اول اهتماماتي (مكتملة)

بارت ١٢

اهليييين كيفكم بصراحه مره التفاعل مضايقني ☹️💔💔💔
وصايرين مو متفاعلين مارح انزل البارتات الجايه الا بعدين بسبب التفاعل القليل اللي صاير على الاقل 😔 لو كومنت صغير يحسسني اني جالسه اكتب واتعب وفيه ناس متفاعلين معاي
..................

بعدها انتبه لناصر مرسل له اللوكيشن مع رساله فتحها
اتمنى تجي بروحك
فيصل التفت لبسام : بسام وين بتروح انت ؟!
بسام : بروح لصلاح والعيال متجمعين اكيد
فيصل بفرح : تمام انتبه لنفسك
طلع بسام وفيصل لبس وطلع حسب اللوكيشن اللي ارسله ناصر وقف قدام العماره منصدم اتصل على بندر
فيصل : بندر ؟!
بندر اللي كان بالمستشفى وخلص مواعيده وجالس يراجع المواعيد الجايه انتبه لاتصال فيصل ورد
بندر : هلا فيصل
فيصل : بندر ناصر وين ساكن
بندر  استغرب كلام فيصل : ب** ليش
فيصل ابتسم : يعني انا بالعنوان الصح 
بندر بصدمه  : انت عند ناصر
فيصل اخذ نفس : اي هو ارسل لي يبي يشوفني
بندر ابتسم براحه : تمام انتبه له ولنفسك
فيصل : ان شاء الله
سكر من بندر وراح لعنوان الشقه اللي قال له ناصر
عند ناصر كان ماسك كوب العصير البارد ويمشي بالشقه بتوتر ليه ارسلت له وش رح استفيد منه حس بالالم براسه وجلس على الكرسي بعد دقايق سمع الجرس وقف
ناصر : من؟!
فيصل : انا فيصل
ناصر فتح الباب وكانت تعابير وجهه بارده : حياك
فيصل حس باحباط ودخل وراء ناصر بعد ماسكر الباب
جلس فيصل
ناصر : وش تحب تشرب ؟!
فيصل : قهوه وسط
ناصر توجه للاله اللي موجوده بالمطبخ واخذ كوب العصير وملاه ثاني مره كل هذا تحت انظار فيصل اللي ملاحظ ان ناصر نحف كثير وشعره قاصه عيونه تحتها اسود بعد ماخلص ناصر يسوي القهوه جلس بجنب فيصل
ناصر بهدوء وبحه : اخبارك يافيصل
فيصل وده يضمه وده يخفف عنه : بخير وانت
ناصر : الحمدلله بخير
فيصل ابتسم : دوم يارب
ناصر سكت فتره : بصراحه انا ارسلت لك اني ابي اشوفك لسبب
فيصل استغرب : شفيك ؟! تعبان فيك شي
ناصر استغرب خوف فيصل عليه : لا مافي شي بس كنت ابي اسالك وش الصله اللي تربطنا ببعض ؟! ومن انت
فيصل ابتسم بالم : انت الشخص اللي تبنيته من ١٠ سنوات
ناصر انصدم :١٠ سنوات ؟! ليه ابوي وامي وين ؟!
