النصيب
🌻 evihadil 🌻
ه
لااااو شلونكم شخباركم شلونكم ويه الصيام
انطوني رائيكم بالقصة حبايب💖💖
سماح :من خابرتني طيبه مصدكت أبوية مات طول الطريق اكول ممات اكيد دجذب ودمعه منزلت من عيني من وصلت شفت ناصبين جادر فتحت الباب وفتت للمطبخ اشوف الدنيا مكلوبة وبجي وصياح تلكتني مرت فرات
انغام:البقيه بحياتج
سماح :اشش لاتكولين البقيه بحياتج أبوية ممات انتووا جذابين وبقيت أصيح انتوا جذابين وينه وين وديتوه
انغام :اهدي لا يصير بيج شي هذا يومه
سماح :كعدت بالكاع وضليت ادك والطم التمن عليه النسوان ودوني يم امي شفتها متمددة وصافنه حظنتها وبقيت ابجي وهي تبجي بدون صوت خفت عليها لا هم اخسرها
مروان:موت جدي آذانا كلنا اليوم مشى واجى الليل كلمن حزنه شكل فتت للبيت مابيه ضحكه وهمي اني ازيد منهم لان فقدت شخصين جدي وشذى شربت مي ورحت لغرفه بيبيتي مااريد اخسرها هي هم اعرف بيها شكد تحبه وطيبه كلتلي حالتها فدمرة رحت لغرفتها لكيت عمامي يمها وعمتي ويحجون وياها يقنعوها بلكي تاكل كعدت يمها بست أيدها .. بيبي الله يخليج اكلي لخاطري كلنا منكدر على فراگج اذا صارلج شي
ام اسعد :مااريد . اريد الحگه للغالي شلون يعوفني ويروح
مروان:بيبي تذكرين حجيج إليه الصبح وشكلتيلي وشلون صبرتيني فدوة اروحلج مااكدر اشوفج هيج اكلي لخاطري
ام اسعد:تبجي مات زعلان ويلوم بنفسه لان انطى شذى مكدر ينام الليل كله وحسيت عليه كعدت كلي مااكدر انام وشذى وديتها بايدي للنار يمكن موكلوها أو حبسوها لو ضربوها لكم صار شكد وياه ابد مشفته يبجي بس بچى على شذاوي حس بعذاب الضمير مات من ورا قهره على شذى
سماح :يمه وين شذى وشنو هل حجي من فگدنا ابونا فقدنا منعرف بالحوالينه
اسعد:راحت فصليه
كاظم :شنو شنو شلون فصليه انت شتخربط
مروان:أبوية حجالهم كلشي ضاجوا لان انطوها فصليه وعمي كاظم صار اعصاب
كاظم:الله اكبر عليكم شلون تنطون هل يتيمه بس فهموني حرررام عليكم حررررام مخفتوا عليها هاي جريمه وحوبت هل يتيمه مراح تتخطاكم وهذا البيت بعد ماادوس عتبته انتوا مجرمين ولا اعرفكم ولاتعرفوني
مروان:بيبي كامت دك وتلطم وعمه سماح تهدي بيها وعمي كاظم زعل وطلع لحكوه أبويه وعمي فرات بس مقابل يرجع اخذ مرته وجهاله وراح نخابر عليه ميجاوب وانطانه حظر . حچيه صحيح احنا مجرمين وخطيتها مراح تتخطانه ..انطيت مهدء لبيبي ونامت
طيبه:من خلص اليوم صعدت لغرفتي فتحت الموبايل لكيت شذى مخابرة مرجعت دكيت مااكدر اكللها جدو مات ونمت جنت ميته تعب
أنت تقرأ
النصيب
Romansaالقصة دور على اربع اشخاص ووحده من هل أشخاص تروح فصليه مااريد احرق الأحداث من خلال الوصف
