اول اهتماماتي (مكتملة)

بارت ٣١

عارفه اني تاخرت عليكم بس اتمنى تقبلون اعتذاري الاسبوع هذا يوم الثلاثاء عندي امتحان نهائي وحاولت قد ما اقدر اكمل البارت لكم والروايه الثانيه واذا انتو تتابعون الروايتين رح يكون البارت الاخير من روايه خيالك واسع قريب ان شاء الله دعواتكم بامتحاني ولاتنسون تعليقكم على البارت يزيد حماسي للكتابه 🥺♥️♥️

فيصل ضحك : خلاص برجع لطبيعتي
نايف كان جالس بجنب صقر وبجنبه الثاني طلال همس لصقر : نقول له ولا لا ؟!
صقر التفت :توني بقول لك
نايف : ارسل له وشوف وش يقول
صقر فتح محادثه فيصل اللي كان يسولف مع متعب وراكان : فيصل تذكر اللي اليوم شفناه في البيت عندنا تونا شفناه مع راكان
رفعو راسهم
طلال قرب من نايف وهمس عند اذنه  وباسلوب مستفز : وش تتهامسون فيه
نايف صرخ ومسك قلبه : وجع لاعاد تسوي هالحركه
طلال ناظره بستغراب : شفيك ؟!
الكل التفتتو له مستغربين من التصرف
نروح لناصر برا
اول مادخل فيصل المطعم طلع جواله بثقل علشان يتصل على سلطان اما سلطان اللي كان بسيارته ينتظر دخول فيصل نزل وراح لناصر
سلطان : مايحتاج تتصل هذاني
ناصر التفت ببتسامه باهته: هلا والله
سلطان سنده وخذاه معه لسيارته جلس ناصر بالكرسي ووقف هو برا قدامه : هاه شصار
ناصر ببلاهه: ماصار شي تعب خفيف
سلطان بجديه استند على السياره اللي وراه اللي كانت لراكان : اسمع ناصر رح اقول لك وضعك كامل واتمنى انك تشررح الوضع لفيصل لانه ممكن يتطور او ينخفض وان شاء الله انه ينخفض بس انك لازم اليوم تقول له على كل شي
بهاللحظه دق جوال تركي : معليش ياعيال امي تتصل
راكان : خذ راحتك
طلال ونايف : سلم عليها
تركي ابتسم لهم : يوصل
طلع تركي يكلم امه وانتبه لناصر اللي جالس في السياره واللي كان معطيه ظهره ويسولف مع ناصر خلص اتصاله ودخل اما ناصر
ناصر مسك يد سلطان ووقف : يلا اجل وعدنا بكرا؟!
سلطان : اكيد بس قبل كل شي لازم تقول لفيصل على اللي بيصير او يمكن يصير
ناصر تنهد : طيب يعني ضروري ؟!
سلطان ابتسم ولعب بشعر ناصر : اي علشانك وعلشانه
ناصر : يلا انتبه لنفسك بالطريق
نرجع للجلسه اول ماطلع تركي فيصل اخذ جواله وانتبه لمسج اللي وصله من صقر رد عليه : اي هو نفسه اللي اليوم قال لي ناصر انه بيجي يبي يكلمه
صقر قراء الرساله واستغرب بس ماعلق دخل ناصر وباين على وجهه التعب واظافره زرقاء من البرد كان الجو بارد مع انه لابس بس بما انه بفتره مرض فا يتاثر من اي شي
الكل سلم عليه وبدو يسولفون اما هو راح بالمكان اللي كان بين تركي ووليد وسند راسه على تركي * رح تستغربون علاقه ناصر وتركي ماكانت قويه او بالاصح مايسولفون مع بعض بس اقرب شخص من بعد فيصل لناصر تركي وبعده الباقي كان الشي اللي يستصعب يقوله لاحد يقوله لتركي علشان يسهل عليه يقوله للباقي
تركي مسك يد ناصر : فيك شي ؟!
ناصر ابتسم : لا مافيني بس اشتقت لجمعتنا هذي من زمان عنها
تركي قرص خده : انتو اللي تتغلون
طلال بفضول : تركي وش فيكم ؟!
وليد التفت له بنظره : ليه القافه انا وانا بجنبهم ماتلقفت
نايف ضرب طلال : وانت شعليك منه
فيصل التفت لناصر اللي كان يناظره وابتسم له وبالاشاره تكلم فيصل انت بخير ؟!ناصر ابتسم وهز راسه بالايجاب
نايف التفت على بندر : شيسوون ذولي
راكان كان كاتم ضحكته وماقدر يمسك نفسه : انتو دايم كذا ؟!
فيصل اخذ نفس وانفجر ضحك ووراه متعب اما ناصر بدت عيونه تغفى لاشعوري حاول يقاوم تركي حس بثقل ناصر بجنبه توقع انه نام علشان كذا تركه يكمل نوم بس سنده عدل عليه وصار شبه ضامه
وصل الاكل وبدو ياكلون فيصل كان ملتهي مع العيال انتبه ان ناصر مو بمكانه وان وليد غير مكانه
فيصل : وين ناصر ؟!
