اول اهتماماتي (مكتملة)

بارت اضافي ٢ الحاضر

قبل الزواج بكم يوم
فيصل دخل للشقه وبصوت عالي : ناصر انا جيت
ناصر اللي كان بالحمام يتروش ماسمع فيصل وهو يدخل او يناديه طلع لاف على خصره المنشفه وعلى راسه منشفه انفتح الباب
فيصل : نعييما كنت اتوقع طلعت
ناصر هز راسه بالنفي : وين اطلع قلت اخذ لي دش بعد الدوامين المتعبين
فيصل ببتسامه قرب منه ونشف شعره : يلا بدل جبت معاي اكل تحبه
بدل ناصر وطلع ابتسم من الاكل اللي جايبه فيصل
فيصل حب يساله ويعرف اخباره اول باول : كيف نفسيتك ؟!
ناصر اللي كان سرحان رفع راسه وظل ساكت : خايف
فيصل نزل اللي بيده بستغراب : خايف ؟! من ايش
ناصر رفع راسه والتقت عيونهم ببعض وصل خوف ناصر لفيصل من نظراته
ناصر : خايف ما اكون الرجل اللي تبيه خايف اكون ضعيف تجاه الاشياء اللي طول عمري خايف منها
فيصل ابتسم ومسك يده : لاتخاف ياعين ابوك ان شاء الله كل شي بيكون بخير وكويس لاتشيل هم وتفكر كثير
ناصر ابتسم بعد ماحس ان كلام فيصل ريحه
فيصل : يلا علشان نتابع فلم وننام ورانا بكرا يوم حافل لازم نروح نكمل تجهيز اشيائك
اندق الباب وضل فتره يدق
ناصر بعصبيه : وجع
نايف بعد من الباب بسرعه : اووف عصب
طلال ببتسامه : قايل لك ماتسمع الكلام
ناظرهم وهم يدخلون بدون اذن
وليد مر من جنبه : اخبارك نصور
تركي وقف قدامه وناظرو بعض فتره ضحكو
تركي : لاتسالني جروني من سريري علشان اجي معاهم
ناصر سكر الباب : لاتقولون عازمين الشله
نايف وبفمه الاكل : بندر وراكان وسلطان وبسام ومتعب جايين بالطريق احنا اول الغيث
ناصر ناظرهم فتره : مو من جدكم عااد
نايف لف لفيصل : ليه عندكم خطط
فيصل ضرب خده : اكل اللي بفمك اول بعدين نتفاهم
نايف بلع اللي بفمه بصعوبه : شفيكم على اللي بفمي قولو لي عندكم مخططات
ناصر بنذاله : اي عندنا
نايف عدل جلسته : اجل كويس اننا جينا ترا مايصير تخطط من وراء ظهري
ناصر : بصفتك ؟!
نايف بنظرات مو مفهومه: خلاص بطلع
ناصر مسكه من يده ولعب بشعره : زعلت الحلوه
فيصل : طيب واحد منكم يتبرع ويروح يجيب الاكل للعيال
تركي : روح انت وناصر احنا ضيوف مفروض ماتخلونا نروح
فيصل بصدمه: انا وناصر نروح ؟!
تركي : اي انت وناصر اجل انا ووليد
فيصل : هو كذا المفروض يصير
ناصر مسك يد فيصل : تعال نروح انا وانت واتركهم عنك
فيصل وقف : لاتلعبون بشي ترا مارح نطول
طلال : ندري ندري لاتلقفو لاتسوون لاتفعلون عرفنا الخطه
طلعو اثنينهم
فيصل بستيعاب : ليه طالع كذا ؟!
ناصر ناظر نفسه واستوعب انه لابس شورت وفنيله نص كم بالشتاء ضحك : مدري استعجلوني علشان اطلع
فيصل نزل الجكيت اللي عليه وعطاه ناصر : يلا نروح بسرعه
اول ماطلعو اتصل عليهم
تركي : يلا بس تشوفون السياره راحت تعالو على طول
بندر : تمام يلا
طلال بحماس : اوووه متحمس اسوي الحفل
نايف : لا وكان بيطردنا يحمد ربه اننا فكرنا نسوي حفل حتى
وليد اللي كان سرحان : اقول عيال مو كاننا نسينا شي
طلال ونايف : وشش ؟!
وليد : فيصل المفروض معانا علشان مانلعب بالمطبخ حقه ونعفسه
تركي : المطبخ خلوه علي انتو رتبو المكان هنا علشان اجي على طول ونرتب لما يجون مرت دقايق واندق الجرس دخلو كلهم
نايف : وين بسام ؟!