فيصل رفع راسه : ماتو وانت ب٣ متوسط
ناصر لعب بشعره  : طيب من صحيت وانا فاقد الذاكره
فيصل عقد حواجبه : من اللي قال لك
ناصر : مو بزر علشان تروح تطلب من الدكتور يخبي علي
فيصل مارد عليه
ناصر بداء يتكلم ويدينه ترجف بدت الدموع تتجمع بعيونه : انت من بالنسبه لي مو اب ولا اتوقع ليه كل ما اتحلم اصحى اصرخ باسمك من طلعت من المستشفى ماتهنيت بالنوم لدرجه *وقف ناصر ودخل لغرفته وجاب كيس وحطها قدام فيصل * لدرجه قمت اكل مهدات ومنوم ونقص للفيتامين
فيصل انصدم وسحب الكيس يشوف كم علاج ٦ ؟
ناصر حس نفسه مو قادر وانهار يبكي : ماعاد نمت ولا عرفت طعم النوم
فيصل قرب منه بشويش علشان مايسوي شي مسكه ووقفه : ناصر انا دايم كنت موجود علشانك وحتى لو فقدت ذاكرتك مره ومرتين وثلاث رح اكون موجود علشانك ومارح اخليك
ناصر سند راسه على فيصل حس بالامان من كلام فيصل مايدري ليه بس فيه صراع داخلي يرفض فيصل ومو قادر يتقبله حط راسه بحضن فيصل وبتعب : بنام شوي صحني اذا جيت تطلع
فيصل ابتسم براحه حس انه اخيرا سوا شي لناصر  حرك شعره
ناصر مسك يد فيصل اللي تلعب بشعره ورفع نفسه بثقل وبنظرات كانت عيونه حمرا وتحتها اسود واضح الارهاق اللي فيه تكلم بثقل: انت من ؟ ليه انت بحياتي ليه انت الوحيد اللي مو قادر اتذكرك
رجع ناصر يبكي فيصل انصدم ان ناصر وصل لها الدرجه من ارهاق نفسه ماعمره سواها قرب منه بيضمه بس ناصر سبقه وطاح بحضن فيصل نايم فيصل ضمه له وخلاه نايم بعد ٣ ساعات دق جوال ناصر وخذاه فيصل
طلال
فيصل بهمس : هلا طلال
طلال ابتسم ان فيصل اللي رد : ناصر وين ؟!
فيصل نزل عينه لناصر : نايم
طلال : اووه اخيرا رضى ينام
فيصل : كنت تبي شي ؟؟
طلال : لا هو مرسل لنا بيتصل نتجمع عنده بس شكل مافيه جمعه مارح يصحى الحين الا متى
فيصل ابتسم : تمام اجل انتبهو لنفسكم
طلال : وانتو بعد
سكر من فيصل والتفت على العيال : نايم وفيصل عنده
تركي براحه : اخيرا نام
وليد : بس ماتوقعت الطلب منه ابي اعرف وش السر بانه ياخذ رقم فيصل وهو كان يكرهه من ٣ اسابيع ومو طايق سيرته
نايف كش بوجهه: اذكر الله حرام عليك كم لهم على هالحال
طلال التفت بجديه على بندر : شصار على جواله ؟!
بندر اللي كان غارق بالتفكير : للحين يتصلح
نروح لبسام
صلاح : طيب وبعدين
بسام بضيق : انامو معذبني الا اني جالس اشوفهم كذا بعيدين من بعض وانا مو قادر اسوي شي
محمد : بسام لاتحاتي الامور بتنحل بس انت لاتحمل نفسك فوق طاقتها
بسام بالم : اتمنى
نرجعع لناصر ولفيصل
ناصر بدا يتحرك وفتح عيونه بثقل انتبه لفيصل اللي جالس قام بسرعه وجلس
ناصر بخوف : انا من متى نايم ؟!
فيصل ابتسم : ١٠ ساعات نايم
ناصر ناظره فتره مو مصدق : تمزح
فيصل : شوف الساعه
ناصر شاف جواله وزادت صدمته له ٣ اسابيع حتى ساعتين ماينامها ماعاد يعرف وش يقول لفيصل : امم مشكور
فيصل وقف وحرك شعره: لاتشكرني هذا اقل واجب اسويه
مشى فيصل بس وقفه حركة ناصر التفت على ناصر اللي مسك يده : لاتروح
فيصل انصدم منه : ناصر تتذكر
ناصر بضيق ودموعه بدت تتجمع وبصوت مبحوح : ما اعرفك ولا اتذكرك بس قربك من عندي امان
فيصل قرب منه وضمه اول مره يضمه من شهر كامل يحس انه ضلوعهم بتتشابك وده لو هو اللي صار له كل ذا ولا صار شي لناصر بعد عنه بشويش
فيصل : ماقدر اجلس وانت مو متذكرني بس ااذا بغيتني اتصل علي بتحصلني بجنبك دايم اي وقت واي ساعه
ناصر ابتسم : انتبه لنفسك
طلع فيصل من عنده على شقه تركي لانه رسل له يجيه ضروري استغرب مايدري وش فيه اول ماوصل استغرب وجود سياره متعب وبسام عرف انه صاير شي راح للشقه وبعد دقتين للجرس
فيصل بقلق : تركي شصاير !!
