النصيب

بارت(5)

النصيب
💮 evihadil 💮

لاشئ قد يمحو الم خسارة
شخص تحبه🖤

مروان:عشت هل يومين بالسجن عذاب مااعرف شلون الواحد يتحمل السجن سنين وبالي كله يم شذى هسه اكيد كاعده وتبجي ومن اجى عمي فرات دزيتلها رساله وهو طمني عليها وبيوم الطلعت جنت كلش مشتاق اشوفها واحضنها واشم عطرها وبطريقنا للبيت حسيت الطريق طويل شوكت اوصل واشوفها واطفي اشتياقي الها مصدكت وصلنه نزلت ركض فتحت الباب كلهم استقبلوني وتحمدولي بالسلامه وجدي محضر طلي ذبحه يم رجلي بس عيني دور روحي وحياتي ليش مو وياهم فتنا للهول وامي كاعده بصفي وحاضنتني وتبجي مكدرت اعوفها واصعد اشوف شذى عبالي زعلانه مني أو امي مانعتها تنزل لان اعرفها ضعيفه ومدافع متحملت أكثر كتلهم لعد شذاوي وين كلها رتبكت اكيد زعلانه مو محد يرد كمت اريد اروحلها
جدو:مروان تعال رايدك بشغله
مروان:جدو بس اشوف شذى واجيك
جدو:الشغله تخصها تعال
مروان:رحت ويه جدي لغرفته من فتت سد الباب كلي اكعد كعدت ..كتله جدو فهمني شصاير شذى بيها شي
جدو:لا مابيها شي بس
مروان:بس شنو جدو فدوة گلي
جدو :ابني انت الورطه الطلعت منها مو بالساهل حتى تطلع لازم ندفع ثمن كبير
مروان:يي 
جدو:يي .. وشذى راحت فصليه حتى تنقذك
مروان:كمت على حيلي دقيقة دقيقه شلون يعني فصليه  انتوا من كل عقلكم شلون تسوون هييييج شلووون ولكم هاي مرتي مالتي الي وحدي فقدت بقيت اعيط واصيح اجوي اهلي على الصوت
اسعد:لك حيوان لا تعلي صوتك على جدك اني مربيتكم على قلة الاحترام
ابو اسعد:خلي يفرغ الي بداخله هم حقه
مروان:لك يأبه وكت احترام انتوا اخذتوا روحي مني بعملتكم هاي موتوني لومخليني اموت لو اخيس  بلحبوس ولا تنطون بت قلبي فصليه حررام عليكم
طلعت من الغرفه رحت لغرفه شذى اريد اجذب حجيهم واكول مستحيل شذى تعوفني هي تحبني وتعرف شكد ادمر اذا عافتني ..بلكي الكاها بالغرفه ومرايحه

ام اسعد:يمه فرات روح شوفه لايسوي بروحه شي
فرات :يي يمه رايح
ابو اسعد: لاحول ولا قوة الا بالله .. الله يصبره
اسعد:يأبه تعال ارتاح
ابو اسعد :يا راحه تجيني واعز اثنين على قلبي مدمرين
ام مروان :تفرج إنشاءالله عمو
ابو اسعد: إنشاءالله بنيتي ..حضرولنا لكمه اريد أخذ علاجي
ام مروان: حاضر هسه احمي الاكل واصب .. يلى طيبه تعالي سوي الزلاطه
طيبه :اجيت
،،،،،،،،،،،،,,,,,,,,,,,
مروان:صعدت لغرفتها ملكيتها فتحت الكنتور ماكو ملابسها بس كم قطعه مبقيه اخذت دشداستها الي جنت اقلد عليها من تلبسها حضنتها للدشداشه ولله بعد مااقلد عليج من تلبسيها بس ارجعي اني  بدونج مثل السمج بدون مي
فرات:مروان لاتسوي بنفسك هيج اصبر ياعيني مو من نصيبك
مروان:لا هي نصيبي بس انتوا اخذتوها مني وانطيتوها فصليه لان ماعدها سند ويتيمه بحجه ماانكتل
فرات:لك انت شتخربط احنا كلنه سندها بس بالگعده رادوا فصليه وفلوس لو يكتلوك هي قبلت تروح فصليه حتى متنكتل فضلتك على نفسها واني مقبلت وحتى من راحوا سلموها مرحت لان ذبت نفسها بالنار
مروان:ڜوكت ودوها
فرات:اليوم ودوها
مروان:يعني خلص راحت بعد مااشوفها ولا احجي وياها وراح يعذبوها وياذوها اني لازم اتصرف مااخليها يمهم
فرات:مروان شبيك شلون تأخذها
مروان:انهزم وياها ماابقيها بالعذاب
فرات:لا انت اكيد تخبلت لك اذا نهزمت وياها يهدرون دمكم ماعدا المشاكل الي راح تصير كلنه يكتلونا
مروان:عيطت يعني شلوووون اخليها تتعذب مااكدر احبها اعشقها  هي النفس اليصعد والينزل
فرات: إنشاءالله يطلعون خوش ناس وماياذوها انت بس لاتسوي مشاكل احنا بغنى عنها ويلى كوم اسبح وبدل واكلك لگمه... انطيني الدشداشه ..اخذتها لك هاي شلون جانت تلبسها عبالك مال مجادي
مروان:ههههه جنت اكللها هيج وتزعل تكلي بس وكت الشغل ألبسها لان مريحه واراضيها بنستله گلكسي بچيت متحملت اضم دموعي
فرات:لو ادري مماكل تبن واذكرك ياعيني صير قوي وادعيلها الله يوفقها
مروان:هي جانت قوتي وهسه راحت وراحت وياها قوتي
فرات:ولله ماادري شگلك بس الله يساعدك كوم اسبح وامسح دموعك ترا ريحتك عمتني بس بعد مااتحمل أكثر من هيج
مروان:ههه رايح .كمت فتحت الباب
فرات:ولك وين مااخذ الدشداشه
مروان:منا ورايح هاي الدشداشه متفارك غرفتي بيها ريحتها
فرات:الله يصبرك ..حسيت بتعب تمددت على القريولة
طيبه:عمو انت هنا
فرات:بسم الله اكو واحد يفوت هيج چفت تمحمحي سوي صوت دگي الباب
طيبه:غير غرفتي وفتت راسن
فرات:صدك ماعدكم اكل متت جوع ومرتي مو بلبيت بيت اهلها
طيبه:عمو شو مرتك يوميا يم اهلها
فرات:وانتي شعليج خليها تروح تبقى يمهم يوم يومين شهر سنه هم ميخالف
طيبه؛ههههه أهنأ الحجي تريد تخلص منها
فرات:لاتدخلين بخصوصياتي
طيبه:ههه حاضر يلى كوم ترا صبينا
فرات:خلي اروح اكل اشبع كرشي
طيبه :ههههه

