النصيب

بارت(11)

النصيب
⁦☘️⁩evihadil☘️

هواى..
واشتياق..
وروح تراق..
وقلب تمزق بعد فراق....

مروان :كعدت الصبح باوعت على نور خطيه شنو ذنبها ورطتها ويايه وظلمتها  ححاول اصير زين وياها من دباوع عليها فتحت عينها .. ابتسمتلها وكتلها صباح الخير
نور:صباح النور
مروان:يلى كومي خلي نبدل ونروح نتريك
نور:اوك
مروان:وين تحبين نروح شهر عسل
نور:مممم ماادري بكيفك
مروان:تحبين نروح لاربيل
نور:يي نروح بس شوكت
مروان:بأجر نروح اليوم نرجع للبيت وباجر من الصبح نطلع يلى كومي خلي نبدل
نور:يي
مروان:بدلنا وخابرت امي ووراها خابرت امها ولمينا شغلاتنا وطلعنا من الفندق مرحت للبيت راسن رحت لمطعم كعدنا تريكنا ووراها رحنا للبيت  باركولنا وامي بس تهلهل وفرحانه ومن جنت خاطب شذى ربع هلهوله مطلعت منها مشى يومنا عادي ونور حضرت جنطنا لسفرة اربيل

،،،،،،،،،،
شذى:نايمه واحس شي يتحرك فوق خشمي وقصتي وخرته وهم بعده خفت عبالي صرصر راسن عطت وكمت

