النصيب

بارت(15)

النصيب
⁦☀️⁩evihadil☀️

قد ينكسر بالنفس شيء
لايجبره الف اعتذار🍂

منار:شبيه نمر
شذى:من تخلصين تعالي لغرفتي لان اذا مااحجي راح اطگ
منار:روحي للغرفه بس امسح الكاع واجيج
شذى:انطيني اني امسحها
منار:عوفي اني امسحها
شذى:يمعودة  خلي شوية التهي
منار:براحتج
شذى:مسحت الگاع وخلصت رحنا للغرفه
منار:يي احجيلي شبيه نمر وليش هيج ديعاملج
شذى:لان عرف بيه مخطوبة وضميت عليه
منار:ياشلون عرف
شذى:مااعرف منو دازله صوري اني ومروان من جنا مخطوبين ودازله صور جديدة مروان ديبوسني من جنت يمهم
منار:عزززا صخام الصخمني ولج شلون يعني باسج
شذى:حجيتلها على الصار (بس مگلتلها من وداني نمر للشقه وخلاني ٣ ايام )
منار:شلون حظ فگر ولج شذى اني متأكدة السالفه مدبرة شلون أخذوا صورة من باسج
شذى:اعرف مدبرة شكد حجيت ويا نمر مديصدك
منار:شذى نمر من نوع من يشوف شي غلط على اي شخص يمحيه حتى لو روحه متعلگه بيه
شذى:بچيت يعني محاني من حياته
منار:ماادري شگلج
شذى:اكيد محاني أخذ ملابسه ومينام يمي ومن يريد شي يصيح مرته شسوي منار تعبت ولله تعبت
منار:كافي شذاوي الله كريم
شذى:الله كريم يارب افرجها تعبت
منار:لج هو يحبج البارحه كل شوية يخابرني من تخربطتي
شذى:ادري يحبني بس طلعت من عينه لان شاف الصور وفوكاها يبوسني
منار: إنشاءالله يرجع مثل قبل واحسن
شذى: إنشاءالله يارب
منار:اني حروح اخاف نمر يجي وانتي امسحي دموعج خليها على الله
شذى:لاترحين مراح يجي
منار:مو لازم اروح
شذى:ههه لج خاف دتحجين ويه الحب
منار:يبوو يي هو يوم بالاسبوع احجي وياه
شذى:روحي
منار:يلى باي
شذى:باي.... بقيت كاعده وادعي بلكي يجي بس ماكو كمت صليت ووكلت اموري لرب العالمين هو يحلها

نمر:رحت للحمام كملت طلعت لكيت رهام متمددة طفيت الضوة وتمددت يمها وتقربتلها وصارت مرتي اخذت قراري راح اكمل حياتي وية رهام وشذى تبقى هيج المهم كدام عيني

رهام:من بعد متقربلي نمر بقى يوميه ينام يمي وأبد مراح يم شذى والي يريده يطلبه مني علاقتي بيه حلوة  وهو كلش محترم وعلاقتي بشذى هم زينه والبنيه ابد مسمعتني كلمه وحده أو تعاركت أو حجت عليه .. تضحك وتشاقه ويه منار بس ورة ضحكتها اكو حزن ومن يفوت نمر ويتجاهلها احس بيها شلون تنقهر بس تحاول متبين

شذى:مر على زواج نمر شهر وهو تركني حتى سلام ميسلم حتى ميگلي شمحتاجه ورجع عصام للبيت هو ومرته لان تصالحوا

ام نمر:يمه شذاوي اليوم تجين ويايه للدكتورة
شذى:يمه خاف نمر ميقبل
ام نمر:لايمه كتله وقبل

شذى:رحنا العصر للدكتورة بس طلعت جايبتني للدكتورة علمودي اني عبالي اروح وياها لان مريضه فتنا والدكتورة فحصتني وسئلتني كم سؤال وسويت تحاليل يمكن بالساعتين احنا يمها وراها طلعت التحاليل
الدكتورة:الحجيه الي وياج شصير منج
شذى:تصير امي
الدكتورة :اسمعيني زين انتي بسبب الاضطرابات بالدورة الشهريه صارتلج مشاكل بالحمل
شذى:بقت الدكتورة تحجي بس مفتهمتها حجت عن الرحم وهاي السوالف .. كتبها دكتورة يعني شنو هسه اني اكدر احمل لو لا