النصيب
🍂 evihadil 🍂
شذى :صدك حبيبي يعني راح تخطبني
مروان:يي يروح حبيبج راح اخطبج ... روحي اكعدي يمهم لايحسون علينه
شذى:احبببك
كم اعشق ذلك الرجل الذي يقاطع حديثي ليخبرني بأنه يحبني♥️
هلاو اني شذى مواصفاتي حنطيه وقزومه وجسمي منحوت وعيوني وسط عسليات وشعري طويل جوزي ياهو الي يشوفني ينبهر بيه لان دمي يلعب ...والدي توفى من جان عمري ١٠ وامي ازوجت من جان عمري ١٥ شمرتني على بيت اهل أبوية وراحت ومن ذاك اليوم مااعرف عنها شي عندي تواصل ويه أهل امي ومن اسئلهم عليها يكللولي زينه ويسدون السالفه شكد توسلت بيها متعوفني بس عافتني علمود رجلها ونستني عشت ويه اهل أبوية بيت جدي كبير كلش والعايشين بيه جدي وبيبي وعمي اسعد ومرته وولده وبناته واني عمي اسعد هو الكبير مال عائلة وبعده يجي أبوية ووراه عمي كاظم هذا عايش بغير محافظه وعمي فرات عازل بيت وحده وعمه سماح مزوجه وهم بغير محافظه احنا عايشين ببغداد تركت المدرسة خلصت صف خامس ادبي نجحت للسادس وبطلت لان ماالحك شغل ودوام لان البيت كله وكع براسي اني الانظف وحتى علموني ع الطبخ عائلة عمو اسعد تتكون من مروان حبيب الگلب هههه وطيبة بكدي وتوام ولد حذيفة ورائد وبنيه ميس اني غرفتي ويه طيبة هي مبطلت وصديقتي كلش ودائما تكلي هما حتى لو اهلي بس لاتخليهم يستغلوج ارجعي داومي حرامات تفيدج بس اني مرجعت جانت مرت عمو اسعد متحبني وعبالك حمل على قلبها مع العلم اني مريحتها من التنظيف وجوى أيدها دائما وياها بس تكرهني وتسمعني حجي مثل السم حبيت مروان وهو هم دائما واكف بجانبي وحجى ويا عمو وكله اريد اخطبها بس عمتي گلبت الدنيا ومقبلت تريدله بت اخوها ومروان زعل وطلع من البيت بس بعدين قنعت وسوينا حفله خطوبة لبسنا بس الحلقات وورا اسبوع نعقد سيد ومحكمه طرت من الفرحه وهو هم فرحان وبس يغني بس صار الشي الي نغص على فرحتي
شذى:جنا كاعدين واشتهيت حلا.. مروان حبيبي
مروان:ها قلبي
شذى:مشتهيه حلا
مروان:شتحبين اجيبلج
شذى:اريد بقلاوة لو كنافه وإذا لكيت زنود الست هم جيبلي
مروان: هههههه مو يدلل الحلو
ام مروان:عاطت ب شذى انتي هي وين موديته بهل ليل وتعبان قبل شوية اجى من الدوام
مروان:لايمه متعبان وبعد وكت بعدها مصايرة ب ٩ونص ادمن اشوف وجهه كل التعب يروح 😉
ام مروان:بصوت ناصي عاب هل وجه جنها بومه
شذى: ولاتحترمني وتعيط عليه انقهرت بس حبيبي عرف يجاوبها
مروان:تعالي شذى اريدج
شذى:يي جيت رحت وياه فتنا للمطبخ حضني وكال
مروان:شذاوي قلبي لاتضوجين من حجي امي فوتي
شذى:حبيبي اعرف لاتخاف مضجت تعلمت عليها وبعدين لخاطرك كلشي افوت المهم اني وياك
مروان:احبج .بستها من راسها ..يلى اروح اجيبلج اطيب كنافه
شذى:بس ديربالك على نفسك
طيبة:هاي شنو عصافير الحب أهنأ
مروان:يي واكو غراب اجى ينغص علينه الحضن
طيبة:قصدك اني مو
شذى:ههههههه لا قصده عليه
مروان:اول مرة اشوف هيج غراب حلو عسل ولله عسل
شذى: خجلت
مروان:يلى غراب اقصد طيبه تردين اجيبلج شي حروح اجيب حلويات للكيك مالتي
طيبة:يي جيبلي وجيبلي كرزات هم وچبوسة
مروان:بعد متردين شي شنو رأيج اجيبلج ابو المحل هم وياهن هديه
طيبة:إذا حلو ليش لا جيبه ههههه
مروان:انجبي لاخجل ولامستحى..يلى عمري شذاوي تعالي خلي احضنج قبل مااطلع
طيبه:عوجت حلكي صدك لو كالوا الستحوا ماتوا
شذى:رحت حضنته حسيت حيكون اخر حضن وهو هم من حضني عبالك يريد يدخلني بضلوعه باسني من خدي وراح وطيبه بس دردم علينه راح وعيوني تلحگه
مروان:هلاااو اني مروان ابن عم شذى خريج صيدلة صارلي سنتين من تخرجت قبل خمس اشهر فتحت صيدليه خاصه بيه .. حبيت شذى جنت دائما وياها من جانت صغيرة واخاف عليها والي يضوجها اكتله ومن اجت عاشت يمنا كيفت وحبيتها أكثر وأشوف معاملت امي الها انقهر واحجي ويا امي تنعدل يوم وترجع أكثر من قبل تركت دراستها وعرفت من ورا امي لأن حطت مسؤلية البيت عليها حجيت وياها وماكو فائدة هي شخصيتها ضعيفه وخوافه ... اعترفتلها بحبي وفاتحت اهلي امي رفضت بس قنعتها وخطبتها ولبسنا حلقات ورا اسبوع نروح نعقد وتصير حب حياتي الي كلنا جنا فرحانين ماعدا امي وبيوم طلبت اجيبلها حلويات طلعت اشتريت وصعدت بسيارتي وتاخرت عليهم لأن صادفت صديق الي من ايام الاعداديه وبقينا نسولف طلعت صعدت بالسيارة مشيت مسافه ودك موبايل دااجاوب ومحسيت غير دعمت شخص راسن وكفت ونزلت لكيته مدمه صارت هوسه
هلاااو رمضان كريم احبتي
يلى تفاعلوا ويه القصة بتعليق واعجاب لان احداثها كلش حلوة واتمنى تعجبكم ...كلولي منو الي راح تروح فصلية 😘🌼
يتبع.....
أنت تقرأ
النصيب
Romantiekالقصة دور على اربع اشخاص ووحده من هل أشخاص تروح فصليه مااريد احرق الأحداث من خلال الوصف
