النصيب

بارت(12)

النصيب
⁦♥️⁩evihadil♥️

تكون لي قلب⁦♥️⁩
اكون لك دقاته----

مروان:بهل كم شهر عدلت معاملتي لنور صح مااملك اي مشاعر بقلبي الها بس لازم احترمها والبيلها طلباتها نطلع ونطب ونسولف عادي وبيوم كعدت الصبح رحت على بيبيتي دائما من اكعد راسن اروح أصبح عليها بس من رحت عليها جانت نايمه بالفراش ومالها خلك اخذتها للمستشفى طلع مشكل عدها سكر ومرتفع ولازم تتبهرز وتضرب ابر انسولين رجعتها للبيت واجوي أبويه وعمي فرات بوسوها والكل كعد يمها علمت طيبه ونور على اكلها والابر اني اضربلهياه ورحت بدلت ورحت للصيدلة
فرات:تمددت بحضن امي
ام اسعد:يمه هم مخابرتك شذى
فرات:يي خطيه قبل يومين خابرت وسئلت عليج
ام اسعد:بجيت مشتاقتلها
فرات:مسحت دموعها وگتلها اجيبلجياها بأجر من الصبح تلكيها يمج
ام اسعد:عفيه بوليدي ولله قلبي طاك على شوفتها صار اشهر مشايفتها
فرات: إنشاءالله يمه انتي بس ديري بالج على نفسج ولاتنقهرين

،،،،،،،،،،،،،،،

شذى:كعدت على شي يمشي على وجهي عرفته نمر
صباح الخير
نمر:صباح العافيه ياعافيتي .. يلى كومي محضرلج مفاجأة
شذى:شنو هيه
نمر:متصير مفاجأة اذا كلتلج عليها يلى بسرعه كومي راح نتأخر
شذى:كمت بدلت وخليت مكياج ولفيت شالي وطلعنه اني ونمر صبحنا عليهم وخالتي بس تبتسم وتكله الله يوفقك وليدي واجى حسين ويانه صعدنا بالسيارة واني اباوع ع الشوارع
نمر:يلى شذاوي وصلنه
شذى:نزلت باوعت احنا بالمحكمة كتله نمر شنسوي بالمحكمه
نمر:حتى صيرين مرتي رسمي وتتحولين من فصلية الشيخ نمر إلى زوجه الشيخ نمر
شذى:من الفرحه معرفت شكول دخلنه وللمحكمه ورا مده فتنا للقاضي وصرت زوجه نمر طلعنا حسين عافنه وراح بقينا بس اني ونمر
نمر:اليوم اعيشج احلى ليله
شذى:انت سويت حياتي كلها حلوة
نمر:رحنا تغدينا وراها اخذتها للفندق
شذى:ليش اجينا أهنأ
نمر:بعدين تعرفين
شذى:طلع حاجز كلشي ومرتبله صعدنا للغرفه متروسة ورد .كتله احلى مفاجأة وحضنته
نمر:اهم شي عندي اشوفج فرحانه اليوم حنبقى اهنا
شذى:شلون واني ماجايبه ملابس
نمر: هاج هاي جنطتج بيها ملابس
شذى:فتت بدلت ونمت بحضنه
نمر:صرتي مرتي رسمي وهسه كلها راح تنلصم وميفتحون حلگهم بحجايه البارحه مرزلتهن ولا حجيت عليهن لان عيب من نسابتي بس اليوم خرستهن وخرست شكو واحد يجيب سيرتج
شذى :الله يخليك الي .. ضل يتغزل بيه
ودك موبايله كام جاوب طلع حسين راح بعيد عني حتى مااسمع بس سمعت الي كاله
نمر:ها حسين يي كلتلهم خلي يرگع رأسه بالحايط ماشي عود بعدين من ارجع
شذى:مفتهمت شنو السالفه بس جان ضايج ومن شافني ابتسم بقوا كل شوية يخابرون اخر شي قفل الموبايل وعشت احلى ليلى ويه نمر ثاني يوم رجعنا للبيت باركولنا بس مشفت لا سعاد ولا عصام رحت بدلت وطلعت اعاونهم مر اسبوع مااعرف شنو السالفه ومنار متقبل تكلي شي ونمر أحسه تعبان كلش بس ميبينلي
شذى:نمر رجع كانت عنده كعده وكلش تعبان  راح للغرفه لحگته اريد اعرف شصاير ... نمر كلي شبيك ليش ضايج أحسك ممرتاح
نمر:ماكو شي لاتشغلين بالج
شذى:اذا تعزني كلي شبيك اني مو مرتك ونصك الثاني احجيلي
نمر:يريدون يسحبون مني المشيخه
شذى:ياليش
نمر:لان ازوجتج  لان عدهم ميصير الفصليه يصير عدها حقوق وتصير مثل العالم وكل البنات
شذى:وهسه شراح تسوي يعني الگعده مال اليوم جانت علمودك
نمر:يي يريدون ينطوها لعصام واني اعرفه مو كدها ولله انطيهياه اذا اعرفه يحكم عدل أو يحجي ضميره اذا انطيتهياه راح يهجم هواي بيوت وخيروني لو اعوف المشيخه لو ازوج عليج
شذى:ش ش شلون
نمر:لاتخافين مستحيل أخذ عليج مرة مااكدر اظلم بت العالم ويايه لان مراح اتقبلها
شذى:انقهرت عليه وشلون حاير وعصام طلع من البيت وأخذ مرته وجهاله زعل لان نمر ازوجني بالمحكمه مر اسبوع وهو التعب بأن عليه وبيوم صاحتني خالتي
شذى:رحت لغرفتها .. هايمه صحتيني
ام نمر:يي حبيبه تعالي ار يد احجي وياج
شذى:كولي يمه
ام نمر:اريدج تقبلين نمر يزوج عليج يمه وليدي تعبان وحاير عصام حاقد على نمر من جانوا صغار ولأن نمر ازوج الي جان يحبها عصام تخبل أكثر على نمر ووكفله عظمه بالزردوم  بس نمر مجان يعرف ومحد بينه نعرف بهل سالفه ولو يعرف ميزوجها يايمه اقبلي اذا خسر المشيخه عصام راح ياخذ قررارات دمر العالم مثل مجابج فصليه راح يسوي ببنات العالم هيج يمه عصام قاسي القلب وراح يطرد العمال الي يشتغلون بالگاع
شذى:بجيت كتلها ولله مااكدر يجيب عليه مرة
ام نمر:اذا تردين راحه نمر اقبلي
شذى : إنشاءالله خاله ... رحت للغرفة بجيت كمت غسلت وفكرت بحجيها حجيها كله صح ومن اجى حجيت وياه وقنعته وقبل طلع عمه هاديه بنته بسبوع خلصوا كلشي نمر لاراح شافها ولا شي حتى للحنه مراح حناها اني جنت مقهورة بس مبينتله الي بيه كافيه حضروله غرفه فوك وجهزوها كلها حسين اخو جهزها هو حتى مشافها وبيوم عرسه اجى ساعه ١٠
نمر:شذاوي كومي اوديج لبيت جدج بيبيتج تريد تشوفج عمج فرات خابرني نص ساعه ويجي ياخذج
شذى:انت مراح توديني
نمر:لابوية اني عندي شغل
شذى:تمام رحت حظنته كتله خليك يمي بالغرفه بين مااروح
نمر:تدللين أخذي وياج ملابس لان حتبقين يومين اهناك
شذى:حاضر حضرت شغلاتي انداريت عليه لكيته صافن عليه ......كتله حلوة مو
نمر:مو بس حلوة تخبلين
شذى:كعدت بحضنه وحظنته وهو هم وكتله راح اشتاقلك
نمر:ولله واني هم من هسه اشتاقيتلج
شذى:بقيت على نفس الكعده لحد ماخابر عمو فرات عليه كمت ودمعت عيني
نمر:شبيج بوية هنا يومين ويمكن يوم واجي اخذج مااتحمل فراقج 
شذى:بسته وطلعنا سلمت على أهله وهو سلم على عمو فرات وودعته وصعدت سلمت على عمي ووصلنا لبيت جدي لو بيدي ماادخله بعد الموقف الصار ويه طيبه فتت للبيت الوجوه انكلبت وجانت ندى موجودة عرفت هي زوجه مروان كلت السلام عليكم محد جاوب عفتهن ورحت لغرفه بيبي شهگت من شافتني بقيت بحضنها واسولفلها وتسولفلي لحد مندكت الباب طيبه جايبه صينيه الاكل مال بيبي اكلت بيبي واكلت وياها شويه ونامت بيبي وخلتني بحضنها شلون الطفل واني هم نمت

