النصيب

بارت(26)

النصيب
🌾evihadil🌾

فرات:انغام كومي بدلي بسرعه
انغام:وين نروح
فرات:شذى بالمستشفى وانتي ابقي يمها مرافقه وياها
انغام:عززا العزاني شبيها
فرات:بالطريق اگلج استعجلي البسي عباتج وامشي وصيحي الجهال هم اوديهم لبيت اهلي
انغام:يي رحت لبست عباتي ع السريع والحجاب وصحت الجهال وصعدنا بالسيارة وصلنا لبيت اهل فرات
فرات:انغام انتي هم انزلي جيبي ملابس لشذى بس استعجلي
انغام:تمام .. يلى ماما انزلوا نزلنا تلگتنا ام مروان
ام مروان:هلا بام محمد شلونج
انغام :الحمدلله وفتت بسرعه لغرفه عمتي .. شلونج عمه
ام اسعد:هلا يمه الحمدلله
انغام :عمه اجيت اخذ ملابس لشذى اليوم حبات يمها
ام اسعد: مشكورة يمه خطيه مالها أحد ابقي يمها وديري بالج عليها
انغام:بعيني عمه .. عمه فدوة بقي الجهال يمج لاتضوج منهم ام مروان
ام اسعد:يي يمه لاتشغلين بالج
انغام:عمه هما مراح يضوجوج كلمن وايباده ميتحركون
ام اسعد: إنشاءالله يمه
انغام:يلى عمه مع السلامه
ام اسعد:الله وياج يمه
انغام:رحت لفرات جان ينتظرني برا .. فرات فهمني شبيها شذى
فرات:ابنها مات وسوولها عمليه وطلعوه
انغام:يااا خطيه الله يساعدها ولا عدها حظ شكد جانت فرحانه بيه
فرات:ممقسوملها يبقى الله يعوضها
انغام: إنشاءالله ولله هل بنيه ماكو مثلها گلبها طيب وفقيرة ومؤدبة الله يسعدها ويعوضها
فرات: إنشاءالله

انغام:وصلنا للمستشفى
فرات:انغام انتي انزلي وصيحيلي مروان خلي يرجع ويايه
انغام:تعال انزل مااعرف بيا غرفه
فرات:بالطابق الثالث غرفه ١٠٧
انغام:تمام ..
فرات:ولا اكلج هسه اخابر مروان اذكرت هو جاي بسيارته
انغام:ليش متنزل
فرات:اني اطمنت عليها وهسه لازم اروح يم الجهال امي خطيه مالها خلگهم يجوز ارجعهم ويايه للبيت لو ابقى يمهم

انغام:ماشي ديربالك عليهم وبالأخص حسوني بليل يخاف
فرات:ماشي يلى محتاجه شي
انغام:لا سلامتك
فرات:يلى مع السلامه
انغام:الله وياك عيوني
انغام:دخلت للمستشفى ورحت لغرفه شذى فتت .. السلام عليكم
مروان:وعليكم السلام
انغام:شلونها
مروان: الحمدلله زينه قبل شوية گعدت ورجعت نامت
انغام:سودة عليه حسبي الله ونعم الوكيل بالي جان السبب وباوعت عليه
مروان: استغربت من عمتي شلون تباوع عليه وتدعي حسيتها قاصدتني
انغام:يلى روح مروان اني ابقى يمها
مروان:لا عمه خاف تحتاجون شي
انغام:منحتاج شي روح انت
مروان:لا عمه مااروح
انغام:راح تضوج من تلگاك يمها وهي مو ناقصه
مروان:عمه شنو هل حجي واني شمسويلها
انغام:مروان لاتغشم نفسك ترا شذى كلتلي كلشي
مروان:عمه لاتضلين تحجين الغاز شنو الي كلتلج عليه
انغام:عن الي سويته وخربت حياتها
مروان:ولله كلشي ممسوي ليش تخبلوني
انغام:نصي صوتك لاتگعد
مروان:عمه هسه تحجيلي كلشي
انغام:متوقعت انت تسوي هيج شلون كدرت تروح ودز صورك وصورها لرجلها ومن دتبوسها ووراها دزيت طيبه تضم موبايل بغرفتها
مروان:مو اني الي سويت هيج
انغام:لا انت دشوف ردة فعلك تعرف بهل حجي لاتفاجئت ولا شي
مروان:الي سوا هل فلم كله نور وطيبه واليوم سمعتهن وحتى نور حاطه حبوب اجهاض لشذى وكتلتهن وحبستهن وبعد حسابهن مخلص
انغام:عززززا مروان الي تحجيه صدك لو شنو شلون گدرن يسوون هيج
مروان:ولا اني مستوعب الي صار وديصير . فركت راسي بايدي عمه راسي حينفجر  علمود هاي شذى جانت تكلي انت الي خربت بيتي وكميه الكره الموجوده بعينها مو طبيعيه
انغام:حقها تكرهك هي عبالها انت الي سويت هيج
مروان:اذا تردون احلفلكم على القرآن اني مسويت اي شي شلون اسوي هيج بحياتي كلها ماائذيتها اجي هسه ائذيها ليش مدتفتهمون هي روحي هي النفس الينزل ويصعد هي اوكسجيني مااگدر اسويلها اي شي
انغام:عبالها سويت هيج حتى من تطلگ تتزوجها
مروان:عمه اني حاط هيج فكرة ببالي وإذا طلگت وعدها ١٠ اطفال هم ازوجها لو نصير شياب هم افكر بيها وازوجها لو يبقى يوم بحياتي بس الي ممخلي ببالي انو اني الي اخرب حياتها حتى اخذها مستحيل اسوي هيج
انغام:سودة عليه شكد تحبها ياعمه ولله مااعرف شحجي بس إنشاءالله تبين الحقيقه
مروان:راح تبين وعن قريب
انغام:وإذا رجلها عرف الصدگ اكيد يرجعها
مروان:اختنگت من حجي عمتي  .. القرار بيد شذى اذا حبت ترجعله الله يوفقها ويسعدها
انغام:مروان هاي الدنيا تاخذ منا اعز انسان .. حسيت عليه من اختنگ والدمعه بعينه
مروان:الحمدلله
انغام:تدري اول مرة اشوف رجال هيج يحب امدا حظي لعد مطلع عمم عليك بس ادير راسي يتغازل حتى بالحايط
مروان:هههههه لا عمه عمي يموت عليج
انغام:يي اضحك شوفنا سنونك يي وشنو الفايدة يحبني وعينه مو اله
مروان:هو يحب يشوف البنات حتى يحمد ربه على العنده

