النصيب

بارت(21)

النصيب
✨ evihadil ✨

          الامل
هو تلك النافذة الصغيرة
التي مهما صغر حجمها
الا انها تفتح آفاقا واسعه

طيبه:حبيبي ليش امك هيج ويايه
حسام:شبيها
طيبه:متخليني اختار الي أريده وكل شوية وتكلي ماعندج ذوق اني اختارلج
حسام:ميخالف حبيبتي استحملي
طيبه:مستحمله لخاطرك بس فدوة من نختار البدلات بس اني وماما نروح
حسام:طيبه شنو هل حجي  يعني شتردين اكول لامي لا ترحين ولله طيبه معاجبها ترحين
طيبه:اني مو قصدي هيج بس امك متخليني على راحتي واختار الي أريده هو عرسي لو عرسها
حسام:لادخليني بسوالف النسوان
طيبه:لا اشو ادخلك
حسام:شوفي طيبه من هسه اگلج لاتخلين راسج براس امي
طيبه:حبيبي افهمني قابل شعندي وياها بس اريدها شوية تخليني على راحتي
حسام :عود احجي وياها وكافي سدي الموضوع
طيبه:احببببك
حسام:واني هم
طيبه:فرحانه لان راح ازوج حبيبي بس الشي الي مضوجني أمه بكلشي تدخل حتى بشغلات النوم وهي مرايدتني تريدله بت خالته بس هو يحبني وحارب علمودي

شذى:رحنا للمختبر حللت وبقينا ننتظر التحليل بس اني متاكده ماكو حمل ومااعرف ليش اجيت ويه عمه حتى أحلل صاحوا اسمي كلي مبروك حامل اني وكفت مثل الصنم
انغام:الف مبروك شذاوي
شذى:عمه شلون حامل وحجي الدكتورة
انغام:يجوز غلطانه وبعدين كلشي بيد ربج
شذى:حضنتها وكم ابجي عمه مدصدك
انغام:شذاوي كافي امسحي دموعج واسمعيني لاتكولين لأحد وبالأخص انتي راح ترحين لبيت جدج اخاف يسوولج شي
شذى:لاعمه مااكول
انغام:عفيه خلي يثبت حملج يلى
شذى: إنشاءالله .. رجعنا البيت وبليل رحنا لبيت جدي من فتت حسيت نور لو بيدها تگطعني وجوهن انگلبت  بسنونها سلمت عليهم ووديت الحنطه بغرفه بيبي ورجعت كعدت يمهم
نور:ولج طيبه شلون مااخلص منها
طيبه:تستاهلين كله صوجج هجمتي بيتها
نور:ترا مو بس اني انتي هم ويايه واني شمدريني راح يطلگها
طيبه:وليش ميطلگها ويشوفها تخونه
نور:لج مو هي فصليه شلون يطلگها ويعوفها المفروض يخليها خدامه مو يطلگها هسه شلون شسوي
طيبه:شوفي نور شتردين تسوين سوي ولادخليني وياج
نور:لا مو بكيفج خلي افكر شسوي
طيبه:اني معليه
نور:هسه يجي اخوج ويشوفها
طيبه:ترا خبصتينا اشو هي ممعبرته
نور:بس هو معبرها
طيبه:اوووي ولي شكد صايرة مزعجه كمت صعدت فوگ احجي ويا حسام
اسعد:ولله نور البيت من رجعتي
شذى:عمو هذا النور نورك .. بقينا كاعدين نحجي ونسولف وراها رحت لغرفه بيبي كعدت يمها
ام اسعد:يمه شذاوي كومي فتحي الكنتور
شذى:يي بيبي
ام اسعد:افتحي هذا الجرار وجيبي الفلوس البيهن
شذى:هاج بيبي
ام اسعد:يمه هاي فلوسج
شذى:يافلوس
ام اسعد:اجار محل ابوج من يوم الي رحتي كل شهر مروان يجيبهن يمي واني ضميتهن الج يفيدنج وكت العوزة
شذى:بوستها فدوة لليفكر بيه ويضملي فلوسي
ام اسعد:شعندي غيركم يمه
شذى:فكرت اشتري موبايل واخابر نمر يمكن هذا الطفل هديه من ربي حتى يجمعنا ويصير صلح خابرت عمو فرات من موبايل بيبي وكتله اريدك تشتريلي موبايل بس الفلوس مني
فرات:مو عيب عليج شنو الفلوس منج اني اجيبلج احلى موبايل وهديه مني الج
شذى:لا عمو مااريده لعد
فرات:شذى مو عيب هل حجي
شذى:عمو انت شنو ذنبك تدفعلي فلوس موبايل واني عندي
فرات:لو يمج اهلس عطوبج بأجر اجيبلج الموبايل
شذى:شكرا يا احلى عم بالدنيا الله يطول بعمرك ويوفقك دنيا وآخرة وتحج بيت الله
فرات:ههههه هاي شنو حسيتج دجدين
شذى:هههه يعني متريد ادعيلك
فرات:يي ادعيلي  بس ازوج اجدد
شذى:الا اگول لعمه انغام
فرات:ولج اشاقه يعني شلون ميصير اشاقه
شذى:هههه محلو هيجي شقه
فرات:يلى دولي خلي اروح
شذى:الله وياك ... بقيت بغرفه بيبي صارت ساعه ١ اشو جعت كمت رحت للمطبخ لكيت كباب طاوة طلعت صمونه وسويتلي لفه وكعدت ع الميز اكل وافكر شراح اسوي شلون حعيش وياهم وهما كلهم مطايقيني هسه لو عندي ام اب هيجي حالي