النصيب

بارت(3)

النصيب
⁦☘️⁩evihadil☘️

طيبه:كمت على حيلي مستحيل اروح فصليه وادمر حياتي ومستقبلي الي دعمه هو الي يتحمل مسئولية اني شنو ذنبي اصير خدامه وتروح عليه دراستي وأحلامي
ام مروان:ماخلي بنتي تروح فصليه الي جانت سبب بروحته خلي هي تروح فصليه

جدو:انتن صدك ماعدجن احترام لج هذا اخوج حزام ضهرج هيج تتخلين عنه
طيبه:جدو احنا نعرف الاحترام شنو واني مامتخليه عنه بس خلي يتحمل مسئولية أفعاله وكمت ورحت لغرفتي 
ام مروان : خلي شذى تروح فصليه مستحيل أفرط ببنتي
عمو فرات:شنو هل حجي ام مروان شلون تروح فصلية وهي خطيبته
ام مروان:يي هي تروح هي بسببها ابني طلع بذيج الليله  هي مو زوجته حتى ميصير بعدهم ماكاطعين مهر خلي تروح من يوم الدخلت لهل بيت كلبته كلاب بس مصايب أمها ام الرجولة  شمرتها علينه وولت
ابو مروان:ولج زهرة تلصمين لو هسه اكلب الدنيا عليج واطلگج انتي وبنتج ماعدچن احترام ولا مستحى مو عيب هل حجي هي بشنو ضرتج اشو مسويتها خدامه الا اربيجن من جديد ولي يلىىىىى

شذى:بيبي حضنتني وجدو سكت لان عمو كفى ورزلها مااعرف ليش تكرهني بقيت ابجي بحضن بيبي واجى عمو فرات كعد يمي ولزم ايدي كافي امسحي دموعج وانتي مترحين فصليه ضليت ساكته ومسحت دموعي
عموفرات:يأبه بعد اذنك حاخذ شذى تعيش يمي وانتوا شوفولكم صرفه بسالفه مروان
شذى:لا عمو اني اروح فصليه اهم شي ميكتلون مروان
جدو:لا بنتي احنا منريد نفوت بخطيتج إنشاءالله نلكالنه حل
شذى:جدو اني اعرف مراح يقبلون بغير حل لو يكتلوه لو فصليه وفلوس .. جدو يمكن اول مرة راح تسمع مني هذا الكلام اني مستعده اذب روحي بالنار ولا يتاذة مروان أو يصيرله شي قبل ميصير خطيبي جان الي سند ودائما موجود من اريد شي وميرفضلي طلب من جنت اشتاق لاهلي واحس نفسي وحيده اريد اب ام اخ هو يكون موجود ويحاول يعوضني عن فقدانهم هذا جزء بسيط من الي سواه مروان

جدو:الله يبارك بيج بنيتي ولله انتي ذهب وماكو منج
ابو مروان:يي ولله ذهب طلعتي احسن من أمه واخته الي مستعده اخوها يموت ولا تترك أحلامها
شذى:عمو فرات طلع وشكله زعل لان قبلت اصير فصليه ..بيبي كامت تبجي وتكول سوده عليه ماشفتي يوم حلو وجدو دمعت عينه
شذى:جدو شوكت نروح حتى احضر شغلاتي
جدو:بأجر
شذى:نزلت دمعتي وشوكت يطلع مروان
جدو:وراه منوديج الهم
شذى:تمام عن اذنكم صعدت فوگ حتى احضر شغلاتي طلعت جنطتين وبلشت اخلي ملابسي وابجي
طيبه:انتي ليش هيج تسوين بنفسج لا ترحين ارفضي مراح يجبروج لا تضلين دوومج ضعيفه وماعندج شخصيه ويستغلوج
شذى:لخاطر مروان كلشي اسوي
طيبه:انتي تعرفين يعني شنو فصليه ومتاكده من راح يطلع مروان ورا فترة يزوج ويعيش حياته وانتي تندفنين
شذى:طيبه كافي كاااافي انتي مستوعبه حجم المشكله يكلج يكتتتلوه تعرفين يعني شنو يكتلوه اذا انتي متردين تنقذين اخوج من الموت اني اريد مستعدا اندفن واموت بمكانه اهم شي يكون نفسه موجود بالدنيا من حتحبين من كل قلبج راح تضحين بهواي أمور وبذيج الساعه راح تفهميني  ...طلعت طيبه من الغرفه حضرت غراضي وشفت البدي مال مروان حضنته مااعرف شلون حفارگك ومااسمع صوتك ولا اشوفك ولا اشبع من حنيتك ردت أخذه للبدي بس عفته خليته ويه ملابسي العفتهن بالكنتور  عفت كل هداياه بس بقيت الكلادة الي وعدته للموت ابقى لابستها وماانزعها الكلاده على شكل قلب صغير الكلادة ذهب من يوم الجابها لابستها وأبد منزعتها من انطانياها كلي هاي قلبي ....رحت نمت بغرفه رامي وحضنت مخدته اووفييشش شلون ريحه نمت ومحسيت غير الصبح كعدتني طيبه كعدت وغسلت وبدلت نزلت جنطي جانت الساعه ب ١١ونص سلمت على جهال عمي وعلى عمو اسعد لان مراح يوديني  حيروح يطلع مروان اخو الشيخ ينتضره ب ١٢ حتى يطلعوه ومرت عمي مشفتها سلمت على طيبه وكتلهم وين بيبي شنو متريد تودعني
طيبه:تكول متكدر تشوفج ترحين
شذى:جدو شويه واجي اروح اشوفها
جدو :يي روحي اني هم خلي اشرب جاي
شذى:رحت لغرفه بيبي لكيتها تبجي حضنتها ..ليش تبجي جكليتي
بيبي:مصنت الامانه
شذى:لا بيبي لا تكولين هيج .بعدين ليش مودعتيني
بيبي:مااكدر اشوفج ترحين فصليه ردت اشوفج عروس لمروان
شذى:جريت حسرة اااه يابيبي اهم شي يطلع مروان سالم باوعت على أيدي شفت حلقته بعدها بايدي طلعتها وبجيت فتحت ايد بيبي وخليتها بيدها وكتلها بيبي امانه انطيها لمروان وكليله شذى تحبك وذبت روحها بلنار لخاطرك وكليله خلي يكمل حياته وينساني مسحت دموعي وكتلها بيبي ادعيلي وطلعت رحنا اني وجدو وابن عم بابا وصلوني لبيت الشيخ نفس مساحه بيت جدو بس موديله حديث فتنا كعدنا واني مجلبه بدشداشه جدو ومااريده يعوفني وجدو كله بنيتي امانه عندك صوته جان خشن وبيه بحه وكله لاتخاف اخليها بعيوني طبعا مشفت شكله جنت منزله راسي كام جدو واني هم كمت ويا حضني وكلي انتي بنيتي ومن ريحه المرحوم يمكن اني قاسي بتعاملي وجاف بس رب العالمين يعرف معزتج بقلبي سامحيني بنيتي  وباسني وراح