شذى:جنت بين النايمه والگاعده وعطشت كلش .. اريد مي

انغام:رحت يمها شلونج شذاوي الحمدلله على سلامتج حبيبتي

شذى:الله يسلمج عمه .. عمه اريد مي

مروان:هسه اروح اجيبلج مرن ٣ ساعات ..عمه بدليلها وحاولي تگوميها تتمشى شوية

انغام:شلون تگوم راح تتوجع
مروان:خلي تحاول لان الدكتورة گالت
انغام:ماشي روح جيبلها مي
مروان:انتي متردين شي
انغام:جيبلي عصير
مروان:تمام .. رحت للكافتريا اشتريت مي وعصير وكم شغله لعمتي حتى تاكلها من تجوع وبقيت كاعد بالكافتيريا بين متبدللها

انغام:گومي حبيبتي استندي عليه
شذى:عمه مااكدر بطني متخيطه وتوجعني
انغام:حاولي حتى تفوتين للحمام تغسلين تبدلين نذب هدوم العمليه
شذى:تمام .. خطيه عمه ساعدتني وگوة كمت  وفاتت ويايه غسلت وبدلت وطلعت من الحمام تمشيت شوية وصلت لباب الغرفه بس بالگوة امشي ومحدبه ضهري لان بطني تموتني

مروان:صعدت فوق لكيتها بباب الغرفه فتحت بطل المي .. هاج اشربي
شذى:شكرا
مروان:استندي عليه شوية امشي كم خطوة وارجعج
شذى:مااكدر
مروان:حاولي لان الحركه زينه حتى طيبين بسرعه
شذى:تمام . بس خلي عمه انغام تجي تسندني
مروان:شذى لاتعاندين تعالي اني وياج
شذى:ما مااريد وخر  .. من گتله هيج صار اعصاب
مروان:براحتج .. عمه اذا احتاجيتوا شي خابريني اني حنزل اكعد بالاستعلامات
انغام:يعني تبقى بالاستعلامات مترجع للبيت
مروان:لا ماارجع
انغام:ابقى أهنأ
مروان:ماابقى بمكان ممرغوب بيه  .. درت وجهي ونزلت بقيت كاعد بالاستعلامات

انغام:جيبي ايدج
شذى:عمه رجعيني للسرير مابيه حيل اريد انام
انغام :ماشي .. وصلتها وتمددت .. شذى
شذى:ها عمه
انغام:مروان ماله دخل بالي صارلج
شذى:عمه لاتفتحين هل موضوع كافي قهري وفقدان ابني
انغام:تمام تمام بس لاتضوجين نامي وارتاحي

مروان:بقيت للصبح بالاستعلامات وكل شوية اغفى وافز واروح ع الممرضه وأتابع شذى شوكت انطتها المسكنات والمغذي

رهام:شيخ شبيك
نمر:مابيه شي
رهام:ضايج لان شذى مويمك
نمر:صرت اعصاب وانتي شدخلج
رهام:مو مو قصدي بس اذا تروح ضوجتك وحزنك رجعها
نمر:لاتدخلين بأمور متخصج
رهام:حاضر .. عادي بأجر اروح لبيت اهلي
نمر:يي روحي
رهام:انت توديني
نمر:يي .  يلى نامي
رهام:تصبح على خير
نمر:وانتي من اهل الخير

الوجع
ان احبك بقلبي
واكرهك علنآ ،،

هلووو حبايب اعتذر لان تاخرت بالنشر بس النت يمي كلش ضعيف  وانشاء الله بهل يومين راح تخلص القصه اتمنى تنال اعجابكم وشكرا ع التفاعل الحلو مثلكم⁦♥️⁩⁦♥️⁩⁦♥️⁩😘