النصيب

بارت(9)

النصيب
🖤 evihadil 🖤

الحياة امل
فمن فقد الامل فقد الحياة🖤

شذى:تفاجأت وفرحت بنفس الوقت لان مدكدر انسى مروان اخذت قراري من هسه ورا مطلع راسن خابرت طيبه يمكن جانت ساعه ٩ الصبح واليوم خميس ماعدها دوام عطلتها خميس وجمعه اكيد نايمه بس من الفرحه راسن خابرتها
طيبه:هلو شذاوي شلونج
شذى:هلو قلبي الحمدلله انتي شلونج اشو اليوم كاعده من وكت
طيبه:يي مو عدنا تحضيرات
شذى:مال شنو
طيبه:يبوو هسه شكللها .. ضليت امتمت
شذى:طيبه شبيج احجي
طيبه:اليوم عرس مروان
شذى:صاعقه ونزلت عليه .. كتلها طيبه دتشاقين مو
طيبه:لا ولله مدشاقه اليوم عرسه
شذى:طيبه عفيه كليله لايتزوج اني راح ارجعله اتفقت ويه رجلي وراح يطلگني
طيبه:مستحيل اسوي هيج شي واخرب فرحته وفرحت بت خالي شذى هو نساج وبلش حياته لاتخربيها وحتى لو كتله وخرب عرسه مستحيل نخليه يزوجج وانتي مطلقه وهو اعزب
شذى:شنو هل حجي طيبه وشبيها المطلقه
طيبه:مابيها شي بس منزوجه الا بنت بيوت هي امي وانتي بنيه مقبلت بيج تردين من تطلگين تقبل ولله بطرانه كافي تحلمين احلام وردية  ويلى ولي بعد لا تخابرين خرابه البيوت وسديته بوجهه
شذى:انصدمت هاي الي معتبرتها اختي وصديقتي هيج تحجي عليه بقيت ابجي اندكت الباب مسحت دموعي وكلت منو

منار:اني
شذى:تعالي
منار:ضل بالي عليج مو من عوايدج تتاخرين شبيج ليش عيونج حمر
شذى:مابيه شي بس احس نفسي تعبانه
منار:لاتجذبين عليه اني حافضتج نمر سوالج شي
شذى:لا
منار:شذاوي احجيلي انتي مو تكولين انتي اختي 
شذى:منار حگلج شي بس عليج الله لاتكوليه لأحد اعرف بيج سرانيه وتحبيني واني اعتبرج اختي
منار:كولي ضل بالي
شذى:منار اني جنت مخطوبة
منار:اوكفي شلون يعني شوكت ومنو
شذى:لابن عمي الي دعم نمر
منار:شلون فهميني
شذى:حجيتلها على كلشي وحتى على موقف اليوم
منار:شوفي شذى اني اختج وراح انصحج الباعج بيعيه وجلبي بلي يريدج ويشتريج انسي الماضي هدميه وابنيلج حاضر جديد
شذى:هو هيج حسوي وحنسى وابلش حياتي مثل ماهما بشلوا نمر خوش رجال راح اكون زوجته وراح احبه لان ماكو مثله
منار:عفيه عليج .. ويلى كومي خلي نروح ناكل ميته جوع وامي ضل بالها عليج كلتلي روحي شوفيها
شذى:خلي اغسل واجيج
منار:اسمعي هسه اقنع امي تروح ويانه للصالون
شذى:وشسوي بالصالون
منار:لج شذى فتحي مخج اليوم اخليج على سنگه عشره .. حفي وسوي تعديلات تجهزي لاخوية
شذى:يي تمام بس اكلج اريد اشتري داخليات
منار:اكو محل كماليات يم الصالون شغلاته تخبل حتى تشترين شغلات مال نوم .. كومي يلى صدك عندج فلوس
شذى:يي عندي نمر كل ميطلع يحطلي عل ميز فلوس
منار:كلش زين يلى امشي ناكل
شذى:غسلت وطلعنه اكلنه وسعاد كلعاده گالبه خلقتها وكلنه لام نمر نريد نروح للصالون هدى هم راح تجي ويانه خالتي مقبلت تجي كالت خلي حسين يوصلكم صار العصر وطلعنه رحنا للصالون وصلنه حسين وراح ومن نخلص نخابره يجينا كعدت اني اول وحده حفتلي وشمرتلي حواجبي شمرة حلوة واني طبيعه حواجبي كلش حلوة ثخينه ومنار هم سوت حواجبها منار بكدي وهم تاركه الدراسه هدى اخر شي جانت دتصبغ شعرها وسوت حواجبها