اول اهتماماتي (مكتملة)

بارت ٢٦

تركي هز راسه بالايجاب
نايف: طلو قوم نروح نجيب عشاء
طلال وقف : يلا نبي نجي قبل يجي ناصر وليد اتصل على المطعم واطلب المعتاد بس كثر الكميه على مانوصل وانتو بندر وراكان روحو البقاله جيبو مشروبات وشبسات التفت على وليد وتركي ومتعب وفيصل وانتو قومو رتبو المكان يلا لانجي الا كل شي مرتب
اول ماطلعو ناصر رجع للشقه دخل لغرفته ورمى الملابس اللي عليه وفتح دولابه وطلع له شورت وتيشيرت وسيع دخل للحمام اخذ شور سريع وطلع حس بالبرد قرر يبدل لبسه وطلع له بلوفر اصفر وبرمودا ابيض لبس وربط شعره رفع جزء والجزء الصغير اللي ماقدر يمسكه خلاه مفتوح اخذ كريم وحطه على يدينه علشان ماتنشف اخذ عطر وتعطر كان العطر هديه من فيصل
طلع وركب السياره ولما جاء يفتح الباب تفاجئ فيها قدامه
ناصر رفع حاجبه : نعم ؟!
سعاد : فيصل هنا
ناصر ابتسم بثقل : انتي اكثر وحده تعرفين انه مو هنا صح ولا لا
سعاد بتردد : ناصر ابتعد عن فيصل
ناصر : اوامر ثانيه ؟!
سعاد رفعت راسها بصدمه : اي اوامر  ناصر انا كنت زوجة فيصل وتطلقنا بسببك
ناصر رفع يده وباسلوب مستفز : كنتي زوجته مو الحين الحين اسمك طليقته وفيصل خليته لك تتهني فيه واذا مارجع لك انا مالي دخل فيكم لاني ماعاد اشوفه ولا عاد ابي
سعاد زادت صدمتها من برود ناصر بالكلام وقوته ماكان كذا كانت دايم تهدده بفيصل ويضعف ويستسلم ابتسمت  قاطعته بترجي : لا لاتتركه لي لانه ابوك انا مثل ماقلت طليقته وفيصل مارح يكمل حياته بدونك * سكتت فتره* انا اللي طلبت من  فيصل انه مايقرب منك شهر واسبوع  ورح اترككم بحالكم ولا عاد تشوفوني لا انا ولا ياسر ورح اوقف بوجهه لو يقرب لك ثاني مره واليوم كان اخر يوم لي معاه كنت دايم اشوفك تراقبنا صح كنت ماودي اشوفك كذا بس حبيت انفذ وعدي لفيصل ناصر انت كسرت فيصل
ناصر كان يسمع وهو مصدوم وقلبه يدق بشكل جنوني مو مصدق كلامها
سعاد بحزن على حاله ناصر : فيصل كان يفضل الموت على انه يشوفك ومايجيك او يكلمك او يضمك او يطمنك انه عندك على العموم انا حبيت اقول لك الحقيقه علشان ماتظلم فيصل اكثر من ما ظلمته معاي بتركك الحين واتمنى ماتعيد غلطتي وتترك فيصل لانك اعتبرته الاب اللي فقدته وهو يعتبرك الابن والصديق والاخ اللي ماخلق مثله
ناصر ابتسم : الله يوفقك سعاد انتبهي لنفسك وان شاء الله رح اخذ بنصيحتك لي
سعاد تركته وراحت ظل واقف عند الباب فز لما دق الجوال بجيبه طلعه
نايف بصرخه: مو ناوي تجي
ناصر برتباك : الا بجي يلا بس كان عندي واحد وتوه راح
نايف عقد حواجبه : واحد ؟!
