النصيب

بارت (4)

النصيب
🌛 evihadil🌜

هلاووو شلونكم

وعندما تدمن شخصآ.....
ستتعب كثيرا أن غاب عنك لحظة.....

عصام:اكلك نمر اليوم يجيبون الفصليه والفلوس
نمر:اوكف اوكف يا فصليه يافلوس
عصام:مو كعدنا كعده عشائريه وطلبنه دمه بس واحد من الكاعدين اقترح حل يوگف الدم ناخد فصليه وفلوس
نمر:بعصبيه لك شدتحجي تخبلت تدري بيه مااحب سالفه الفصليه لك اني بكل كعده بيها فصليه مااقبل هذا ظلم شذنب بت الناس تجي فصليه
عصام:ياخوية اعصابك انت اليوم طلعت بعد صارت
ام نمر:يمه وليدي فدوة اروحلك على كيفك لايصير بيك شي
نمر:يممه شلون تقبلون بهل سالفه تدرون بيه مااقبل ميصير حرررام علينه نشيل خطيتها وبعدين هياتني مثل القرد بس شوية كسور رحتوا تسوون فصل ليش
عصام: يا كسور ورجلك متاذيه متكدر دوس عليها انت شيخ عشيرة لازم ناخذ حقك مو نسكت
نمر:لا حول ولا قوه الا بالله طلعون الواحد من طوره أولي انام احسلي ...رحت امشي ع العكازه  فتت الغرفه تمددت شنو ذنب هل مسكينه تجي فصليه بس مااكدر ارفض مااريد أصغر اخوية بين الزلم مااعرف شلون نمت

منار:شيخنا . نمر . نمر  اكعد راح تجي البنيه
نمر:يابنيه
منار: مرتك
نمر:يامرة
منار:يبوو افتهم عليه الفصليه
نمر:هااا يي حضريلي ملابس وغيرلي الچرچف صارت بيهن ريحه مستشفى اروح اسبح
منار:تدلل شيخنا الوردة
نمر:رحت سبحت طلعت لبست ملابسي ورحت اجتي البنيه ورجال جبير الي عرفته جدها وسلمها وراح اني مو من طبعي اياوع بس گصيتها گص جسمها يخبل ومنزله رأسها وبقت بمكانها متحركت صحت منار اخذتها وراحت وراها صبوا الاكل رحنا أكلنا شفتها مااكلت اكيد مستحيه

عصام:شيخنا اليوم العصر راح يجون الزلم يتحمدولك بالسلامه
نمر:هلا بيهم
عصام:راح نذبح ذبايح ونجيب طباخ للعشا كلها راح تجي الكرايب والبعيد
نمر: إنشاءالله ... كمت غسلت ورحت للديوان كعدت ورا نص ساعه رحت للغرفه هي من شافتني كمزت ووكفت
نمر:بيج شي
شذى: لللا مابيه شي
نمر:أخذي راحتج الغرفه غرفتج
شذى:تسلم .. مااعرف شلون اجاوب استحيت منه ومرفعت راسي

