اول اهتماماتي (مكتملة)

بارت ١٦

يارب يعجبكم البارت ♥️😔 وانتظر تعليقاتكم الحلوه اللي تشبكم ♥️♥️

..................................
فيصل : ناصر جد ولا تمزح معي
بهاللحظه دخل المدير : اوه كويس فيصل انك هنا كنت بطلب منك تكمل كم شي مع المحاسب الجديد
فيصل ابتسم : ولايهمك امرني
المدير : هذي اوراق الشهر اللي راح احصوها وطلعو لي الايرادات والمصروفات
فيصل : ان شاء الله
طلع المدير واندق الباب
ناصر بهيبه : ادخل
متعب فتح الباب بسرعه: لاااااا هذي مقصوده
فيصل انصدم من رده الفعل بعدها ضحك: طيب قول السلام عليكم
متعب وقف قدام مكتب ناصر : شتسوي هنا
ناصر ابتسم : المحاسب الجديد لشركتكم مفروض تحترمني
متعب التفت لفيصل اللي هز كتفه : والله ماكنت عارف توني دخلت وانصدمت حالي حالك
متعب: ماتقول وش صاير ؟!
ناصر ضحك : اجلس بقول لك
جلس متعب وفيصل وبدا يحكي لهم ناصر على اللي صار
نرجع لليوم اللي قبل
صحى ناصر من النوم ماحصل فيصل استغرب ولما طلع كان بسام يسوي قهوه
بسام مارفع راسه : صح النوم
ناصر : صح بدنك وين فيصل
بسام : طلع يقول المدير مكلفه بملفات يدرسهم اليوم وراح يجيبها
ناصر بتفهم: ااها
بسام : تبي قهوه معي ؟!
ناصر فتح الثلاجه : لا باخذ عصير
طلع العصر ومعاه كيك
بسام : الكيك جبته من شوي ننتظر فيصل وناكل سوا
ناصر ابتسم وطلع له كوب وحط العصير ورجعه للثلاجه واخذ له ليمونه ياكلها
بسام بلع ريقه : اععععع شلون تاكلها
ناصر : حلوه تعودت عليها
بسام : تعال تعال عندي معك موضوع قبل يجي فيصل
ناصر استغرب وخاف : وش فيه
بسام بجديه : تعال نجلس وتعرف
جلسو
ناصر بتوتر: بسام شصاير ترا بديت اخاف
بسام: جاك طلب لك الحق ترفض او توافق
ناصر : من مين ؟!
بسام : شركه اللي فيها فيصل طالبين محاسب وتعاقدو مع شركتكم وطلبو منها محاسب ورشحوك انت
ناصر بحماس ونقز : صدددق
بسام ضحك من ردت فعله : اجلس اي صدق
ناصر : اكيد موافق ليه لا بعد
بسام : اجل بكرا تقول لفيصل انك مارح تداوم وبترتاح وتروح تفاجئه بالمكتب
ناصر ابتسم وسرح : امم هذا اللي بيصير
بسام مد له الاوراق يوقعها
عند متعب بعد ماوصلته المعلومات ماعرف وش يسوي اختبص سمع الجرس وقف بتجاه الباب
فيصل بضيق : وينك ماتفتح؟!
متعب بتوتر راح للطاوله وشال كل شي عليها : جالس اشتغل طالب مني واحد من الشباب امسك قضيه خاصه وافصلها
فيصل ناظره بشك: اكيد ولا فيه شي ثاني ؟!
متعب بتسليك : لا اكيد وبعدين وش عندك جايني هالوقت وتارك ناصر ؟!
فيصل عطاه نظره: جاي اكلمك بموضوع سعاد
متعب وقف فيصل وبهالوقت اتصل ناصر على فيصل
فيصل : هلا ناصر
ناصر : يبه متى بترجع
فيصل بدا ياشر بتوعد لمتعب : جايك الحين ليه ؟!
ناصر : اي تمام ننتظرك
فيصل عقد حواجبه : معاك احد
ناصر : بس بسام
فيصل : تمام يلا جايكم
وقفو عند الباب
فيصل بنظره شك: انا مو متطمن لك ابد
متعب : اقول اخلص لايطير ولدك بس
فيصل ابتسم : الحمدلله
متعب ضحك: اذا تكلمنا عنه يا تعصب يا تعبر بحب ماعاد نعرف لك
فيصل : يلا اشوفك بكرا بالدوام
متعب : تمام
طلع فيصل متوجه للشقه اما بالمغرب بشقه متعب
دق الجرس وراح يفتح
متعب : هلابك ادخل
وليد : هلابك زود هاه بشر شصار معك
متعب : استريح وبحكي لك
وليد بقلق : شفيه عسى مو صاير شي ؟!
متعب : لا اجلس ولا عليك ان شاء الله خير
وليد : اتمنى
جلس على الكرسي
متعب : طلع عايش بس باوراق واثباتات ثانيه
وليد بصدمه: اما كيففف طيب وليه للحين مامسكوه
متعب ضحك بسخريه : ابوه بالمباحث كيف تبيهم يمسكونه
وليد عقد حواجبه : هذا اسمه فساد مو مباحث واب وابنه
متعب : ماعليك انا بتصرف وابعده عن ناصر
وليد بخوف: متاكد
متعب : اي وبتساعدوني بس اذا جاء الوقت المناسب
وليد ابتسم برتياح : تمام كذا طمنتني
بالشقه
فيصل : شعندكم ؟!
بسام: حبيت نحتفل برجوع ناصر بخير