نمر:شذاوي شبيج ليش عطتي
شذى:يمكن جان صرصر يمشي على وجهي
نمر:هههههههه هاي اني دمشي شعرج على وجهج
شذى:هههههه عزا روحي راحت
نمر:تعالي اريد احجي وياج
شذى:رحت يمه كعدت ع القريولة
نمر:بعد تعاي تقربي
شذى:تقربت اشو هذا لزمني ومددني بحضنه وبقى يبوس ..وخرته كتله شنو الي تريد تحجيه
نمر:شغلات متنحجي لازم فعل
شذى:يعني شلون
نمر:بستها من شفتها عسل مو شفه يعني هيج
شذى:خدودي صارن حمر 
نمر:اموت ع هل الخدود الحمر وبستهن
شذى:يا النوبه زاد كتله يلى شيخ راح اروح احضرلك الريوك بس اريد انهزم منه
نمر:ماريد ابقي يمي
شذى:لا خطيه البنات وحدهن لازم اساعدهن كمت من يمه فتت للحمام سبحت وبدلت حضرتله ملابسه والحمام وطلعت صبحت عليهم
ام نمر:هلا يمه كللللللللليشش
شذى:ضلن يهلهلن استحيت همزين عصام وحسين مموجودين حضرت ريوگ لنمر واجى صدك طالع عريس وعمتي باركتله وام عصام هم وهو يضحك ويغمزلي كعد تريك
نمر:شذاوي تعالي اكلي ويايه
شذى:يي اجيت كعدت دااكل كملنا اخذت المواعين خليتهن ع السنك اجى حضني اني كمزت كتله لايشوفنا أحد
نمر:خلي يشوفونا قابل بايگ بستها يلى حبيبتي راح اروح ديري بالج على نفسج
شذى:الله وياك انت هم ديربالك على نفسك راح نمر راسن  اجني هدى ومنار
هدى:ها ولج شصار
منار:يي يي احجيلنا
شذى:صار كل خير
هدى:هههه نعرف كل خير بس احجي تفاصيل
شذى:لو على گص ركبتي مااحجي هاي اسرار بيني وبين شيخي
منار:يا صارت اسرار وشيخي وانتي البارحه دگين وتلطمين
شذى:خزرتها راسن سكتت
هدى:بنات اني حروح لبيت اهلي
منار:ليش مو قبل كم يوم جنتي يمهم
هدى:امي مريضه لازم اروح اعاونها والعصر اوديها للدكتور ويمكن ابات يمهم
شذى:يا خطيه مابيها غير العافيه
منار:سلامتها حبي متشوف شر
هدى:تسلمون حبيباتي
شذى:راحت هدى اجى عليها اخوها وسعودة خاتله بغرفتها وجهالها يمنا دنحضر الغدا .. اكلج منار منو هذا الي رفعتي ايدج بالمحل وتتمنيه
منار:انتي كلتيها واحد
شذى:انجبي واحجي يلى
منار:هذا الواحد عبارة عن كتله من الجمال واللطافه والحنان والرقي ول ول ول كلشي
شذى: هههههه يي ومنو هو
منار:ابن خالتي
شذى:يي شمخلص شيشتغل
منار:دكتور مال اطفال
شذى:حلو وهو يعرف بيج متيمه بيه
منار:يي يعرف
شذى:ولج فهميني عاد
منار:باعي هو كل فترة يجي يمنا ويجيب خالتي وياه نكعد عادي كلنا واني استرق النظر بدون محد ينتبه عليه قبل زواجج بنمر بسبوع خابرتني اخته جاوبتها طلع هو مو أخته وحجى ويايه وكلي اني رايدج واحبج ومن هل سوالف الي تفرح القلب واني هم اعترفتله
شذى:يي وشوكت تزوجون
منار:بعد مو هسه لان ديبني بيته بس يخلص يجي يتقدملي
شذى: إنشاءالله يارب
منار:اش اسكتي اجت امي
شذى:يي .. اكلج منار تابعتي مسلسله حريم ابوي
منار:ههههههه شلون لفتيها كتلج اسكتي مو غيري الموضوع
شذى:انجبي مو صوجج
..مشت الايام وصار تقريبا ثلاث اشهر ونمر كلش زين ويايه واني هم بلشت أخذ عليه ونمر جان عكس الي كالته منار مافديوم صار عصبي عليه مرات يجي معصب من أخوه لان عصام مشاكله هوايه ودائما واكف لنمر مثل العظمه بالزردوم  بس من يفوت للغرفه كل عصبيته تروح ويكلي انتي راحتي من اشوفج كل اعصابي تروح .. بهل ٣ اشهر كل مااحلل للحمل يطلع سلبي وانقهر لأن احب الجهال واعرف بنمر هم يحبهم ويتمنى يصير عنده طفل وعمتي كل شهر تسائلني تريد طفل يشيل اسم ابنها حسيت بعجز ونفسيتي تعبت نمر صح ميبن بس اعرفه يريد طفل وبيوم اجني خواته يمنا ع الغدا جنت بالمطبخ داغسل المواعين اني ومنار واثنين من خواته كعدن ع الميز بالمطبخ ويحجن عليه اني لزمت منار وكتبها ابد لاتدخلين خليهن يفرغن الي بداخلهن لايسولج مصيبه اسمعهن وحده تكول الثانيه ليش ميزوج عليها هي خلگ فصليه اشو حتى عاگر متخلف ليش مجلب بيها وحتى لو تجيبله طفل ماله اي حقوق وحيكون ابن فصليه وبقن يحجن ومنار واكفه على اعصابها اني من سمعتهن يكولون عاگر وابن فصليه وماله اي حقوق انقهرت راسن نزلن دموعي غسلت ايدي ومسحت دموعي ورحت الغرفه سديت الباب وبقيت ابجي حجيهن صحاني. منار فاتت
منار:انتي ليش مترديهن خلك صخول تخليهن يحجن عليج
شذى:يعني شترديني اكول أو احجي  وحجيهن كله صح اني فصليت الشيخ مو مرت الشيخ
منار:شنو هل حجي شذى من يوم الفتي لها بيت واحنا محسسناج انتي فصليه انتي مرته لنمر
شذى:صح محسستوني بس العالم مترحم كل ميجون يسمعوني فصليه وفصليه ادري الفصليه قابل وحده موزينه لو عاهرة لو شنو مدفتهم ليش لازم اكو شي ينغص حياتي وميخليني افرح
منار:كافي حبيبتي لاتسوين بنفسج هيج
شذى:منار شسوي بس كله صوج امي الي شمرتني بيت جدي وراحت ازوجت ونست بتها لو باقيه وياها يمكن جان خلصت دراستي جان مرحت فصليه .. انتوا والنعم منكم ونمر ماكو مثله بهل دنيا كلها بس العالم مدترحمني ومتعوفني وفوكاها مدااحمل دكيت على وجهي وابجي شسوووي بس كليلي شسوي
منار:لا تلطمين لزمت أيدها وحضنتها شذى عليج الله لاتسوين بنفسج هيج اتمددي ارتاحي هسه اجيج
شذى:تمددت وبقت بس دموعي تنزل

