اول اهتماماتي (مكتملة)

بارت ٧

ناصر ببتسامه : اي كنت ملاحظ
فيصل بضحكه : ولما تخرجت ماكنت متوقع رح تهرب وتتركني كذا بس الحمدلله مامر نص اليوم الا انت عندي
ناصر رجع يجلس بالسرير : فيصل شرايك نطلع سفره نغير جو
فيصل بتفكير : فكره حلوه بس لازم ننتظر بسام ونشوف وش رح يصير
ناصر سند راسه بتعب فيصل وقف وطلع من الغرفه ماحس فيه ناصر رجع ومعاه كماده حطها على راس ناصر
فيصل : ارتاح الصباح بيجون العيال يفطورن عندنا
ناصر بدا يفقد اتصاله بالعالم مسك يد فيصل وبنطق ثقيل : فيصل اوعدني ما تتركني وانك رح تبقى بجنبي طول العمر
فيصل جلس بجنبه ومسك يده : اوعدك يا اول اهتماماتي
دخل ناصر بنومه عميقه فيصل ابتسم وجت بباله فكره
في صباح اليوم الثاني
اندق باب الشقه فيصل اللي كان يجهز الفطور بالطاوله تعود على جيات اصدقاء ناصر
طلال لوح لهم : هاااي
تركي جاء من وراه وضربه : صباح الخير او السلام عليكم الناس يقولون مو هااي
طلال عطاه نظره ودخلو
فيصل ضحك عليهم : صباح النور
طلال بصدمه: والهاي حقي وين راح
فيصل تجاهله: وين الباقي !
تركي جلس وبتثاوب : ورانا صحيتهم وجيت
فيصل :طيب بروح اكمل تجهيز الفطور اذا جاء احد افتحو له
تركي اشر بيده اوك
راح فيصل للمطبخ اما عند بسام
صلاح بستغراب : وين رايح ؟!
بسام وقف واخذ البوك والمفتاح : بروح البيت فيصل اكيد كان سهران عند ناصر
صلاح عقد حواجبه : الا جد ماتقول لي وش صار علشان قلب حالك على ناصر
بسام ابتسم : صلاح انا شفت الموت بعيوني وناصر هو اللي ساعدني حسيت بعده اني ندمان على كل اللي سويته معه واني لازم ارجع ويسامحني
صلاح ابتسم : الله يهديك من اول كذا ياكم عذبت الولد وهو ماله ذنب
بسام تنهد : اي والله صادق يلا بشوفك الليله واتصل على الشله خلنا نتجمع كلنا
صلاح : تم
طلع بسام متوجه للشقه
بالشقه
اندق الجرس
طلال : جاااي
نايف دخل بسرعه وضم طلال : اخبارك واحشني قد الدنيا
طلال بعده عنه : اعع بعد وجع توني امس معك
وليد دخل كالعاده عطاهم نظره : حسستنا زوجتك علشان توحشك كذا
نايف بنظره : ليكوووون
تركي فهم على نايف وضحك: شكله شكله
وليد بنظره استغراب: خير انت وياه
نايف قرب منه واستند على كتفه وهم باذنه: ليكون تغار
وليد بقرف بعده : وجع مقرف يويلك تعيدها واغار على وش على وجهك لا لا غلطان لو بغار بغار على فيصل على تركي على طلال اما عليك لو تقوم الدنيا ماغرت
قطع عليهم صوت الباب
تركي تلفت عليهم : من بيجي غيرنا
فيصل وهو ينزل الصحون الاكل : افتحو وانتو ساكتين
طلال : ابوي فيصل
فيصل اخذ المنديل ورماه عليه بس ماجاه اول مافتح الباب جاء بوجه بندر
بندر بالم مسك انفه : اححح شفيكم ؟!