،،،،،،،،،،،،،،
ندى:ولج طيبه هاي شجابها
طيبه:مااعرف
ندى:فدوة طيبه خلي نسوي شي ولج هاي راح تضل تجي وتروح ومروان يشوفها
طيبه:وإذا يشوفها هو هسه زوجج مو زوجها شبيج
ندى:طيبه اخوج بعده يحبها
طيبه:يمعودة نساها من زمان
ندى:ولله يحبها لج البارحه من جان نايم صاح باسمها
طيبه:عززززا ولج شلون انتي مو تكولين زين ويايه ميجيب طاريها
ندى:يي هو ميجيب طاريها يمي ويعاملني زين بس بحياته مكلي احبج لو مشتاقلج .. ولج شسوي هسه ومبينا راح تبقى فترة مشفتي شايلة جنطه وياها
طيبه:اوكفي خلي افكر بشغله
ندى:فكري بسرعه
طيبه:اصبري
ندى:لكيتها انتي عندج صورها هي ومروان
طيبه:يي عندي بلابتوب
ندى:باعي اندزها لرجلها ونكلها علساس هاي الصور هسه
طيبه:انتي خبله غير تبين اذا قبل وإذا هسه
ندى:لعد ناخذلها صور هسه حتى لو مروان بس واكف وياها وندزها من راح ندزها اكيد بعد ميخليها تجي ندزله حجي نتهمها بيه
طيبه:وإذا طلكها
ندى:ميكدر لان هي فصليه تبقى يمهم مدة الحياه
طيبه:ولله مااعرف دمشي خلي نخلص الغدا
ندى:زين شلون ندز لرجلها صور
طيبه:هاي سهله ناخذ رقمه من موبايلها
ندى:وشلون
طيبه:هاي خليها عليه
ندى:اسمعي ورا الغدا نصعد فوق اريد اشوف الصور مالتها ومال مروان بلكي تفيدنا بشي
طيبه:ماشي ....

يتبع....

هلاووو
برأيكم خطه طيبه وندى راح تنجح

اذا تحبون انزللكم بارتين مو بارت اكتبولي بالتعليقات