تركي كانت تعابير وجهه ماتتفسر : ادخل فيصل
فيصل دخل وانتبه لبسام ومتعب وبندر وطلال ونايف ووليد : شفييكم ياعيال خوفتوني ترا بديت اخاف
متعب : اول تعال اجلس هنا وقول لنا وش صار على ناصر هو بخير
فيصل بدا يحكي لهم  : ناصر مو نايم من طلع من المستشفى يقول انه كل يوم تجيه كوابيس ولما يصحى يحصل نفسه يصرخ باسمي كان يسالني انا من وليه كل ماصحى ينادي باسمي وبعدها اغمي عليه ونام وجلست معاه ولما صحى سالني كم نام ؟! قلت له انو نام ١٠ ساعات ابتسم لي وقال انه من زمان مو نايم هالوقت كله ولما جيت اروح مسك يدي وقال لي لاتروح
طلال : وبعدين
فيصل وهو يحكي القصه مايدري مشاعره كيف يوصفها : قلت له مارح اضل معك الا لما تتذكرني
بسام براحه : الحمدلله
فيصل كانه تذكر شي : شفيكم انتو ناديتوني فيكم شي ومتجمعين
بندر ببحه بعدين تعدل صوته : فيصل احنا اخذنا جوال ناصر وبدلناه بجوال يشبهه وحطينا فيه ارقامنا ولما شفناه مو متذكرك قررنا مانحط رقمك علشان مايصير شي وكويس انه طلب رقمك اليوم
فيصل بجديه: نجي للمفيد عارف انو فيه شي غير هذا قولو وش فيكم ؟!
متعب تكلم بثقه وثقل : فيصل جوال ناصر تصلح * فيصل للحين مو فاهم شي كلهم التفتتو لبعض *
نرجع لقبل ٣ ساعات بالضبط
كان بسام بالشقه مع متعب وجاء متعب اتصال من وليد
وليد كان يناظر اللي جالسين حولينه  : متعب اخبارك
متعب استغرب بس كمل كلام : بخير وانت
وليد : بخير الحمدلله بغيت منك خدمه وضروريه مره
متعب بستغراب : قول عسى ماشر ؟!اذا اقدر بسويها لك على طول
وليد : فيه رقم ابيك تطلعه لي
متعب : بس ؟!
وليد : اي بس
متعب : تمام ارسل لي اياه وبحدود النص ساعه بيكون عندك
وليد بطمئنان : مشكورر والله
متعب : ولايهمك
سكر منه والتفت على بندر
وليد : بندر نقلني الرقم
تركي كانت نظراته مشتته : ياعيال متاكدين من اللي تسوونه ؟!
طلال : لازم نسوي كذا يا تركي
نايف عدل جلسته : تركي هذا اللي كان لازم يصير من قبل
تركي : تمام يلا ارسله خلنا نشوف وش اخرتها
عند متعب بعد نص ساعه
متعب عقد حواجبه : بسام
بسام كان يفرفر بالتلفزيون : همم
متعب مد له الجوال : هذا مو اخو سعاد ؟!
بسام بجديه : الا هو
متعب : هذا اللي ارسل لي وليد يسالني عنه
بسام بدا يقلق : طيب ارسل له شوف وش فيه
متعب : تمام
اتصل عليه
متعب : هلا وليد
وليد : هلابك هاه شصار
متعب : عندي معلوماته بس لازم اشوفك
وليد : تعال اجل لشقتنا
متعب : تمام جايين
وليد بخوف : من اللي معك  !