تركي اشر بمعنى : اش نايم
فيصل زاد استغرابه : وين نايم ؟!
تركي ابتسم تكلم وليد اللي مع تغيير المكان صار قريب من فيصل : مدينا رجوله ونايم عند تركي
فيصل اومى بالايجاب
بعد ماخلصو شكرو راكان على ضيافته وابتسم لهم وطلب منهم زيارته ثاني مره اما فيصل توجه لناصر اللي كان جالس وماسك يد تركي وساند راسه على كتفه ومغمض عيونه
تركي : ناصر قوم فيصل ينتظرك
ناصر : همم تركي اتركني شوي ابيك
تركي استغرب : ناصر فيك شي ؟!
ناصر بدت دموعه تنزل وهو نايم : تعبان ياتركي
تركي انتبه لفيصل اللي جاي واشر له يجلس قدامهم يسمع : من ايش تعبان ؟
ناصر : من كل شي ابغى اكون بخير وعايش مع ابوي براحه لها الدرجه صعب
تركي تنهد : طيب انت عايش معه الحين ليه ماتصارحه بكل اللي بقلبك
ناصر : شقول له اقول اني اتعالج ؟!
استغرب تركي : من ايش تتعالج
ناصر بلع ريقه وظل ساكت : بكلمه اليوم بس خلني شوي لين يناديني قول لي علشان اروح له
تركي : طيب
فيصل في هاللحظه جاه اتصال وطلع يرد بعد دقايق اتصل على ناصر
ناصر فز بخوف من هز جواله بجيبه :هلا يبه
فيصل : ناصر تقدر ترجع مع العيال لين اروح واخذ اوراق من زميل واجي اخذك
ناصر استغلها فرصه : طيب يبه عادي
فيصل تنهد : انتبه لنفسك زين من بتروح معه ؟!
ناصر رفع راسه لتركي اللي كان جالس وساند نفسه على الجدار علشان مايزعج ناصر بتحركاته : بروح مع تركي
فيصل : تمام هو عندك ؟!
ناصر : اي
مد الجوال لتركي اللي خذاه يرد وانتبه لناصر انه رجع على وضعه من شوي : هلا
فيصل : تركي اسمع ناصر في امانتك بروح اجيب اوراق من زميل لي واجي اخذه لاتتركه يطلع من عندكم
تركي : ابشر
سكر منه وبعد ناصر عنه مسك يده ووقفو ثنينهم متوجهين للسياره كانو العيال الباقي كلهم برا اللي بالسيارات اساسا واللي بيركبون
تركي : وليد يلا ؟!
وليد هز راسه بالايجاب
تركي رمى عليه المفتاح : مالي خلق اسوق
صقر : وين ؟!
تركي ووليد : للشقه
صقر : اي يلا اجل بخلي طلال ونايف يوصلوني
راكان قرب من ناصر وهمس في اذنه
ناصر : اي لا ماعليك اموري تمام
بعد ما افترقو وكل واحد راح بطريقه متعب مع فيصل ونايف وطلال مع صقر وراكان بروحه وليد وتركي وناصر سوا
دخلو للشقه رمى نفسه على سرير اللي بالغرفه المخصصه له بشقتهم: اووووه احس من زمان ماجيتكم بس والله الشقه رهيبه ومرتبه وريحة العطور والعود تجنن
وليد استند على الباب وغرفتك فاقدتك
ابتسم ناصر : كانت هي وغرفتي في بيت عمي هي المهرب من فيصل كنت اذا ابي اتخذ قرار الهروب اروح لها الغرفتين *سكت كانه تذكر شي التفت للدولاب *
تكلم وليد : ماحركناه على كلامك
وقف ببتسامه : تعالو طيب ساعدوني
بدو يدفعون الدولاب الكبير وبانت وراح الصفحه الكبيره اللي مليانه رسمات وكلام وعتاب كان انواع الاشياء
تركي : اوووه متى سويت ذا نصور
ناصر ابتسم وهو واقف : من اخذنا الشقه كنت اكتب اذا تضايقت
طلال اللي جاء من وراهم : علشان كذا كنت تمنعنا من الدخول للغرفه
ناصر : ايي
نايف : نصور وش كانت مشاعرك وانت تسوي كذا يعني احنا كنا عندك وصقر وفيصل ليش فضلت انك تسوي كذا عن انك تتكلم
ناصر رجع وجلس على السرير وهو يشوفهم الاربعه اللي كانو واقفين جلسو : امم شوف صح كنت معكم واسولف لكم دايم بس اللي احس انه بياذيني ورح ياذيكم اكتبه صقر ماكان معي وكنت اكرهه بسبب ابوه وفيصل كنت اتهرب منه كيف تبي اقوله فا علشان كذا اخترت اني اكتب وينمحي بالصبغ ولا اني اتكلم واجرح والجرح مايروح ابد الا يترك اثر 
بدو يسولفون ويضحكون على سوالف الماضي
نايف مسح دموعه : لا ولا تذكروون لما جانا ناصر ملعوب فيه
طلال : ايي كان ذاك الوقت متهاوش مع فيصل ويهرب منه وماعرف ان فيصل عندنا
ناصر ضحك: الله وش كنت افكر فيه لا وكل مره اهرب احصله عندكم
وليد : وش تسوي ابوك كذا ولا كذا بيعرف وينك وترجعون
وقف ناصر : بنزل انا وارجع احد يبي شي من البقاله ؟!