نمر:رحت تمددت وخليت عكازتي قريبه مني وصحتها ..تعالي اكعدي اريد احجي وياج
شذى:حاضر ..كعدت على حافه القريولة
نمر:راح توكعين
شذى:لا مرتاحه
نمر:اكعدي عدل
شذى:حاضر ..
نمر:اول شي كليلي شنو اسمج
شذى:اسمي شذى
نمر:عاشت الاسامي . اني اسمي نمر
شذى:عاشت الاسامي شيخ
نمر:هسه اسمعيني زين اني مقابل على شغله الفصليه أحسها ظلم للبنيه وبكل كعده اني امنع هل شغله بس للاسف اخوية هو الي جان حاضر بالكعده ومقترحيله وطالب فصليه ومااكدر أصغر باخوية كدام الوادم والعشيرة راح تكعدين يمنا معززة مكرمه حالج حال منار وعادي استخدمي الموبايل اذا عندج
شذى:شكرا شيخ
نمر:عفوا .. وهسه اذا متصير زحمه طفي الضوا اريد اريح شوية
شذى:حاضر .. كمت طفيت الضوا وكعدت على قنفه محطوطه بالغرفه بقيت كاعده عليها مااعرف شكد شفته نام رحت طلعت موبايلي من الجنطه جنت حاطته صامت لكيت ٧٥ مكالمه فائته من مروان ودازلي رسايل هم راسن فتت للحمام كان بالغرفه وقفلت الباب وكعدت اقرا الرسايل الدازهن كمت ابجي واقرا رسايله وحده من رسايله شلعت قلبي كاتب ليش شذى هيج تعوفيني انتي مو كلتي مااعوفك للموت ليش رحتي لو مخليتهم يكتلوني ولا اشوفج باسم غيري وبحضنه اذيتيني انت منقذتيني انتي موتيني ..بقيت ابجي احتريت نزعت الحجاب غسلت وجهي ونقلت كل صوره وصورنا بإلرام وطلعته للرام أضمه مكدرت امسح صوره بس مسحت الرسائل ودزيتله رسالة كتله .. السويته كله لخاطرك ولخاطر لاتموت المهم عندي نفسك بالدنيا ولا ادفنك جوا التراب .. ورجأآ بعد لا تتصل ودز اني على ذمه رررررجال وانطيته حظر توضيت و طلعت من الحمام الشيخ بعده نايم ماندل وين المصلايه حطيت شال من شالاتي وصليت شوية ارتاحيت بس مو سهله انسى حب حياتي بس ارتاحيت لان طلع ومنكتل باوعت للساعه جانت بل 5 العصر اندكت الباب فتحتها
منار:هلو شذاوي امي تكول تحضري لان عماتي راح يجون وخواتي والعائله الكريمه كلها حتجي .وكعدي الشيخ بدربج
شذى:حبابه انتي كعديه
منار:لا يأبه لا انتي كعديه عندي كومه شغل من تخلصين تعالي بالمطابخ تلكيني يم سنك المواعين جني فزاعه خضره
شذى:هههههه .... رحت كعدت الشيخ بعد تفكير دام ١٠ دقايق كعد واني رحت طلعت كلبيه بيضه وبيها شغل ذهبي مخصرة ولفيت حجابي وتمكيجت بس خفيف وطلعت رحت للمطبخ
ام نمر:اللهم صل وسلم على سيدنا محمد شطالعه گمر
شذى:ابتسمتلهاتسلمين خاله
ام نمر:يمه لاتكليلي خاله منا ورايح كليلي يمه اني بحسبت امج
شذى: إنشاءالله .. فرحت من كلتلي كوليلي يمه ..بس اباوع على مرت عصام معاجبها الوضع عاوجه حلگها
......يمه خلي اساعدكم
ام نمر:ابد ولاتمدين ايدج انتي اليوم عروس
شذى:يمه خلي شوية اساعدهن مااكدر بدون شغل
ام نمر:ماشي حبيبه بس شوية
شذى:تمام رحت يم منار هي تجلف واني اغسل المواعين
منار:هاي شطالعه كيكه ولله هنياله لشيخنا على هل مرة 😉
شذى: ابتسمتلها ولله ماكو غيرج الكيكه
منار:ههههه يي كيكه محروكه
شذى:هههه لا ولله تخبلين
منار:بعد ارفعي معنوياتي.... اهووووو اجني  العگارب
شذى:منو
منار:عماتي الخمسه وخواتي ال٣........ هلا بعماتي حبيباتي مشتاقتلجن
عمتها :منورة قلبي تعالي خلي نبوسج
منار:لا بدون بوس اذا ابوسجن كلجن يمكن لعگبه يلى نخلص
عمتها الثانيه :نزول على هل لسان محد يكدرلج
منار:طالعه عليجن قليباتي
شذى:نصدمت من حجت هيج ويا عماتها هههههه ام وجهين
ام نمر:هلا بالحبيبات تو مانور البيت
