اول اهتماماتي (مكتملة)

بارت١٥

اهلييييين حبايبي كل عام وانتو بالف خير يارب صح مامداني اكتب بارت طويل بس هذا البارت اعتبروه هديه العيد واليوم بنزل بالليل اذا قدرت اسوي بارت طويل واذا ماقدرت رح انزل البارت مثل ما اهو قصير احبببكم مره وشكرا من القلب جد على تفاعلكم معاي واتمنى ماينقطع لاني من جد تحمست اكتب اكثر من الكومنتات وانتو ملاحظين هالشي ♥️♥️
.................
ناصر ضم فيصل ببتسامه: الله يخليك لي يبه
فيصل باس راسه: ويخليك لي
بعد عنه وبخجل : بروح اتعذر من بسام انا جرحته بتصرفي
فيصل لعب بشعر ناصر : روح وبعده تعال نام عندي
ناصر نفخ خده : يبه ماني بزر انام عندك
فيصل : انا قلت انك بزر ؟! قلت تعال نام وبس
ناصر : ابشر
وقف وطلع متوجه لبسام اللي كان جالس على التلفزيون يفرفر القنوات
بسام : هلا ناصر فيك شي ؟!
ناصر ابتسم : انا اسف
بسام وقف وباس راسه : لاتتاسف عارف اني جرحتك كثير اول وحاليا جد انا احاول اصلح اغلاطي
ناصر مارد عليه واكتفى ببتسامه
نروح لمتعب ووليد
وليد : متعب عادي اشوف صوره ياسر ؟ 
متعب بستغراب : ياسر اخو سعاد ؟؟
وليد : اي
متعب زاد استغرابه: ليه
وليد : تكفى بس هالطلب
متعب تنهد وراح لغرفته طلع الملفات وطلع الصوره من بينهم وكم صوره ثانيه رجع عند وليد ومد له الاوراق
وليد بصدمه: هذذا هذذا اهو
متعب استغرب : شفيك وليد من اللي هذا هو
وليد برتباك  : هذا اللي جانا للمكتب قبل شهرين اللي بالصوره كان معاه
متعب استغرب: وليد انت متاكد ترا الرجال مات
وليد : متاكد مثل ما اشوفك الحين
متعب وقف واخذ جواله ودق على الرقم : الو
محمد: هلا متعب
متعب : ازعجتك ؟!
محمد: لا عادي توني برجع البيت شفيك
متعب : برسل لك بيانات شخص وابيك تتاكد اذا هو حي ولا ميت
محمد : تمام اليوم تبيها !
متعب: ياليت
سكر منه وارسل له كل البينات اللي حتاجها
متعب: خلاص بكذا نكون سوينا شي واكتشفنا شي جديد
وليد كان متوتر: اي
متعب التفت عليه : شفيك انت ؟!
وليد : خايف لايصير شي ثاني بناصر خصوصا بعد اللي صار بالفتره الاخيره يعني لما جاء يستقر بدو يرجعون يضايقونه مايكفي عمه
متعب التفت له وبشك: شدخل عمه
وليد : عمه يرسل له رسايل بالبريد بس انا والعيال ناخذها ونرميها قبل توصل له
متعب: وينها عندك ؟!
وليد : اي عندي بالبيت
متعب : خلاص اليوم جيبها لي متى بتجي ؟!علشان اكون صاحي
وليد : مدري بس تقريبا المغرب
متعب وهو يوقف ويودع وليد : خلاص على خير
طلع وليد لشقتهم اما عند ناصر
ناصر : صدق بتسافر
بسام : اي والله انا قلت حدي شهر ارجع اتطمن عليكم واروح بس صارت سالفه وجلست اكثر
ناصر ابتسم بتعب  : تمام تامرني بشي
بسام : انتبه لنفسك وروح ارتاح
ناصر : تمام
راح لغرفه فيصل اللي كان جالس يقراء الرسايل اللي بجواله فيصل اول ماحس بدخول ناصر سكر جواله والتفت له ناصر جلس على السرير وحط راسه على رجل فيصل ودخل بنوم عميق
عند العيال
طلال جالسه يتفحص المجله: اقول وليد شعندك مع متعب ؟!
تركي عدل جلسته: صدق احسك مو على بعضك هالايام
وليد ببتسامه شر : مسوي سبرايز
تركي بخوف : وش صاير
نايف بنفس ابتسامه وليد : بعدين تعرفون مو لازم كل شي تعرفونه
باليوم الثاني كان فيصل يلبس لدوامه
فيصل : متاكد انك بخير ترا بس بروح ٣ ساعات وارجع بسرعه
ناصر كان لابس شورت : اي متاكد لاتحاتي روح متطمن
فيصل ابتسم براحه : تمام
بعد ماراح فيصل للدوام دخل ناصر لغرفته وطلع له بدله دق الباب عليه
بسام ببتسامه: بتروح ؟!
ناصر : اي
بسام : قلت لفيصل
ناصر عقد حواجبه : ليكون قلت له انا مابيه يعرف عن شي
بسام بانكار : لا ماقلت له بس لازم انت تقول له
ناصر : بيعرف بعدين
بسام ضحك: تمام براحتك
بعد مابدل طلع وحصل وليد ينتظره بما انهم بنفس الشركه
وليد : مستعد ترجع بقوتك ؟!
ناصر هز راسه بالايجاب ومشو
عند فيصل
متعب بتافف : اوووف وقته هالمدير
فيصل عطاه نظره: وبعدين معك من الصبح تتحلطم ياخي اسكت
متعب التفت لعمر : عاجبك الوضع
انتبهو للمدير يدخل وقفو
المدير : الموظف الجديد وصل بمكتبه ياليت تروحون تحيونه لاني اول ماوصل سلمته الفواتير يضبطها
متعب بهمس : اوووف ناقصنا
فيصل ابتسم : ابشر طال عمرك
اول ماطلع المدير
فيصل : مارح تروحون ؟! 
متعب رفع يدينه: عن نفسي لا
فيصل هز راسه بياس : وانت
عمر : مالي خلق
فيصل تنهد : تمام براحتكم
مشى بتجاه المكتب الجديد وصادفه احد الموظفين
فيصل : ماتعرف اسمه الللي جاء جديد
الموظف: اتوقع عبدالله شي زي كذا
فيصل : تمام مشكور
وقف عند مكتبه وتنهد حاول يرسم ابتسامه على وجهه دق الباب وفتح الباب وانصدم
ناصر وقف وابتسم ابتسامه عريضه : اهلين تفضل
فيصل بتعجب : شتسوي هنا ؟! هذا مكتب الموظف الجديد
ناصر ضحك: وانا مو مالي عينك ولا علشانك ابوي ماتبيني اخذ منصب ومكتب مثل كذا
فيصل شهق: تمزح صح ؟!
ناصر : لا والله ما امزح شركتنا تعاقدت مع شركتكم واختاروني انا اتوظف عندكم اليوم الصباح
فيصل بعدم تصديق : ناصر تمزح معي صح ؟!
ناصر اشر للكرسي : اجلس اجلس بقول لك على كل حاجه