فيصل باحراج قرب من بندر : اسف اسف ماكان قصدي اضربك بس الثور فتح الباب وجات علبه المنديل بوجهك
ناصر صحى من ازعاجهم دخل للحمام اليوم صحته احسن وصار يقدر يمشي ويتحرك غسل وجهه وفرش اسنانه وطلع لهم
ناصر بصوت ثقيل وبحه : ابوي فييصل
فيصل التفت له : ياعيون ابوك
طلال بحقد: هذا اهو يقول ابوي فيصل ليه انا ما اقول
فيصل ماعطاه وجه راح بتجاه ناصر وتذكر بندر اللي واقف بجنب طلال
فيصل اشر لبندر : بندر لاتسوي فيها رسمي ادخل البيت بيتك
بندر دخل : تسلم
فيصل التفت لناصر وحط يده على خدين ناصر وبدا يتلمس وجهه : لا الحمدلله خفت الحراره
ناصر ابتسم : اي
تركي بحنيه : وتسال ليه ياطلال حرام عليك
وليد : انا قايل لكم طلال ونايف كانه ولا احد موجود
شهقو اثنينهم : خييير
فيصل التفت لهم : يلا حياكم للفطور
اول ماجلسو كلهم على الارض بياكلون سمعو صوت الباب ينفتح ودخل بسام وهنا كانت الصدمه للكل
تركي كان بياكل شرق بلقمته ونايف فتح فمه من الصدمه اما طلال كان بيجلس وطاح على الارض بدال مايجلس عادي وليد مارفع راسه بس اول مارفعه التفت لناصر
بسام ببتسامه : صباح الخير
ناصر وفيصل بادلوه الابتسام : صباح النور
تركي التفت لناصر وكلهم توجهة انظارهم لناصر هز راسه بالايجاب
وردو عليهم كلهم بصوت واحد : صباح النور
بسام : لي مكان بينكم ولا؟!
ناصر بعد له بجنبه : اي فيه
بسام راح وجلس بجنب ناصر وباس راسه : كيفك اليوم ؟!
ناصر : احسن
بسام : كويس * التفت على العيال واستغرب من الشخص اللي موجود بينهم كان ملاحظه من البدايه بس ماتكلم * هذا ؟! مو الدكتور اللي امس
فيصل وهو يوقف يجيب اكواب زياده : اي بندر طلع صاحب العيال من ايام الثانوي الخاصه
بسام باعجاب : اوووه شوف الصدف والدنيا كيف تجمع وتفرق
فيصل ابتسم وكملو فطورهم عادي
بعد الفطور تجمعو كلهم بالصاله وناصر راح لغرفته ياخذ العلاج وقف فيصل بيلحقه
تركي بهمس : فيصل بروح له عادي ؟!
فيصل ابتسم وهز راسه بالايجاب تركي راح وراء ناصر ودق الباب
ناصر يفتح علبه اليوم برجفه : ادخل فيصل
تركي : انا تركي
ناصر جلس على الكرسي : تعال تروك
تركي فتح الباب ودخل : ناصر شفيك ؟!
ناصر : لابس جيت اكل حبوبي
تركي كان بخاطره كلام وابتسم بتمثيل : اي تمام
رجع بيطلع وقفه ناصر لما ناداه
ناصر : تركي
تركي لف لناصر : عيون تركي
طلال مشى من وراء تركي وضرب راسه متوجه لداخل الغرفه : لاتقول عيونه يجيك ابوه الحين ياكلك
وليد دخل : وهو صادق فيصل واحد ماينمزح معه
نايف : حرام عليكم عاد
طلال بشهقه خفيفه : شف شف من يدافع عنه بس
ناصر بستغراب : شفيكم ؟!
وليد التفت لهم : اتوقع اللي جاب تركي جابنا
ناصر استغرب صح انه صوت لتركي بس كان يبي يعرف منه وش الكلام اللي بخاطره : تركي وش اللي بخاطرك
تركي التفت وشاف الباب مفتوح سكره وجلسو حلقه حول ناصر اما ناصر زادت حيرته واستغرابه من تصرفات اخوياه : ياعيال شفيكم ؟!
برا كان بندر وبسام وفيصل
بسام بتثاوب : انا بروح انا يافيصل اذا بغيت تطلع او حاجه صحني اجلس عند ناصر
فيصل : تمام
بندر بفضول : فيصل وش علاقتك بناصر تحمست اني اعرف واضح انكم علاقتكم قويه بس مو اللي اخوان وناصر ماعمره قال لي انك اخ له وبنفس الوقت كان يكرهك ودايم يهرب منك بس حاليا اشوف العكس تماما
فيصل ابتسم : اممم هو صح يعني اغلب كلامك والاغلب فيه سوء فهم
بندر : طيب وضح سوء الفهم اللي عندي
نرجع لغرفه ناصر
تركي : وش صاير مع بسام ؟؟ ومتى رجع
ناصر فهم الحين وش فيهم : اهااا الحين فهمت قولو كذا من اول
طلال بجديه : ناصر لاتقول لي انك سامحته