فيصل التفت عليه : اي والله مناسبه مو تستاهل الاحتفال بس تستاهل كل شي
بسام : يلا اجلسو خلونا ناكل
نرجع للحاضر
ناصر : عرفتو يعني جاتني الترقيه وبلغني فيها بسام
متعب بحقد : فهمنا فهمنا ماله داعي تعيد وتزيد بس على الاقل قلت لنا
فيصل ضحك: وبصفتك مين يقول لك !!
متعب شهق : اووووف وش هالكلام يافيصل انكرتني بثواني
فيصل : لا حشى ما انكرتك ولا شي
ناصر ابتسم ودخل المدير
المدير بنغزه لمتعب : فيه ناس يقولون مانبي نستقبل وليه يجبرنا
متعب بستفزاز : لا ابشرك كل يوم رح تحصلني هنا ناصر مثل ولدي
ماحس الا برجل فيصل تضربه تالم بس سكت
المدير : تمام الله يعينك عليهم يا ناصر
ناصر : لا تحاتي
بعد ماطلع التفت متعب لفيصل
متعب : ليه تضرب
فيصل وقف وسند نفسه على الطاوله بنبره صوت مايعرفها الا اللي مقرب من فيصل يعرف انه معصب او مو معصب : ناصر ولدي انا
متعب بخوف من نبرته: خلاص ماقلنا شي
ناصر حس بالام براسه ابتسم لهم وماتكلم
بعد ماخلص الدوام
ناصر لفيصل : فيصل بروح مع وليد ترا
فيصل التفت بشك: شفيك؟!
ناصر  اذا خبيت عنه بيعرف بعدين بقول له وامري لله : بروح معه للمستشفى
فيصل بخوف : فيك شي يعورك شي ؟!
ناصر ابتسم : لا لاتحاتي بس الم خفيف بالراس بروح اشوف
فيصل عقد حواجبه: ليه تروح مع وليد بوديك انا
ناصر : مابي اشغلك
فيصل بحزم: اي تشغلني امش بس
ناصر ارسل لوليد : لاتجي بروح مع فيصل
تركي التفت عليه : هاه بتروح له ولا لا
وليد : لا بيروح مع فيصل وين نروح حنا ؟!
طلال: انا اقول نروح نزور بندر له كم يوم مختفي او على الاقل نتصل نتطمن
نايف اتصل عليه
بندر : هلا والله ياهلا
نايف : اخبارك يالقاطع
بندر باحراج : اسف والله انشغلت مع اهلي وماقدرت اتواصل معكم اتصلت على فيصل اتطمن على ناصر
نايف : لاتتعذر ابد مدامك بخير بس فقدناك وقلنا نشوفك اذا انت بخير وامورك بخير
بندر : وين بتتجمعون اليوم ؟!
نايف : الليل عند فيصل علشان بسام بكرا بيسافر
بندر بستغراب : جدد ليه هو مو ساكن معهم
نايف : الا ساكن معهم بس اغلب اعماله بالخارج يروح ويجي زيارات
بندر بتفهم : اها فهمت عليك
نايف : اجل بنشوفك اليوم ؟!
بندر : ان شاء الله
سكر منه نروح لفيصل وناصر
دخلو ينتظرون موعدهم
ناصر بدا يفرك يدينه ببعض فيصل مسك يده : بسك بتقطعهم لاتخاف بكون بخير
ناصر لعب بشعره ابتسم بالم : يبه
فيصل التفت عليه : شفيك
ناصر : انا كنت احب شعري الطويل مره
فيصل ابتسم ولعب بشعره: انا اللي قلت لك لاتقصه
ناصر : بطوله ثاني مره لاتحاتي وبيصير احلى من الاول
فيصل ابتسم : لاتحاتي انت حلو بكل حالاتك
جات الممرضه: ناصر ال**
ناصر وقف هو وفيصل : نعم
الممرضه: غرفه ١٣
ناصر : تمام
نروح عند العيال
طلال : يلا نجهز الترتيبات لحفله بسام
متعب : وينه هو ؟!
تركي : اتصل عليه والهه
متعب اتصل على بسام: الو
بسام : هلا
متعب : وينك انت
بسام : بالدمام عند العيال كلمت فيصل برجع ٨ الليل
متعب : اها تمام يلا اجل
بسام : تعال فيك شي ؟!
متعب : لا خلاص بس طالع وطفشان حسبتك بالشقه
بسام : لا
متعب : يلا اخليك
عند ناصر
الدكتور : الحمدلله فحوصاتك كلها سليمه والالم عادي جددا لانك تو استعدت ذاكرتك وعندك جزء من الذاكره مفقود
ناصر برتباك : دكتور انا اتذكر الشهر اللي راح كامل بس ماحبيت اتكلم عند اخوياي علشان ماينزعجون ويتذكرون تصرفاتي
الدكتور : اها لاني لاحظت بتصرفاتك وكلامك تضاد
فيصل : يعني نتطمن
الدكتور ببتسامه: بس اهنيك على اب مثله
ناصر ابتسم وفيصل استغرب : مشكور يادكتور
الدكتور : وانت يافيصل مدري وش اقول لك بس ياليت كل الاباء مثلك شهر مر الناس يصبرون حتى اسبوع مايمر ويتركون اولادهم اذا هم كبار بس انت ماتركته وظليت وراه لما تشافى الله يخليكم لبعض
بعد ماطلعو من عنده بدا يضرب القلم بالطاوله : عمري ماصادفت علاقه اب بابنه مثل كذا