي وما ابغاك تحتاج لشي * ابتسم بالم * صح اني ماجبت عيال ولا صار لي نصيب بالعيال وانفصلت بدري بس انت ولد واخوي وابوي واهلي كلهم ولما وعدتك اني اهتم فيك كنت متمرد وماتبغى من شي وتعاند كثير بس برضو ماتركتك وتمسكت فيك اكثر
ناصر ابتسم : لاتذكرني بتصرفاتي اول
فيصل ضحك : طيب
ناصر بتثاوب وتعب : تنام عندي اليوم ؟!
فيصل ابتسم : ياليت بس عندي اوراق شوي لازم اخلصها هالليله نام انت
طلع فيصل وقفل الانوار  جاه اتصال
متعب : هلا فيصل
فيصل بستغراب : هلابك
متعب : اسمع ابي اقول لك على شي مهم مره
فيصل بدت الافكار تروح وتجي
متعب : خالد ولد عمي لما رجعت للبيت رجع بنفس الوقت وكان شكله وهيئته نفس شكل ناصر من شوي
فيصل ضحك : وانا اقول وين شايفه
متعب بستغراب : وش فيك من شايف
فيصل :اذا فاضي تعال ومنه تنام عندي اليوم
متعب تلفت بالبيت : يلا جايك تبي اجيب معي شي ؟!
فيصل : ياليت قهوه وحلى
متعب : من عيوننني
فيصل : تسلم عيونك
سكر منه وبعد نص ساعه انفتح الباب
متعب : سلام
فيصل : هلا ادخل
نزل الاغراض وجلس
متعب: هاه ماتقول لي وش صاير
فيصل ضحك: خالد وناصر طلعو يشتغلون بورشه سيارات
متعب مو مستوعب : هاااه
فيصل : والله لما رحت جاني خالد ومعاه جوال ناصر وقال لي انهم يشتغلون بورشه للسيارات
متعب بحزن : ماكنت عارف ناصر وش بيفكر عني الحين ؟!
فيصل بتذكر : على طاري توه نايم بروح اشيك عليه
عند ناصر نام وببدايه نومه رجعت له الكوابيس وقام مليان عرق ويتنفس بسرعه
فيصل فتح الباب بشويش ولما شافه جالس راح اه بسرعه: ناصر ناصر تسمعني
ناصر كان شعره مبعثر على وجهه احمر وعيونه مليانه دموع ابتسم بتدارك للوضع : اي اسمع
فيصل بحزن : نفس الاحلام
ناصر حط يده على يد فيصل : لاتحاتي مافي شي
فيصل شال الغطاء منه : قوم معي للصاله بكم اوراقي ونام عندي انت
ناصر مسح وجهه من العرق وعيونه الحمرا : لا لا بكمل نوم
فيصل مسك يده : قوم يلا بس
ملاحظه * متعب يعرف عن الحالات اللي تجي لناصر بما انه اكثر شخص مقرب من فيصل*
ناصر اخذ له لحاف
وطلع مع فيصل للصاله متعب اللي كان مندمج بالقضايا اللي قدامه رفع راسه وبصدمه : ناصر
ناصر ابتسم له ابتسامه باهته ماكان معاهم ابد كان كل تفكيره بالحلم حط مخدته وتغطا فيصل جاء من الغرفه ولما شاف شكله خفف الاناره واشر لمتعب يقصر صوته ويكمل شغله تقدم من عند ناصر وجلس بالارض لعب بشعره لما حس بنتظام تنفسه ارتاح شوي
متعب بقلق : نفس الاحلام ؟!
فيصل تنهد : اي كل فتره تجيه تروح وتجي
متعب بحزن : لاتحاتي يافيصل ان شاء الله مارح يصير الا كل خير
فيصل : ان شاء الله بس لازم اعرضه على دكتور المسئله صارت نفسيه وجسديه
متعب عقد حواجبه : كيف جسديه ؟!
فيصل : احنا شباب صح
متعب بتركيز : اي
فيصل :يعني عادي لو تبدل قميصك عندي صح ؟؟
متعب : اي اي
فيصل : هو لا يخاف من شي بجسمه بس وش مدري للحين
متعب بصدمه : يعني من سكنتو سوا للحين يخاف ويرتبك اذا بيبدل وانت عنده
فيصل هز راسه بياس : اي فا اخاف انه شي جسدي غير انه نفسي
متعب : خلاص خلها علي
فيصل بعدم فهم : شتقصد ؟!
متعب بهمس لفيصل قال الخطه اللي بباله
الصبح صحى على نور الشمس القوي على عيونه جلس وشعره مبعثر فتح عيونه بشويش يتعود على النور وانتبه للي نايمين بالارض متعب وفيصل شاف الساعه توها ٦
مشى بتجاه غرفته ونزل البلوزه صار بالشورت بس بهاللحظه صحى فيصل وانتبه ان ناصر مو موجود قام يبي يتفقده انصدم بالمنظر اللي يشوفه ناصر ماكان منتبه لوجود فيصل والتفت يعدل السرير وانتبه لوجود فيصل سحب غطاء السرير وغطاء جسمه فيصل بداء يتقدم من الغرفه وبصدمه من اللي يشوفه
فيصل : ناصر ايش هذا
ناصر برتباك بداء يبعد عن فيصل ولف نفسه بغطاء السرير دخل للحمام ماترك مجال لفيصل يتكلم او يقول شي
فيصل راح عند باب الحمام ودقه : ناصر ناصر ناصر اطلع
ناصر سند راسه على الباب ومارد
فيصل بجديه : ناصر اطلع الحين
ناصر : لا مارح اطلع
فيصل بعدم صبر : ناصر
ناصر بصوت مخنوق : فيصل بنتكلم بعدين
فيصل لما سمع صوته ماحب يضغط عليه : وعد ؟!