العمات:منور بوجودكم حبيبه
شذى:ضلوا يتابوسن ويسلمن واني صافنه عليهن ماشاءالله هوايه جايات هنا وبناتهن وحموياتي وجهالهن ... حسيت بغربه ووحده مااعرفهن ولامنتبهات لوجودي ووحده من عماتهم حجت حجايه مثل السم
عمتهم:لعد الفلصيه وينها
مرت عصام سعودة:كبالج عمه الي لابسه ابيض
عمتهم ام سراب:يا يمكن عبالها عروس ومتزينه ولابسه ابيض ههههه
البقيه:هههههه يي شنو هاي متعرف شنو يعني فصليه
ام عصام:عيب هل حجي ولله لو يسمعكم الشيخ يگلب الدنيا فوگ راسكم
ام نمر:حبيبات هي مرت الشيخ مو فصليه لو يسمع الشيخ تعرفت شيسوي
شذى:انهضمت من حجيهن ودمعت بالقوة لزمت نفسي ومابجيت بقن يضحكن بس ام نمر وام عصام سكتوهن بس بقن من يشوفني يذبن حجي حتى بناتهن وحمواتي منار نتبهت عليه
منار:ديري بالج تبجين لو تضوجين ترا هذني عگارب ومو بس عگارب حيايه هم صيري قوية ولا تبينين ضعفج لان ياكلوج
شذى:هزيت راسي .. منار حروح ابدل واجي اصب وياج
منار:لا لاتبدلين ابقي تخبلين بيها ولاتسوين شي خلي بناتهن يصبن ويايه ماشاءالله عليهن كومه
شذى:تمام... بقيت يم منار والمطبخ صار حمام مال نسوان بس لفت نظري بنيه طويلة وحنطاوية هواي شدت ويايه وبس تخزر الي عرفته من منار هي تريد الشيخ نمر جابوا الطبخ وبلشوا يصبون ذبحوا ذبائح على سلامه الشيخ وجابوا طباخ فالولد هما صبوا وجابولنا طبخ للنسوان وكمت اصب وياهم بس منار مخلتي كالت
منار:يمعودة شسوين انتي لو يدري الشيخ انتي تصبين يضربني طلقه
سوسن:وليش يضربج طلقه هي خلگ فصليه
منار: حبيبتي هاي الفصليه المعاجبتج الشيخ وصاني گشايه متشيل وإذا عرف بحجيج يكلبها فوق راسج فصوني لسانج وكوني صبي ويانه لا اوصل حجيج للشيخ نمرررر لان ميقبل أحد يحجي على مررررته
شذى:ضليت صافنه واشوف منار شكد قوية سكتتها بحجايتين ولله سباعيه هل بنيه كامت سوسن صبت ويا البنات بدون متكول اي كلمه باوعت على منار غمزتلي وكلتلي تعلمي هههههه نصبوا العشا واكلوا ولملموا ومخلوني اشيل گشايه على كوله منار والبنات ويه منار نظفوا المطبخ خلوه يلمع وخلصوا يلى كلهم راحوا خطيه منار هواي تعبت
منار:اخ بويه تعبت بعد مالي خلگ شي
شذى:الله يساعدج روحي نامي
منار:راح اسبح وانام يلى تصبحين على خير
شذى:وانتي من اهلو ...صعدت منار واني رحت لغرفتي همزين بعده مجاي الشيخ فتت للحمام غسلت وبدلت ولفيت حجابي باوعت ع الساعه ب ١١ ضليت احوص وين حنام فتحت الكنتور لكيت لحاف ومخده حمدت ربي وشكرته وفتحت الخانه الي اخلي بيها ملابس منار كلتلي عليها طلعت ملابسي رتبتها وعدلت فراش القريولة صارت ب ١١ونص رحت نمت ع القنفه راسن غفيت محسيت على نفسي من التعب

نمر:جان يوم متعب اجوي عالم هواي وتحمدولي بالسلامه ورا العشا بفترة راحوا الوادم وبقوا بس الكرايب ورا ساعتين كلهم طشروا وإخوتي هم بقيت اني وعامر وحسن هذولة ولد عمي واصدقائي الروح بالروح تعللنا بقينا للوحده بعدين رحت للغرفه بدلت وشفت شذى نايمه ع القنفه وملفلفه نفسها بالحاف وممبين منها غير بس وجهه ولابسه حجاب ههههههه صدك ضحكتني بس تمعنت بوجهه شكد حلوة ملامحها هادئة وبشرتها ناعمه وصافيه صفنت اكو شي جذبني الها بس تعوذت من الشيطان ورحت نمت

،،،،،،،،،،،،،،،،،،،،،،،،،،،،،،
مروان:وين شذى ..شذاوي وينننج جاوبوا ليش شذى مستقبلتني اكيد زعلانه

هلووو حبايب اكتبولي توقعاتكم شنو حتكون ردة فعل مروان من يعرف وتفاعلوا 😘😘😘😘