تركي وقف معه : بروح معك
نايف : ابي كولا وشبسات كذا لاني بتابع فلم
وليد : تركي جيب هذاك الايسكريم اللي من قبل
طلال : وانا ابي عصير توت وسفن واحسبو لي مع نايف شبسات
تركي : يلا اجل
ناصر : جوالي عندكم ترا
وليد وقف واخذ جواله : خذه معك يمكن يتصل فيصل
ناصر تنهد : طيب
طلعو برا وراحو للبقاله جابو الاغراض ومعاها شراء ناصر علبه دخان
تركي : مو قلت بطلته ؟!
ناصر ابتسم : احاول وحاليا احاول
تركي : اتركه طيب وتعال
ناصر ؛ والله بس وحده وبعدها خذ العلبه
تركي بجديه : ناصر اتركها
بعد مارجعو وحطو الاغراض عندهم
وليد بهمس لتركي : صاير شي ؟!
تركي : لا ماصار
وليد : شفيه كذا طيب
تركي التفت عليه ىسكت وليد
تركي : ناصر تعال
نزل ونزل ناصر وراه بستغراب وصل لسيارته وفتح بابه طلع العلبه وطلع حبه منها
تركي : لاتطلب ثاني مره لاني رح ارميه
ناصر بصدمه: وش جاب ذا عندك ؟!
تركي : قبل يومين مو طلعنا انا وانت للمستشفى بعد مارجعنا البيت تركت علبتك عندي
ناصر بتفكير : وانا اقول وين راحت
جلسو جنب بعض
تركي : ناصر من اللي معاك اليوم ؟؟
ناصر التفت له : وين
تركي : عند المطعم
ناصر ابتسم : كنت انتظرك طول اليوم تسال هالسوال
تركي : من هذا
ناصر بدا يحكي على وضعه وعلاقته بسلطان
ناصر : وهذا كل اللي صار مدري عاد اقول لفيصل ولا لا
تركي : لازم تقول له مو قال لك انه لازم يعرف
ناصر : بس خايف
تركي ابتسم : لاتخاف
بهاللحظه دق فيصل ناصر اول ماشاف اسمه ارتبك وعطا الجوال تركي
تركي ابتسم وتنهد بنفس اللحظه : هلا فيصل
فيصل : هلا تركي وين ناصر
تركي : بجنبي
ناصر فتح عيونه بصدمه واخذ الجوال : لبيه
فيصل كان جاي وواضح له ان ناصر جالس برا هو وتركي : اترك اللي بيدك ويلا
ناصر بلع ريقه ورماها بخوف : فيصل هنا ؟!
تركي التفت : اي هذا هو
ناصر رمى الزقاره وراح لسيارة تركي : افتحها
تركي ضحك عليه : العطر بتحصله بالدرج
ناصر ابتسم واخذ العطر ورش نفسه ولوح بيده : يلا انتبه لك الوعد بكرا
تركي : تمام وطمني انت بعد
فتح الباب برتباك وركب
فيصل بجديه : ماله داعي ترش العطر علشان تغطي على نفسك
ناصر : ابشر
كملو طريق للبيت وناصر يرتب الكلام او بالاصح يفكر كيف يفاتح فيصل بالموضوع
دخلو للشقه كان الجو هادي
فيصل وهو يفتح ازرار ثوبه : بروح ابدل بتنام ؟!
*ناصر كان سرحان ويناظر الكرسي *
قرب منه: ناصر بتنام ؟!
ناصر فز وبعد شوي طاح على وراء : اخخ اسف كنت سرحان
فيصل ضحك بخفيف ومد يده : قوم طيب
ناصر : لا مارح انام ابي اكلمك بموضوع اذا عادي
فيصل لعب بشعره: طيب بس ابدل واجي
ناصر : تمام
كل واحد دخل غرفته
فيصل علق ثوبه وطلع له بدله من بدل البيت كانت شورت وفنيله معاه اما ناصر لبس برمودا مع بلوزه بدون اكمام وتعطر بعدها طلع وجلس بالصاله قرر يسوي لهم شي يشربونه ورسى على العصير