Sa paggising ko tuwing umaga
Ikaw ang hinahanap ng mga mata
Hinahangad na makasama
Ang tanging nagpapalaya
Nang una kitang hinawakan
Ikinintal ko na sa aking isipan
Na hindi kita bibitawan
Hindi rin papakawalan
Ilang araw na ang nakalipas
Hindi pa rin ako makapaniwala
Na ika'y naglaho, walang paalam
Tila isang lobo, nawawala sa kalangitan
Halos kalahati ng sarili ko
Sayo na nabubuhay
Kaya nang hindi ka nagising
Pagkatao ko'y naging matamlay
Ibinahagi ko sayo lahat
Mga hinanakit at mga hinahangad
Higit ka pa sa isang simpleng kaibigan
Dinadamay ako sa buhay kong 'di maunawaan
At sa kasalukuyan, ika'y natutulog
Sa dahilang ikaw din ay napapagod
Nasasawa na rin sa aking mga palad
Pati na rin ang pakikitungo ng lahat
Manatili ka sanang matatag
Sa gitna ng iyong pagpapahinga
Sapagkat inaasam ko nang makasama ka muli
At ipagpatuloy ang nasimulan nating mithi
(ps. para po 'to sa phone kong di ata nakaya ung quarantine dkjgajdhaslkdjl, at sana nga babalik na sya)
