النصيب

بارت(6)

النصيب
💐 evihadil 💐

ه

لاو شلونكم ...

مروان:بيبي جبتلج خوش صمون كله مگسب
ام اسعد:فدوة لايدك وليدي كون تلزم التراب يصير ذهب
مروان:شلون دعوة حلوة هاي الدعوة علمود جبتلج صمون
ام اسعد :لا ولك .. تعال تريك يلى
مروان:اجيت بس اغسل ايدي .. رحت كعدت اكل قررت انسى شذى أو اجذب على نفسي واتناساها
ام مروان:صباح الخير
مروان وام اسعد :صباح النور
ام مروان:اليوم كاعدين من وكت ومحضرين الريوك شعجب
ام اسعد :عجبني اريگ وليدي
ام مروان:عاشت ايدج عمه ..
ام اسعد:اسعد كعد
ام مروان:لا بعده اليوم جمعه يتأخر بالكعده
ام اسعد: نسرين كعديلي عمج اشو تاخر اليوم مو من عوايده
ام مروان:حاضر .. دكيت الباب مرد شعجب عمي نومه خفيف فتحت الباب رحت يمه اكعد بيه ميكعد مثل الواحد وكفخني عمو عمو لطمت عزا بعيني بس لا مات ركضت للمطبخ
مروان:يمه شبيج وجهج اصفر
ام مروان:لك كوم شوف جدك شبيه مديكعد
ام اسعد:صار بيه كل الحيل كمت رحت للغرفه
مروان:ركضت للغرفة فحصت نبضه ماكو انصدمت لساني نربط مااكدر اكول مات
ام اسعد:يمه فدوة گلي شبيه ليش ميرد فهمني
مروان:بصدمه جدو مات
ام اسعد وام مروان :كاموا يدكون ويلطمون
ام اسعد:يمه شمعه بيتي رااااح يبوووو تصخمتي سنيه راح سندي راااااااح يبووووو ولك مروان كعده مميت اني اعرفه هو كلي مااعوفج نموت سوا كعدددددددده بصياح
مروان:حضنت بيبي وكمت ابجي وياها وامي دك وتلطم داامر باصعب لحظات
اسعد:ولكم شكو ليش تلطمن
ام مروان:عمو مات
اسعد :لا اكيد دتجذبين
ام مروان:ولله مات مات راح وعافنه راح الغالي
اسعد:رحت على أبويه شفته مدد وجسمه باارد كتلهم مميت عايش هو نايم
مروان:رحت على أبوية يأبه كوم ويايه
اسعد:وخرررر عوفني يمه .. يأبه ليش عفتني ورحت انت سندنا من صغار ومن كبار اكعد يأبه اكعد احنا من دونك نضيع ... كعدت بالكاع كباله واباوع عليه بقيت صافن اريد احفظ وجهه
ام مروان:مرووووان تعال بيبيتك تخربطت
مروان:شلت بيبي شوية هابط ضغطها خليتها بغير غرفه اخواني كلهم كعدوا وصلوا يبجون
طيبه:ماما شبيه جدو
ام مروان:ماااات
طيبه يبووووو ضليت ادك والطم ويا امي
ام مروان:روحي خابري عمامج وعمتج
طيبه:رحت خابرت عمو فرات وبسرعه اجى بيته قريب علينه وخابرت عمه وعمو الي بالمحافظات عمتي مصدكت وكالت دجذبون عليه أبوية ممات زوجها أخذ الموبايل وفهمته ونزلت ويه امي ماخذين جدو للمستشفى وبيبي حالتها متسر عدو بس دموع تنزل ومتمدده

مروان:أخذنا جدي وطلع صايرة عنده سكته قلبيه وعلى إثرها متوفي وديناه للمغيسل ووراها دفناه ونصبنا الفاتحه

،،،،،،،،،،،،،،
شذى:فزيت من حلم مزعج وويه فزتي كعد نمر طفر يم راسي يسمي عليه
نمر:شبيج بوية
شذى:شفت كابوس
نمر:ماكو شي كابوس وراح
شذى:كمت ابجي احس صاير شي باهلي قلبي مقبوض
نمر:اذا تحبين اوديج الهم
شذى:يعني عادي يصير
نمر:يي عادي
شذى:بس اني فصليه وميصير اطلع
نمر:انتي مو فصليه انتي مرت الشيخ نمر
شذى: فرحت من حجى هيج شكد انسان واعي وفاهم صدك يستاهل يكون شيخ .خلي اخابر طيبه بت عمي
واطمن عليهم
نمر:خابريها وإذا تحبين اوديج ماعندي مانع
شذى:ابتسمتله .. اشكرك
نمر:بوية من ابتسمت طلعت الغمازة مصارلها يوم وانجذبتلها .. تدللين
شذى:رحت غسلت ورجعت اخذت موبايلي اخابر على طيبه ونمر فات للحمام خابرت متجاوب يمكن ب ١٠ مرات خابرت ومتشيل ضل بالي أكثر بس بعدين كلت اكيد عمه مانعتها تحجي ويايه طلعت صبحت ع الكل وسويت ريوگ لنمر اجى تريك كعدنا نتريك بس اني انگمش بالاكل وهو ياكل صفنت عليه شكله كلش حلو وسماره يخبل وشخصيه وشيخ وكل البنات يتمنو ياترا راح اكدر اتاقلم وياه وأحبه وانسى مروان قاطع شردوي
نمر:حلو مو
شذى:شكد عيب انتبه من صفنت بوجهه ...ها يي لا جنت شاردة
نمر:كملي اكل وابتسمتلها ..هههه خطيه شلون صارت حمرة من الخجل
شذى:حاضر ..كملنا وهو راح بدل وطلع مااعرف وين ومااعرف عنه اي شي بس لازم اسئل منار واعرف عنه لازم اتعود حتى لو غصبن عني كمت نظفت ويه البنات خلصنا الطبخ جان متقسم بين سعودة وهدى فا اليوم دور هدى ..متت من الحر اختنگت من الربطه لان مدنزعها ولا اهوي شعري صحت منار .منورة عادي تجين لغرفتي شوية نسولف
منار'يي عادي طبعا بس ابدل دشداشتي كلها مي
شذى:يي اني هم اروح ابدل يلى انتظرج
منار:تمام