ناصر بستعجال : جيتكم بسك صراخ مسافه الطريق
نايف : من اللي جايك
ناصر : شخص ماتعرفه يلا سكر ولا بسوي حادث بسببك
نايف شهق : وجع لاتقول كذا
ناصر تنهد :طيب نيوف سكر والله جاي
سكر نايف بستسلام والتفت لتركي : ناصر يعرف غيرنا
تركي استغرب سواله : اكيد ليه بس يمكن بالشغل وكذا
وليد بتفكير : صدق ناصر اول مره يسويها
متعب بتغطيه : يمكن واحد من العملاء حقينا لانهم يجيبون الاوراق ومعاملاتهم لنا
فيصل كان كل تفكيره انه يطلع قبل مايجي ناصر بس فشل
بعد دقايق سمعو الجرس وقف نايف وسحبه وليد : طلال قم افتح انت لاتروح تسوي له تحقيق
نايف نفخ خده : مالت بس
طلال فتح الباب وبترحيب : ياهلااا نصور
ناصر دخل مبتسم طلال وقف قدامه مفهي : هلابك طلول
العيال كانو يشوفون طلال بس مايشوفون ناصر
بندر : طلال شفيك واقف ادخلو
ناصر دخل وهو للحين مبتسم وصار قدام طلال وطلال وراه طلال اشر للثلاثي اخوياه على فمه وهم فهمو عليه
دقيقه ونقز نايف ضمه بقوه ورفع رجوله حول خصره : نصصصصور اشتقت لك
راكان انصدم ووقف مسك نايف ونزله : بزرر ؟! بتكسر ظهر الولد
ناصر التفت له وابتسم : اهلين راكان
سلم عليهم كلهم لما وصل عند فيصل وقف ومد يده كان وده يروح بحضنه يشكي له اللي بصدره بس مايقدر الحين : اخبارك فيصل
العيال كانو متوترين يخافون انه بيصير بينهم شي
فيصل بادله الابتسامه: بخير وانت
ناصر جلس بجنب تركي ووليد : بخير ماعلي يلا يقولون فيه سهره اليوم
بدو الاكل والسوالف وبعدها جلسو دقايق يشوفون وش بيسوون وبدو يلعبون انواع الالعاب اللي عندهم بعد مامر الوقت سريع
راكان : يلا انا اعذروني الحين وراي دوام بكرا
بندر وقف معه : يلا وانا بعد
فيصل : حتى انا
طلع متعب وراهم
ناصر قبض بيده بقوه وطلع جواله وارسل له : ابي اشوفك ضروري متى تبغى
فيصل اول ماطلع سمع التنبيه بس ما اهتم له ركب سيارته متوجه للفندق
نايف لف على ناصر : ناصر من اللي جايك هالوقت ؟!
ناصر نزل راسه : بعدين بعلمكم بس عندي شغله لازم اخلصها صقر تروح معي
صقر : يلا
اول ماركبو السياره
ناصر اتصل عليه : هلا متعب
متعب بستغراب وخوف لانه توه كان معه  : شفيك ناصر ؟! فيك شي
ناصر ابتسم : لاتخاف مافي شي بس ابي عنوان فيصل اللي الحين ساكن فيه
متعب انصدم وصقر نفس الشي : هااا
ناصر : عنوان فيصل اللي الحينن
متعب بتدارك : اي يلا يلا برسله
ارسل له الموقع اما ناصر لما وصل للفندق
ناصر لصقر : خذ السياره وارجع فيها للبيت تمام
صقر بقلق على ناصر : ناصر وش بتسوي
ناصر اخذ نفس : باخذ بنصيحته وارجع فيصل
صقر مو فاهم شي : تاخذ بنصيحه مين ؟!
ناصر التفت بابتسامه وفتح الباب ونزل وترك صقر بحيرته وصل للاستقبال
ناصر : ابغى جناح فيصل ال ** اي دور
الموظفه : ثواني * بعد البحث * بالدور ال ١٠
ناصر : شكرا
كان مرتبك وقلبه يدق اما عند فيصل مافتح جواله واول ماوصل رمى الجوال ودخل ياخذ له دش بعد ماطلع سوا له حليب لان الجو بارد
انتبه للجرس استغرب متعب ماقال له انه بيجيه توجه للباب
فيصل : يلا جايي
فتح الباب وشافه قدامه حاول يمسك نفسه ويضبط مشاعره مايتهور بشي يخلي ناصر يتضايق منه او يخليه يطلع
فيصل بهدوء حاول يمسك اعصابه ويمسك نفسه : هلا فيك شي ؟!
ناصر ليه يعاملني كذا ؟: عادي اكلمك
فيصل فتح الباب : حياك
ناصر وقف مكانه ومادخل استغرب فيصل
فيصل عقد حواجبه : مارح تدخل
ناصر كان خايف من شي ورجفته بدت توضح لفيصل مسك يده ودخله
ناصر تفاجئ من ردت فعل فيصل وماتكلم دخل وجلس على الكنب
فيصل فتح جواله وانتبه لرساله ناصر : انت مرسل لي ؟!
ناصر رفع راسه لفيصل : اي ومارديت علي علشان كذا خذيت عنوانك من متعب
فيصل : تبي تشرب شي ؟؟
ناصر بدا يمسك يدينه ببعض : لا ابغى اكلمك بس
فيصل مشى بتجاهه كان بيجلس بجنبه بعدها غير رايه وجلس بعيد عنه ناصر للحين مو فاهم تصرفات فيصل تجاهه انتبه ليد فيصل والجرح اللي سببه له فيصل انتبه لنظرات ناصر ليده وغطاها
ناصر ناظر الارض وبرتباك وقلق : ليه ؟!
فيصل مافهم عليه : ليه ايش ؟!
