النصيب

بارت(17)

النصيب
🌻 evihadil 🌻

هن هواي بس جيب اليسولفهن ....

نمر:رجعت للبيت ويه وكت العشا كعدت دنتعشا يمه لعد وين منار

ام نمر:راحت تتعشا ويه شذى

نمر:وليش ميجون أهنأ يتعشون
ام نمر:يمه مو تدري شذى مريضه واليوم راحت تتعشا وياها حتى لاتضوج
نمر:انداريت على رهام .. اكلي زين حتى يتغذا وليدي زين
رهام:ابتسمتله إنشاءالله
نمر:خلصت عشا رحت كعدت اني وحسين بلهول  واجى عصام هم وراها كلها كامت تأخر الوقت صعدت فوق اتمددت مكدرت انام ضل بالي على شذى اني من ضربتها اذيتها وصارلها ٣ ايام مشايفها ومن اسئل امي تكلي مصخنه ومتكدر تكوم نزلت شفت الضوة بعده مفتوح يعني بعدها كاعده

شذى:خطيه منار اجتي تتعشا ويايه وكملنا راحت ودت الصينيه وبقت تحجيلي على ابن خالتها ووين وصل بلبيت وعلى حبهم دعيتلها من كل قلبي لأن منار طيبه وماكو مثلها تعللت يمي وراحت تنام باوعت ع الساعه صارت بالوحده كمت جبت الموس وكفت كمت ابجي واشهگ اني مااكدر ائذي نملة شلون راح اكتل نفسي بقيت ابجي واردد يارب اغفرلي لان حسوي هيج ياررب راسن انفتحت الباب

نمر:ولج شسوين سديت الباب .. شذى ذبيه من ايدج
شذى:انت معليك هي روحي لو روحك
نمر:هاي منو ضاربج ليش هيج وجهج ذبي الصخام خلي نتفاهم
شذى:مااذبه مااريد اعيش تعبت
نمر:ذبيه والي ترديه يصيرلج
شذى:مااريد شي اريد اموت
نمر:وج بوية اذا متي اني شيصير بحالي
شذى:ميصيرلك شي تكمل حياتك مثل ماهسه كملتها
نمر:شذى ياحياة الي عايشها  تدرين الينتحر يروح للنار وعذاب النار اكبر من عذاب الدنيا
شذى:ذبيت الموس وكعدت بالگاع خليت ايدي على وجهي وضليت ابجي بصوت واشهگ
نمر:رحت حضنتها ليش تسوين هيج مفكرتي بيه
شذى:تعبت
نمر:ولله احبج وحالي مثل حالج گلبي يتگطع من اشوفج مريضه لو متاذايه
شذى:انت چذاب انت هم مثلهم اذيتني ومتسمعني
نمر:موبيدي ولله موبيدي مااكدر نرجع مثل قبل
شذى:ليش مخليتني اموت ليش مااريد اعيش
نمر:اذا تردين تموتين موتيني يلى تموتين نفسج .. منو سوا بيج هيج وجهج كله كدمات
شذى:بجيت أكثر گتله تدري ليش سووا هيج لان شافوني لاحول ولا قوة وحده ضعيفه محد بضهرها اهلها عافوها وزوجها عافها وعرفوا بيها عقيم
نمر:شذى كولي منو سوالج هيج
شذى:مااعرف
نمر:بعياط كولي منوووو
شذى:دفعته وكمت يلى روح يم مرتك  عوفني بهمي
نمر:انتي هم مرتي
شذى:غلطان اني فصليتك
نمر:انتي مرتي وغصبن عن الكل
شذى:كافي نمر تعبانه
نمر:اذا متكليلي منو سوا بيج هيج هسه اروح اكعدهم كلهم واعرف منو سوا بيج هيج
شذى:خواتك وعمتك
نمر:صرت اعصاب طلعت من يمها ورحت للحديقه كعدت يعني طاولوا على مرتي وضربوها اني اعلمجن اذا ماادبچن فلا اطلع اني الشيخ نمر . ورا شوية خفت لاترجع تكتل نفسها رحت لكيتها نايمه تمددت يمها خليتها بحضني ونمت كعدت الصبح بعدها نايمه جوا عينها صاير اسود ووجها كله كدمات وجرح يم شفتها كمت رحت للمطبخ لكيت امي ومرت أبوية وعصام ومرته
نمر:صباح الخير
الكل:صباح النور
نمر:يمه ليش مگلتيلي ع الصار ويه شذى
ام نمر:يمه مو السالفه متسوا نشغل بالك بيها
نمر:يمه شلون متسوا انتي شفتي شذى شصاير بيها وشلون مكسراتها
عصام:شصاير
نمر:خواتك وعمتك هاجمات على شذى وكاتلاتها
سعاد:لا هي سمعتهن حجي وتهجمت عليهن
ام عصام:خافي ربج سعاد البنيه اصلا جانت بغرفتها وفاتن شايشات عليها
عصام:يمه سعاد متكذب
ام عصام:قصدك اني الي اجذب امداك وامدا البطن الشالتك
ام نمر:حجي ام عصام صح فاتن متحلفاتلها وانتي ياسعاد الي كلتيلهن هي عقيم ونمر هاجرها
سعاد:خاله عيب عليج رجليج بالگبر وتكذبين
نمر:عطت عصاااام الزم مرتك لا وحق القران اگلب الدنيا فوق راسكم كاعده تجاوز على امي وامك وساكت
عصام:سعاد مكايله شي كذب حجيها صح
ام عصام:يا عار اني بأذني سمعت مرتك تكللهن هاجرها ولاكفها ويا واحد بس يخاف يكول حتى العشيرة لاتكلب عليه وتگللهم وفوگاها طلعت عقيم
نمر:عيني صارت بگصتي ولج منو الي لاكفها ويا واحد ولله لو مو مرة اليوم اكسسرج بس اعرف شلون اكسر شوكتج متسبعه بهذا العار الي يغلطون على أمه وساكت
عصام:كاااافي عاد هواي دتجاوز
نمر:شو دتعال وكفخته وكتلته .بعد مالك كعده بهل بيت
عصام :لعد جيب حصتي انت واحد حرامي بحجت اشغللكم الورث تبوكه
نمر:اني مو حرامي وانت نفسك تعرف منو الحرامي أذكرك لو نسيت وامشي اخذ مرتك وجهالك واطلع وميشرفني يكون عندي اخ مثلك وحصتك توصلك
... اخذ مرته وصعد فوق وام عصام كامت تبجي رحت حضنتها وبست أيدها يمه لاتبجين خلي يبقى اهم شي انتي عندي متزعلين وتضوجين مني