النصيب
❣️evihadil❣️
الكذب لايخفي الحقيقه إنما يؤجل انكشافها
مروان:صارت ساعه ٧ رحت جبت ريوگ لعمتي ورحت لغرفتهم دكيت الباب
انغام:ادخل
مروان:صباح الخير
انغام:صباح النور
مروان:عمه هاج اكلي وتحضروا نص ساعه ونطلع هسه شفت الدكتورة وراح تجي تجيكها
انغام:ماشي
مروان:عمه تعالي برا اريدج بس دقيقه
انغام:اجيت .. گول شصاير
مروان:من نطلع أخذي شذى يمج بلبيت يومين ٣ واجي اخذها
انغام:اني هم هيج فكرت حتى اداريها خلي من تفتح الخيط عود خلي ترجع
مروان:يي احسن لان هل يومين البيت شوية حتصير بيه مشاكل وهي مو حمل مشاكل
انغام:شراح تسوي
مروان:بعدين تعرفين
الدكتورة:صباح الخير
انغام:صباح النور
الدكتورة:المريضه گعدت
انغام:لا بعدها هسه اكعدها .. فتنا للغرفه
شذى:عمه وين رحتي
انغام:جنت دحجي ويه مروان
الدكتورة:صباح الخير
شذى:صباح الخير دكتورة... فحصتني الدكتورة وكالت كلشي تمام بس شكد متكدرين حاولي تمشين حتى لو شوية وطلعت وعمه بلشت تحضر ومروان جايب كرسي متحرك حتى اگعد عليه ومن فات مسلم ولاحتى باوع بوجهي عمه سندتني وكعدت ع الكرسي ونزلنا وصعدت بالسيارة ومروان وصلنا لبيت عمو فرات نزلت بس على كيف لان بطني توجعني
مروان:عمه اني حروح اجيب بيبي واخليها تجيب ملابس لشذى
انغام:يي عفيه
مروان:واجيب الادويه هم والابر حتى اضربلهياه
انغام:فدوة لعينك ديربالك على نفسك
مروان: إنشاءالله عمه يلى مع السلامه
انغام:الله وياك
انغام:شذاوي فوتي للغرفه اريحلج
شذى:لا عمه خليني عل قنفه
انغام:جان استحيتي شلون انومج ع القنفه وانتي مسوية عمليه امشي فوتي كدامي يلى
شذى:وعمو وين ينام
انغام:ينام ع القنفه هههه
شذى:ههه خطيه
انغام:مو خطيه انتي الخطيه يلى امشي
شذى:رحت تمددت ع القريولة وعمه خلتلي مخاد ورا ضهري
انغام:راح اسويلج تشريب ترمين عضمج بيه
شذى:عمه لاتعبين نفسج مااشتهي
انغام:انتي ارتاحي
مروان:وصلت للبيت فتت لبيبي
ام اسعد:هايمه الله يساعدك لعد شذى وين مجتي وياك
مروان:لا بيبي وديتها لبيت عمي اريحلها اهناك مرت عمي داريها بيبي حصعد ابدل حضري نفسج وملابس لشذى طلعيلها وهسه حگول لمحمد وأحمد يتحضرون حتى اوديكم لبيت عمي
ام اسعد:روح يمه واني حگول لولد عمك
مروان:ماشي .. هستوني دااصعد الدرج
ام مروان:ها شرفت
مروان:يي يمه رائده شي
ام مروان:يي رايده انطيني المفتاح خلي افتح الباب لهل مسكينات من البارحه حابسهن
مروان:ضيعته
ام مروان:ولك تطلع المفتاح لو هسه اروح اگول لابوك اخليه يطيح حظك
مروان:روحي گليله حتى اني هم اگله ومو بعيدة يذبحها لبتج
ام مروان:يعني انت شنو هسه صاير رجال براس اختك بيك خير صير رجال على البومه الي مشيتك على هواها
أنت تقرأ
النصيب
Romanceالقصة دور على اربع اشخاص ووحده من هل أشخاص تروح فصليه مااريد احرق الأحداث من خلال الوصف