راكان : قال بيتاخر شوي واذا ماخلصنا وجاو بياخرهم
تركي : حلو حلو يلا اجل كل واحد يشوف شغله
بدو يرتبون المكان ويجهزونه لحفلة توديع العزوبيه
عند ناصر وفيصل
فيصل : لازم نسوي قائمة باللي بنسويه بكرا
ناصر بتردد : يبه ودي ازور عمي بكرا
فيصل سكن للحظات مو مستوعب اللي سمعه التفت بعدم تصديق : وش تقول
ناصر : بروح لعمي بكرا اذا رضيت وابيك تجي معي بقول له على زواجي
فيصل ظل فتره ساكت : انت تبي كذا ؟!
ناصر هز راسه بالايجاب
فيصل : اتركني افكر لبكرا
ظلو ساكتين وراحو اشترو الغداء ورجعو للشقه
ناصر قبل مايرقى : يبه
فيصل التفت بستغراب : شفيك
ناصر : زعلت ؟!
فيصل ابتسم بحنيه وقرب منه : لامازعلت يابوي انت من حقك تروح له حتى ولو  يبقى عمك وابو صقر لو ماتقابلتو هالفتره بتقابلون الفتره الجايه
ناصر ابتسم براحه ورقو لفوق دق الباب دقايق وانفتح الباب دخلو بصدمه
العيال بدو يصفقون : باي باي سنقل
ناصر بتفاجئ : تمزززحون
قرب منه وضمه بقوه : ليه نمزح ولا علشانك مو مصدق حتى احنا مو مصدقين ان طفلنا بيتزوج قبلنا كلنا
ابتعد بسام عنه قربو العيال واحد واحد يسلمون عليه ابتسم لهم وبادلهم الحضن : ياقلبي انتو الله لايحرمني منكم
نايف حس بغصه : بسك عاد
ناصر ناظره فتره وبدا يضحك : تو ادري انك مرهف الاحساس كذا
نايف عطاه نظره : ليه طايح من عينك ليكون بس
ناصر ضمه : لا حشى ماقلنا شي
طلال : هذي هداياك اذا طلعنا افتحها
فيصل وهو يحط الامل ضحك : اكيد كلها مصايب
تركي ضحك على كلام فيصل : لا لاتحاتي مافيه شي اول مره يجيبون هدايا محترمه زي الناس
بعد انتهى الحفله العيال استئذنو وكل راح لبيته
بهاللحظه اندق الجرس استغربو من بيجيهم هالوقت
فيصل : انا بفتح
فيصل فتح الباب وشافه واقف ومبلل : ادخل شفيك كذا
صقر بضحكه : كنت ابمشي وتفاجئت بالمويه اللي انصبت من فوق
فيصل سكت فتره وناظر ناصر وبعدها ضحكو اثنينهم
ناصر : طحنا فيه ٣ مرات بس خلاص تعلمنا جارتنا اللي فوق تاخذ المويه اللي تكون مجمعتها وترميها اخر اليوم
فيصل : ادخل ادخل بدل
صقر : لا بروح خذو هاكم هذي الهديه الحمدلله ماجاها شي توني طالع من الدوام كنت اتمنى الحق بس مالحقت تتعوض بروح البيت اريح
فيصل اخذها منه : تمام انتبه لنفسك لاتبرد
ناصر كان بيتكلم وتردد سكت وابتسم : انتبه لنفسك
صقر قرب منه خاف ناصر من النظره اللي على وجه صقر مسك خدين ناصر وقرصهم : ياززززينك مهما كبرت بتجلس الولد المدلل عند ابوه
فيصل ابتسم : وولو كبر الف سنه
صقر : ياحظك ياعم شوف شلون يدلعونك وغزل
ناصر ضحك : اللهم لاحسد لاتقربني
صقر : ميت عليك يالله سلام
ودعوه وبدو يرتببون كل شي بمكانه بعد ما انتهى الترتيب جلس فيصل يشوف جواله اما ناصر اللي كان يناظر المكان قرب من فيصل وحط راسه على رجله فيصل ابتسم وبدا يلعب بشعره
فيصل : رح تروح من عندي
ناصر ابتسامه : الود ودي اعيش طول عمري هنا
فيصل : للحين تاخذ علاجاتك
ناصر رفع عيونه لفيصل : اي لسه بكرا عندي موعد
فيصل ببتسامه : موعد او بتروح تشوفها ؟!
ناصر انحرج وبتعديل  : لا خلاص مواعيدي بعيده عنها الحين
فيصل كمل لعب بشعر ناصر : تمام متى تبي تروح لعمك ؟
ناصر : بكرا يكون احسن واقرب
فيصل : خللاص الليل اقول لصقر اني بروح له شرايك ؟!
ناصر ببتسامه مسك يده وباسها : الله يخليك لي