ناصر : وعد
فيصل تنهد ومشى بتجاه الباب وقف عند الباب والتفت لباب الحمام ضل فتره يناظره ومشى لبرا
متعب كان توه صاحي : صباح الخير
فيصل دخل للمطبخ ومارد كان سرحان باللي شافه متعب وقف ورتب الاغطيه والمخدات وتوجه للمطبخ شاف فيصل يللعب بالملعقه : قلنا صباح الخير
فيصل انتبه وابتسم : هلا صحيت ؟! صباح النور
متعب بتعجب : لاااا انت مو هنا ابد وش صاير بعد
فيصل : ماصار شي قول للي وش تبي فطور
متعب تلفت : وين ناصر ؟!
فيصل : يتروش
متعب : خلاص سو اي شي
فيصل : تمام ثيابك بغرفتي ترا اذا كنت تبي تتروش وتبدل
متعب : تمام
راح لغرفه فيصل ودخل يتروش فيصل بدا يسوي الفطور ناصر مرتبك من الموقف اللي صار فيصل الحين اكيد بيساله انا من خذاني فيصل ماعمري وريته اللي فيني كيف بخليه يشوف جسمي المتشوه بعلامات عمي وتعذيبه لي تنهد وطلع له بلوفر ابيض  وبنطلون اسود
لبس وحط المنشفه على شعره طلع وهو ينشف شعره انتبه لفيصل اللي جالس ينتظرهم وتفاجئ بالضربه اللي جات على ظهره
متعب ببتسامه : صباح الخير 
ناصر : صباح النور
متعب : كيف نومتك امس ؟!
ناصر ابتسم ؛ كويسه وانت
متعب : يعني مع اني تكسرت من نومه الارض بس انها حلوه * وبهمس * تحلمت باني اتزوج بنت مثل القمر
ناصر وجهه صار احمر  ضحك على اهتمام متعب انه يبي يتزوج : ان شاء الله تتحقق امنيتك
متعب بتنهيده : يارررب وعقبالكم انت والاخ اللي جالس هناك
فيصل بنص عين : اذا تزوجت انت انا بتزوج
ناصر جلس متجاهل نظرات فيصل اللي يناظره يبغى تفسير للي شافه بس ناصر ماعطاه بال
فيصل : ناصر متى ترجع من الدوام
ناصر : اليوم برجع ٢ ونص وببدل واطلع الورشه ساعتين وارجع على ٦ انا بالبيت
فيصل بتفكير : تمام
متعب وقف بعد ما اكل : اووه ليتك زوجتي يافيصل على هالطبخ
ناصر ضحك : انت من تحلمت اعداداتك ملعوب فيها
متعب بتنهيده : لاتذكرني
ناصر ناظر فيصل وضحكو عليه
متعب بنظرات : ايي شفيكم تحلمو زيي
ناصر سكت لانه ماعمره تحلم حلم حلو كلها احلام سودا
خلصو اكل وكل واحد راح على دوامه فيصل كان مشغول البال طول الوقت يفكر بناصر 
عمر : اقول فيصل شفيك مو على بعضك اليوم ابد منت بالمود
فيصل بسرحان : مشغول بالي بشي
عمر قرب كرسيه من فيصل : قول قول وش اللي شاغل تفكيرك ولا ناوي تتزوج ؟!
فيصل نغزه : وش اتزوج انت بعد فاضي
متعب دخل للمكتب : ياعيال طفش خلصت القضايا اللي عندي
عمر : تعال شوف الاخ مو على بعضه يقول فيه شي شاغل باله
متعب صفر : ليكوون
عمر بهمس : اسكت كان بيذبحني من شوي بسبب كلامي
متعب جات بباله انه من الصباح من طلع من غرفه ناصر وهو يفكر وسرحان : خلاص فيصل تقدر تروح بغطي عليك شغلك
فيصل وقف بتعب : مشكور
متعب ببتسامه خبيثه : مو ببلاش ترا عشاي عندك
فيصل ضحك : مو غريبه عليك
عمر بستغراب : اعزموني طيب
متعب : نمزح نمزح مو صدق
عمر بنظره شك : تلعب اجل
طلع فيصل وركب سياره طلع دخان من جيبه وحطه مع جواله بالكرسي اللي بجنبه شاف الساعه ١ ونص اكيد على ما اوصل ناصر بيوصل وصل للشقه ودخل مافي احد والشقه هاديه شوي وسمع صوت الباب ينفتح
دخل ناصر مو اقل تعب من فيصل رمى مفتاحه على الطاوله وتوجه لغرفته ماكان منتبه لوجود فيصل
فيصل وقف وراح وراه : طيب مافي سلام ؟!
ناصر كان يفك ازرار الثوب تفاجئ من وجوده وبرتباك  : هلا  اسف مانتبهت لك
فيصل سند نفسه على الباب : فاضي ؟!
ناصر بتهرب : خالد متصل علي يبغاني اجي الحين علشان اقدر ارجع بدري لاني تعبان
فيصل عقد حواجبه وباهتمام : تعبان ؟! ليه شفيك
انتبه للهالات السودا حول عيونه واللحمرار فيها : وبتروح كذا ؟!
ناصر : لازم اروح ماقدر اجلس وبعدين كلها ساعتين وبجي
فيصل : اوصلك ؟!
ناصر وبتوتر وتاتئه : لا مايحتاج امم عادي تطلع ابي ابدل
فيصل تنهد وسكر الباب وراه : طيب بس ترا اذا جيت رح تتكلم معي ضروري
ناصر حس بصداع رهيب : طيب