النصيب
🌿 evihadil 🌿
نور:عمه شفتي مروان راح يمها بحجه بيبته
طيبه:نور لاتهولين الموضوع هو متعود يوميا الصبح يروح يم بيبي
ام مروان:حجي طيبه صحيح
نور:ادري عمه بس هو يعرف شذى يم بيبي ليش يروح ويدري بيه اضوج
ام مروان:نور ديري بالج على رجلج واهتمي بيه وخلص ولاتخافين اني بظهرج مااخليه يأخذها الا على جثتي
طيبه:يمه شوكت نروح نشوف البدلات
ام مروان:عمتج كالت اليوم نروح
طيبه:اهووو هم راح تجي
ام مروان:يي كالت اني اجي اخذكم
طيبه:يمه مااريدها تجي هم تحط روحها وهي تختار ومتخليني أخذ شي
ام مروان:يي ولله عمتج مستقوية الله يساعدج عليها
لاتضوجين نروح وياها وإذا معجبتج بأجر اخذج ونبدلها
طيبه:ماشي
نور:عمه مو بعد وكت من هسه تأخذون بدلة العرس بعدله اسبوعين
ام مروان:لا هم ياللى حتى إذا معجبتها ابدللهياه
نور:راح تشترون لو تاجرون
طيبه:راح اشتري
نور: عمه اجي وياكم
ام مروان:يي تعالي بس استعجلن بالتنظيف والطبخ وحسيوا بس حساب نفرين لان اسعد ومروان ميحبون اكل البرا احنا ناكل برا
طيبه:تمام
نور:عمه والبومه شنو وضعها متنظف ويانه
ام مروان:معليج بيها هي تنظف غرفه بيبيتها وسويلها اكل واحجي وياها اقسم الشغل بيناتكم ... يلى كومن نظفن واني الم الريوك والمواعين اغسلهن طيبه لاتكعدين اخوتج خليهم نايمين
طيبه:تمام
شذى:ضل يضحك ويشاقه ويا بيبي اني التهيت بالاكل ومطايقته اشو لزگ وكام ياكل ويانه خلصوا شلت الصينيه وديتها بالمطبخ فرغتها وخليت المواعين بالسنك اريد اغسلهن
ام مروان:شذى
شذى:اللهم صل على محمد وال محمد شعجب كلتي اسمي شنو وين راح اسم البومه
ام مروان:اسمعيني لازم يتقسم الشغل بيناتكم
شذى:اني عليه اسوي اكل الي ولبيبي وانظف غرفتها وحمامها وانظف الهول هم والحديقه والطرمه وغير هذني الشغلات الگلتهن ماامد ايدي عليهن
ام مروان:هايهيه مثل متردين
شذى:خلصت غسل المواعين ورحت لغرفه بيبي فتحت الشبابيك وجلفتها جلف طلعتها تلمع ونظفت الحمام وطلعت نظفت الهول وغسلت الطرمه الحديقه مابيها شي احنا البيت منغسله كله مسح بس كل جمعه ينغسل خلصت ورحت اشوف بيبي شتاكل ... بيبي شتحبين اسويلج اكل
ام اسعد:يمه بكيفج
شذى:بيبي ممشتهيه شي
ام اسعد:لا يمه اني عندي قائمه مال اكل بهريز تلگيها يم مروان اخذيها منه
شذى:تمام طلعت رحت للمطبخ
ام مروان:شذى إذا ماعليج امر احنا حنروح للسوق وحضرنا الاكل من يجي عمج صبيله هو ومروان
شذى:ماشي ... بداخلي اكول لو مهددتها من البدايه مو احسلي شلون صايرة محترمه ويايه وكله معليج أمر طلعوا رحت للحديقه لكيت مروان كاعد ...مروان
مروان:ها يروح مروان .. طلعت مني لا ارادين وصار سنه ونص مسامعها تصيحني
شذى:خزرته اريد القائمه مال اكل بيبي
مروان:يي تعالي
شذى:رحت وراه راح للمطبخ
مروان:هاج هاي القائمه للاكل المسموح بيها اهم شي الاكل مو دسم استخدمي زيت زيتون وراح اعلمج ع ادويتها شوكت تنطيهياه لأن ملتهي بالصيدلة
شذى:تمام
مروان:طلعت ادويتها هذا تأخذه الصبح بعد الاكل وبليل هم بعد الاكل وهذا حبايه الضهر وهاي الابر اني انطيهياه
شذى:هي تريگت بس منطيتها دوا
مروان:اني انطيتها
شذى:تمام ... مروان راح واني التهيت اسوي اكل لبيبي
مروان:قلبي دگاته انتظمت من شاف شذى .. صعدت نمت
شذى:اجتي ميس يمي فدوة لقلبها كبرانه وبقت تحجي ويايه سوالفها تخبل وحذيفه ورائد ليهسه منزلوا يمكن نايمين
أنت تقرأ
النصيب
Romanceالقصة دور على اربع اشخاص ووحده من هل أشخاص تروح فصليه مااريد احرق الأحداث من خلال الوصف