منار:احمد روح صيح نمر كله منار تريدك بسرعه (احمد ابن عصام)
احمد:يي عمه هسه اصيحه
منار:وثول جم مرة اكلك لاتصيحلي عمه كلي منار قابل هازة كاروكك  ... يلى روحي بسرعه

نمر:اجاني احمد عرفت صاير شي .... ها منار شصاير
منار:تعال للحديقه افهمك ماريد أحد يسمعني
نمر:امشي بس بسرعه عيب من نسابتنا اعوفهم ومااكعد يمهم
منار:رحنا للحديقه .. نمر هذني خواتك
نمر:شبيهن
نمر:بس يسمعن شذى حجي واليوم دنغسل المواعين وكعدن يكولن  ليش ميزوج عليها هي خلگ فصليه اشو حتى عاگر متخلف ليش مجلب بيها وحتى لو تجيبله طفل ماله اي حقوق وحيكون ابن فصليه وشذى هسه بالغرفه وبس تبجي

نمر:راسن رحت للغرفه متمددة وسادة عيونها من شافتني دارت وجهه ومسحت دموعها وكلتلي محتاج شي تخبلت من شفت وجهه صاير احمر وعيونها حمر رحت كعدت يمها شصاير
شذى:مصاير شي
نمر:شذى كولي الصدك مااحب تضمين عليه شي
شذى:ماكو شي بس شوية راسي يوجعني
نمر:بس اني اعرف شصاير
شذى:بچيت وحضنته
نمر:كافي حبيبتي ماريد أي دمعه تنزل اني اخذلج حقج ومعاش الي يذلج
شذى:لاتسوي شي هذني خواتك لاتتخارب وياهن علمودي
نمر:اتخارب ويه الدنيا كلها إذا تعرضتلج
شذى:نمر فدوة لاتسوي شي
نمر:مراح اسوي شي بس ماريدج تضمين عليه اي شي حتى لو جانت امي الي ماذيتج حتى اعرف اصرف
شذى:حضنته الله يخليك الي
نمر:ليش هيج مسوية بخدودج مخرمشتهن
شذى:فقدت نمر اني وحده ضعيفه من صغيرة اي طفل جان يجينا يكتلني ويأخذ لعابتي ومجنت اشتكي بس ابجي ومن كبرت نفس طبعي ومن بابا مات وماما عافتني وراحت ضعفي زاد وجانت مرت عمي مسيطرة عليه مااكدر احجي أو اعترض ابقى بس ابجي مااعرف اخذ حقي  يمكن هاي اول مرة احجيلك على اهلي
نمر:اني اعرف قصتج كلها وشصار وياج منا ورايح اني قوتج واني سندج
شذى:اعرف انت سندي وقوتي من يوم الي اجيت بيه انت واكف ويايه .... نمر
نمر:عيونه
شذى:راح تزوج عليه
نمر:مستحيل يصير هل شي أشرت على قلبي انتي امتلكتي لهذا
نمر:لزمت وجهه بايدي وبستها شذى احبج
شذى:اول مرة اتفاعل ويه نمر اني هم بسته بس مكدرت اكله احبك اكو شي يمنعني
نمر:بشرفج هاي بوسة
شذى:شبيها
نمر:موخوش بوسة قليله تعالي اعلمج شلون وبستها من شفايفها وهي هم بادرتني انكطع نفسها وخرت كتبها هاي صدك بوسة يلى بويه انتي نامي وارتاحي ولاتطلعين اليوم من الغرفه ارتاحي والي ترديه يجي ليمج اني حروح اكعد يمهم مترهم اعوفهم
شذى:يي تمام روح .. راح نمر واني راسن نمت كعدت العصر على بوسات نمر وخلص اليوم عادي ......

يتبع.....

هلاااااو  طبعا اكو مفاجأة بالبارت الجاي اريدكم تتوقعون شنو المفاجأة اكتبوا بالتعليقات ..