Akala'y pagbabago ang matatanaw
Isa na muling panibagong araw
Subalit sa hindi inaasahan
Lahat ng iyon ay akala lamang
Sa halip na bulaklak ang matatamo
Tinik ng rosas ang tinusok
Hindi man lantad sa paningin
Tayo'y nasugatan pa rin, nagdurugo
Sinong mag-aakalang ito'y darating?
Isang lasong ngayon lang naririnig
Ngunit, ito lang nga ba ang mikrobiyo?
O baka nama'y mayroong nasa pwesto?
Binalewala lang noong una
Sa pag-aakalang ito'y lalaho
Datapwa't tayo'y nalinlang
Ng mga nasa paligid natin mismo
Tanging magagawa na lamang
Ang manalangin at magtiwala
Magsilbing boses sa mga hindi nakikita
Panatilihing bukas ang mga mata.