متعب استغرب خوفه : هذا بسام بس
وليد تنهد براحه : تمام يلا بننتظركم
بعد وصول بسام ومتعب
بندر : متعب من الرقم له !!
متعب مستغرب من جديتهم على الرقم : قولو لي اول ايش تبغون فيه ومن وين جبتوه
تركي تنهد بقله حيله : متعب بتقول لنا ولا لا
متعب التفت لبسام اللي اشر له يقول لهم : هذا الرقم لاخو سعاد طليقه فيصل
الكل بانت عليه الصدمه مو مصدقين الكلام اللي ينقال
نايف بتوتر : يامتعب انت متاكد ترا هالسوالف مافيها مجال للغلط
متعب يناظرهم كلهم : قلت لكم مين هو الحين قولو لي ايش اللي وصلكم للرقم
سكتو وبعد صمت
طلال : احنا صلحنا جوال ناصر
متعب بستغراب : ليه جواله مو كان مع بسام
بندر : الا كان مع بسام بس بنفس الوقت لما انشغل بالمستشفى طاح واحنا اخذنا الجوال حصلناه متكسر مدري ليه عدلنا اليوم وفتحنا الرسايل للتهديدات اللي كانت توصل لناصر
بسام شهق بصدمه : لاتقولها
وليد هز راسه بياس : هذي الحقيقه
متعب التفت على بسام : شفييك ؟!
بسام : الرقم اللي يهدد ناصر هو اخو سعاد
متعب وقف مو مصدق : انتو تتكلمون جد ولا تمزحون
بندر مد له الجوال : تقدر تتاكد بنفسك
متعب التفت لبسام اللي اخذ الجوال من بندر وشاف الرقم نفسه ليه وش هدفهم انهم يسوون كذا بفيصل وناصر اكيد سعاد وراء هالشي
بسام : فيصل لازم يدري
نرجع للواقع
فيصل للحين مو فاهم شي : طيب وبعدين ؟!
بسام وقف وبدا يدور بالغرفه يفكر العيال متوترين مايبون يقولون شي
فيصل كان يبتسم ببلاهه علشان ناصر ناداه مو مستوعب اللي بيصير الحين
متعب : فيصل صلحنا جوال ناصر وبحثنا عن الرقم لللي كان يهدده
فيصل بخوف وتوتر  يتمنى ان اللي بباله مو صح : ومن طلع
متعب : ياسر اخو سعاد
فيصل بانت بملامحه علامات الصدمه وبعدم استيعاب : هاه
متعب : ياسر اخو سعاد هو الشخص اللي كان يهدد ناصر
فيصل وقف ماكان مستوعب الكلام : وش تقول انت ياسر مات
متعب التفت لبسام اللي انصدم من كلام فيصل لانه توه جاي من السفر ومايدري وش صاير
فيصل مد يدينه : مات بين يديني لما صار له الحادث بطريقنا للمستشفى مات
بندر بتفكير : اجل زوجتك مافي غيرها
فيصل التفت عليه : هاه
بندر : فيصل زوجتك هي اللي تهدد ناصر
فيصل ببتسامه : لا لا مو هي هي تدري اني احب ناصر
بسام قرب من اخوه ومسك كتفه وهزه بقوه : تدري انك تحبه وتطلقتو بسبب ناصر تتوقع بتتركك بحالك تعيشون مبسوطين فيصل استوعب اللي صاير ياخوي اذا ياسر اخوها مات من اللي رح يهدد ناصر غيرها
فيصل التفت على متعب : انت كنت معي لما مات
متعب بدا يتذكر : قبل طلاقكم ب٣ اسابيع صار حادث واتصلو عليك بالدوام ورحت تركض ولحقتك بسياره الاسعاف كنت تنادي باسم ياسر بس ما كنت عارف اييش الصله بينكم وبعد ماقلت لي من يكون هالشخص بالنسبه لك
فيصل جلس بثقل : يعني انا خسرت ناصر بسبب طليقتي