النصيب

بارت(10)

النصيب
⁦☀️⁩evihadil☀️

شذى:بقيت ساكته مااعرف شسوي ومنزله راسي اجى لزمني من ايدي ووكومني صرت كلش قريبه عليه كمت ارجف ومااعرف مشاعري حتى مروان نسيته بهل لحظه طردته من تفكيري حرام عليه افكر بيه
نمر:لاتخافين مااذيج وإذا متحبين براحتج
شذى:يحجي بكل هدوء .. لا مابيه شي
نمر:عطرها صطرني صطر حضنتها وبديت اتلمسها
شذى:من حضني نزلن دموعي مااعرف ليش وشنو السبب
نمر:وخرتها من حضني لزمت وجهه وجانت دتبجي كلتلها ماعاش الي ينزل دموعج هل دموع غاليه عليه مسحت دموعها شذاوي اذا قربي يزعجج اني راح ابتعد
شذى:لا ارادين من كلي هيج حضنته حبيت حنانه وتعامله للحظه عبالي مروان مو نمر .. من حضنته بلش يتقربلي نزعني الروب وبقى يبوس بيه  اني سلمته  نفسي

نمر:من حضنتني مكدرت اسيطر على نفسي مانع نفسي عنها ٥ اشهر ومن سلمتني نفسها ارتاح قلبي بقيت اطلع شوقي الها ببوساتي علت انفاسي صارت قريبه على أذنها كلتلها احبج بهاي الليله تعاملت برقه وحنان وياها حسستها بحبي الها

شذى:نمر جان ذبلان وشاعري وحنون حسسني شكد يحبني بس اني مكدرت ابادله باي شي مااعرف اصلا شلون ابادل

نمر:بستها وكلتلها مبروك
شذى:بخجل الله يبارك بيج كمت من يمه
نمر:وين رايحه
شذى:هسه اجي رحت غسلت وبدلت غير شي دشداشه خفيفه ورجعت
نمر:تعالي واشرت على صدي منا ورايح أهنأ مكانج
شذى:رحت يمه نومني على صدره وحضني ... راح تكدر تنام اخاف مضايقتك
نمر:لوتبقين العمر كله نايمه هيج مراح اضايق انتي راحتي
شذى:بقيت ساكته راسن غمضت عيني ومحسيت على نفسي غير الصبح
نمر:احجي وياها وهي مترد باوعت عليها لكيتها نايمه اني هم لفيت راسي ونمت جانت ليلة من العمر

،،،،،،،،،،،،،،،،،،،،،،
مروان:بعد اليوم الي شذى سممت بدني بيه ادمرت  تغيرت صرت عصبي وعلى اي شي اترفز وكمت ماارجع للبيت كله كاعد بالصيدليه اريد انشغل وانساها ادمرت صعبه حب عمرك بلحظه يختفي ومن ارجع للبيت اروح يم بيبي شوية نسولف واصعد انام كمت ادخن من ورا القهر اني بحياتي ممدخن وبيوم صديقي أخذني لشقته جانوا مسوين حفله هو واصدقائه ومن شافني هيج حالتي كلي تعال شويه تغير جو وتنسى اني ابد مااروح لهيج مكانات بس اريد انسى رحت كعدنا وضحك وشقى وقدملي مشروب رفضت بس قنعني وجرب بس مرة اني هم شربت محسيت على نفسي ثاني يوم كمت راسي يموتني من الوجع رحت للبيت تلگتني بيبي وعرفت ورزلتني
ام اسعد:انت متخاف من ربك شلون تشرب هل سم
مروان:شربته متأمل انسى حفيدتج الي عافتني وراحت
ام اسعد:كافي مروان كافي قسما بالله اذا بعد خليت هل سم بحلگك الساني ميندك على لسانك .. ابني هذا الشي حرام لاتغضب رب العالمين  اذا تريد تنساها التجئ لربك هو راح ينسيكياها كافي يمه روح اسبح ريحتك كله هل زقنبوت
مروان:مجادلتها وحجيها كله صح شلون لحظه شيطان خلاني اشرب هل شي رحت سبحت وتوضيت ورحت صليت واستغفرت ربي ومرت ٤ اشهر على فراق شذى وبيوم اجتي امي