ناصر : ليه تعاملني كذا
فيصل : اعاملك كيف
ناصر بصوت مبحوح : ليه تركتني
فيصل ابتسم : ماتركتك وقلت لك من قبل
ناصر : طيب وين كنت بهالفتره وليه ماجيت تقول لي شي
فيصل : انت كبرت وماعدت بحاجتي
ناصر انصدم من كلام فيصل : من قاله ؟!
فيصل ابتسم بالم : تصرفاتك تتكلم * ناصر وقف واستغرب فيصل* وين ؟!
ناصر : خلاص بروح
فيصل بجديه : ناصر ليه جاي !!
ناصر التفت عليه : تسالني هالسوال
فيصل : انت مو عارف وش تبغى وتتكلم بكلام مو مفهوم فا روح للبيت واذا عرفت وش تبغى وعرفت وش بتقول تعال لي
ناصر بصرخه مبحوحه حلقه جاف ومافيه اي طاقه : ليش ماقلت لي عن سعاد ؟!
فيصل : اقول لك عن ايش هي اللي جاتك اليوم صح قبل ماتجي لنا
ناصر بعد عيونه عن فيصل وظل يناظر الارض : لا ماجات شخص ثاني جاء
فيصل ابتسم : لاتكذب عيونك تكشفك
ناصر بنفعال : قلت لك ماحد كلمني ليه مو مصدقني
فيصل تغيرت ملامحه بسبب انفعال ناصر : طيب خلاص تعال اجلس
ناصر رفض وظل واقف وهو يناظر الفراغ كان يحاول يتجاهل نظرات فيصل له بقد مايقدر
فيصل بهدوء وصبر لازم اجبره يتكلم حتى لو كان هالشي بيجرحه  : ناصر بتدخل او اطلع واتركني انام مارح اخلي وقتي كله يضيع على تصرفاتك الطفوليه
ناصر بصدمه : تصرفات طفوليه !؟ * ابتسم بالم * اوه صح منت فاضي لي ولتصرفاتي بتركك الحين متى ماروقت ومستعد تسمع لي وبتتحمل تصرفاتي * وشد على الكلمه* الطفوليه ارسل لي
ناصر مشى بتجاه الباب بس وقفه صوته فيصل اخذ نفس
فيصل : استنى مع من جيت !؟
ناصر التفت له : اذا يهمك جيت بسيارتي
فيصل : طيب خلاص انتبه لطريقك
ناصر طلع من الجناح ونزل وقف يمكن يلمح تكسي كان الوقت متاخر ١ ونص الليل جلس بالارض بياس عيونه امتلت دموع ومو عارف وش يسوي او وين يروح مفاتيحه وكل شي مع صقر بالسياره ويخاف يرسل له ويكون نايم تذكر الشخص اللي بينقذه اتصل عليه وبعد رنتين
ناصر : الو
محمد بستغراب : هلا ناصر
ناصر : امم محمد وينك الحين ؟!
محمد : بالبيت ليه ؟
ناصر بتردد : صقر وين
محمد : نايم بالغرفه جاي من عندكم ونام على طول ليه تبي منه شي
ناصر سمع اصوات عند محمد : انت عندك احد ؟!
محمد التفت للعيال : ياعيال اسكتو خلوني اسمع . هلا ناصر لا بس انه العيال متجمعين وانا جالس معهم قول شفيك
ناصر : انا عطيت سيارتي صقر وظنيت اني بخلص
محمد قاطعه : ارسل لي الو
ماكمل كلامه لان فيصل سحب منه الجوال ورد
فيصل : ماله داعي تجي تاخذه خلاص
محمد ابتسم : هلا فيصل
فيصل : هلابك يلا بسكر واسفين على الازعاج
ناصر رفع راسه بتفاجئ : ليه ؟!
فيصل مشى تاركه وراه جالس يسال وماعطاه اي اهتمام
دخل للشقه وترك الباب مفتوح بعد دقايق دخل ناصر وسكر الباب
عند محمد كانو يلعبون طلع صقر من غرفته وانتبه لهم
عبيد : صقر تعال العب معنا
صقر بتثاوب : لا بشرب ماي وارجع اكمل نومي
محمد : فهد تعال كمل لعب بدالي
فهد اخذ الاوراق من محمد اما محمد وقف ولحق صقر
محمد : ناصر اتصل كان يبي المفاتيح ويبي السياره بس اتوقع فيصل كان عنده واخذ جواله وقال لاتهتم
صقر كان يشرب ويسمع لمحمد : اتركهم يارب يتصالحون
محمد عقد حواجبه : للحين ؟!
صقر ابتسم : ولبكرا ماتعرف ناصر مايقدر على فيصل ولول بيجي يتعذر او يشرح شي مايقدر
محمد بتفكير : صادق بس ليه ماتقول لفيصل انه يبي يعتذر منه
صقر رفع كتوفه بعدم اهتمام : بيتصالحون بي او بدوني