الشيخ :منار منااار تعالي أخذي البنيه
منار:يي شيخ تعالي حبيبتي اكيد تعبانه
شذى:هزيت راسي ورحت ويه البنيه
منار:اني منار اخت الشيخ الصغيرة تعالي اعرفج على امي والبقيه ووراها اوديج لغرفتج حتى ترتاحين
شذى:تمام
منار:هاي امي وهاي امي الثانيه وهاي سعودة مرت اخوية عصام وهاي مرت حسين هدى
شذى:تعرفت عليهم جانوا كلش حبابين ورحت ويه منار لغرفتي كعدت كتلها عادي اسئلج سؤال
منار:يي اسئلي بس بالبدايه كليلي شنو اسمج
شذى:اسمي شذى .. انتي قبل شويه من عرفتيني ع الكل كلتي هاي هم امي الثانيه شلون عندج امهات اثنين
منار:عاشت الاسامي .. هسه افهمج أبوية الشيخ الله يرحمه جان مزوج اثنين امي المراه الثانيه ازوجها على بت عمه لان عشگها وجانت بت عمه متجيب ولد بس بنات مخلفتله ٣ بنات فلكاها حجه وازوج حبيبه قلبه من اول سنه امي حبلت وجابت الشيخ نمر الي هو زوجج وورا سنه مرت أبوية حبلت وطلع ولد  الي هو اخوية عصام وراها بسنه امي جابت اخويه حسين وبعد حسين اجيت اني
شذى:عزا اني عبالي الشيخ الي حيزوجني شايب ههه
منار:هههه لا ياشايب وداعتج شباب وينكرط كرط
شذى:خجلت من حجيها ... راحت منار اني بقيت نفس كعدتي وضليت افكر هسه اكيد طلع مروان شسوا من عرف اني رحت فصليه شتاقيتله هوايه صارلي ٣ ايام مشايفته احسهن دهر ...كطعت حبل أفكاري منار
منار:كومي شذاوي اجى الشيخ حتى يكطعلكم مهر
شذى: نزلت دموعي يعني راح ازوج غير مروان
منار:لاتبجين قلبي ولله الشيخ ماكو منه وكلبه طيب وحنون وحتى من عرف اخوية مقرر فصليه تخبل عليه لان ميحب هاي السالفه يحسها ضلم للبنيه
شذى:مسحت دموعي ورحت كطعنا مهر وحتى لو جان عندي. امل صغير انو ارجع لمروان راح وراها كعدنا تغدينا واني استحي اكل ممتعلمه عليهم كملنا رحت ساعدهم مقبلوا رحت للغرفه ورا شوية اجى الشيخ نمر راسن كمزت وكفت ودنكت راسي

جابوها دفع للدار لا ديرم ولاحنه ولاصفگه
ولادف النعر بالسلف لاهلهولة ولا ملگة
نشدت الناس عن قصة هالبنية
عجب جاروا عليها بغير حنية
ورديت بگلب حزنان من كالولي فصلية

الشيخ نمر:خلي اعرفكم عليه اني الشيخ نمر اخذت المشيخه من أبوية قبل ميموت ب ٥ اشهر سلمنياها وكلي انت الي تستحقها من اني وصغير وياه بالدواوين ومن صرت شاب هم بقيت وياه وكمت اذا اكو مشكله انطي راي بيها واحلها اني خريج إدارة واقتصاد طويل واسمر بس مو طوخ سماري حلو  شعري اسود سرح رموشي طوال وعيوني لونهن اسود وصاحب عضلات اني المسئول عن كيعانه والأراضي والأملاك كلها اخواني واخواتي الهم الصافي كل شهر يوصلهم مبلغ وبيوم جنت طالع ويه جماعتي خابرتني امي لان خواتي جايات ترخصت من جماعتي ومن دااعبر الشارع مااحس غير اندعمت وماادري شصار بعدين كعدت لكيت نفسي بالمستشفى اجى الدكتور فحصني وكلي انو جنت بغيبوبه والحمدلله صحيت بس رجلي اليمنى مااحس بيها كتله كال شي طبيعي الضربه جايه اكثر شي عليها وويه الوكت والعلاج الطبيعي والأدوية ترجع احسن من قبل وأيدي هم مكسورة اجوي اهلي وخرجوني من المستشفى رجعت للبيت واجى اخويه عصام

يتبع.....