ناصر : ياعيال انا ماسامحته كلي بس اني سامحته بنفس الوقت لاني جد ملاحظ انه تغير
وليد : متى جاء طيب وماقلت لنا
ناصر : متى جاء مدري بس اللي اذكره اني اول ماتعبت رجعت الشقه وماقدرت امشي للغرفه وطحت عند الباب وانتبهت بعد شوي ان فيه احد فتح الباب ووقف فتره وشالني دخلني للغرفه عيوني كانت مليانه ضباب لان حرارتي مرتفعه بس اني شفت بسام ظنيت اني اتخيل بس طلع صدق حقيقه
نايف بقتناع : بس ياعيال والله اليوم انا شفت الندم بعيونه واهتمامه بناصر
سكتو فجاءه واندق الباب
ناصر رفع نفسه : ادخل
فتح الباب وتكلم عادي كان مافي احد عند ناصر : ناصر انا بنام اذا احتجت شي صحني فيصل له كم يوم ماينام عدل
ناصر ابتسم له : تمام نوم العوافي
بسام باحراج : وانتو ياعيال اسف اني بترككم الحين بس اني صاحي من امس
وليد : لا عادي ولايهمك
طلال : الجايات اكثر لاتحاتي
بسام راح لغرفته والعيال التفتو لناصر
تركي حس من كلامهم انه صدق تطمن  : لا صدق تغير
فيصل دخل عليهم : وبعدين معكم وش جمعكم ؟
وليد  نقز عند فيصل : فيصل ابيك بموضوع
فيصل استغرب نقزته وانه جاء لعنده : خير ان شاء الله
سمعو صوت الباب ينددق وبعده فتحه
متعب وعمر دخلو ووقفو فتره يناظرون بندر
متعب التفت لعمر : شوف لو اني مو متاكد ان هذي شقه فيصل كان قلت اني مضيع
عمر بهمس : لي ساعه اقول لك
فيصل طلع من غرفه ناصر : وش اللي لك ساعه تقول له
متعب راح لفيصل وضمه : وينك والله خفت مضيع الشقه
ناصر ضرب يد متعب : كانك زودتها
متعب ناظره فتره وراح ضمه : نصصصصصصصور الحمدلله على السلامه
طلال بهمس للعيال : كانه يقول دينصور
فيصل ضربه : وجع
نايف بصدمه : لاتقول حتى ذي سمعتها
عمر راح بتجاه بندر وهو يبوس يده : الحمدللله والشكر مدري شجاهم
بندر كان كاتم ضحكته ماقدر يمسك نفسه وضحك لما امتلت عيونه دموع بعد ماهداء : انتو دايم كذا ؟!
تركي جلس بجنبه : اووووه واكثر من كذا
فيصل : ماعلينا الحمدلله انكم مجتمعين الحين ابيكم بموضوع
الكل استغرب بندر وقف فيصل عطاه نظره ورجع جلس
وليد اللي كان اساسا جالس من اول المناقشه وقف بتجاه ناصر سنده عليه لما جلس وجلس بجنبه
فيصل : شرايكم نسافر ؟!
الكل اعجبته الفكره
تركي : ماعندي مانع وعندي رصيد اجازات
طلال : وانت بعد
وليد : حتى انا بس ماقدر اكثر من اسبوع
نايف : فكررره حلوه
بنددر كان ساكت
متعب وعمر : انت تدري لو تروح للشمس احنا معاك
فيصل التفت لبندر : وانت بندر ؟!
بندر رفع راسه : انا ؟! يعني اروح معاكم
فيصل : لا تروح مع الجيران
بندر : والله مدري كم بتروحون علشان اشوف انت تدري ان عندي مرتبط بعد ماقدر اسوي اي شي على كيفي
متعب التفت لناصر اللي كان جالس بجنبه : ناصر اخبارك الحين ؟!
ناصر ابتسم بصعوبه لانه بدا يتعب : بخير وانت
متعب حط يده على خد ناصر وعقد حواجبه : اكلت علاجاتك ؟!
فيصل التفت لهم : شفيكم؟!
متعب: ولاشي كنت اتكلم معه كمل كلامك
فيصل بجديه : اي نرجع لموضوعنا وين تبون تروحون
طلال بتفكير : امم اتوقع بما اننا مانقدر نروح بعيد ولنا حدود نروح الامارات
فيصل ببتسامه: فكررره
الكل وافق عليه واتفقو انه بعد يومين يسافرون
. بعد ماانتهت الجلسه
فيصل مسك يد ناصر يساعده يوديه لغرفته : دقيقه وليد خلك
ناصر ناظر فيصل : شفيك؟!
فيصل : ابي اقول له ياخذ لك اجازه لان عندك ايام للاجازه تقدر تستخدمها
ناصر جلس على السرير ومدد نفسه : تمام قفل الانوار معاك بريح شوي
فيصل طلع وحصل متعب ووليد واقفين
فيصل بستغراب : انت مارحت
متعب ابتسم : لان الموضوع اللي نبيك فيه واحد
فيصل ناظر حوله : تعالو غرفتي العيال بينامون ومايبون صوت
متعب : تمام يلا