مروان:فتت للحمام بقيت جوا مي الحار
طيبه:مروان انت هنا
مروان:يي شرايدة
طيبه:تعال اكل
مروان:مااريد
طيبه:تمام .... انقهرت هواي على مروان وشذى وشلون تفرقوا وهما واحد يموتون على بعض .. اني مكدرت اروح لان احب ومااريد يضيع مني فاختاريته ومختاريت حرية اخويه

مروان :طلعت من الحمام تمددت اخذت موبايلي بقيت اخابر شذى ومترد وادزلها رسايل اريد بس اسمع صوتها وارزلها لان ابتعدت عني بقيت اخابر مجاوب كمت شربت حبوب منوم ونمت  كعدت ب ٣ الفجر فتحت الموبايل وشفت رسالتها وكاتبه السويته كله لخاطرك ولخاطر لاتموت المهم عندي نفسك بالدنيا ولا ادفنك جوا التراب .. ورجأآ بعد لا تتصل ودز اني على ذمه رررررجال ..وحاضرتني .انقهرت أكثر من مااني مقهور هاي تاليها نفترق بيوم وليلة انكلب كلشي بينا متت قهر من كالت على ذمه رجال اكيد حضنها ولمسها جنت اتمنى ابوسها وتصير على اسمي جنت بس احضنها وابوسها من خدها لو جبينها مااتماده وياها جنت اتمنى تكون ام جهالي ومرتي بس مو كلشي نتمناه نحصله بقيت كاعد و١٠٠٠ فكرة جني ببالي ساعه اكول اخذها وساعه اكول انتحر بس استغفرت ربي وطمت توضيت وصليت وبقيت ادعي .. ياربي انت اعلم بحالي وبنار قلبي يارب شيلها من قلبي مااريد اسوي شي ياذيها يااااارب صبرني على فراگها يارب ووفقها بحياتها ...نزلت جوا رحت للمطبخ طلعتلي خيارة ورحت للحديقه بقيت كاعد مااعرف شكد محسيت على نفسي عبالك غايب عن الوعي محسيت لحد مابيبي تصيح باسمي وتهز بجتفي
ام اسعد:مروان . يمه شمكعدك أهنأ مو من عوايدك تكعد بهيج وكت
مروان:ليش ليش الساعه
ام اسعد:ب ٦ ونص .شبيك وليدي
مروان:مابيه شي بيبي
ام اسعد:عندي امانه الك
مروان:من شذى
ام اسعد :يي هسه اجيبها
مروان:احس ببرود مو طبيعي حتى باجوبتي
ام اسعد:فتحت أيده وخليت الحلقه
مروان:خلت الحلقه بيدي سديت ايدي عليها وضليت صافن
ام اسعد:اسمعني يمه انت مؤمن وكلشي قسمه ونصيب شذاوي نقذتك من الموت انكتبلك عمر جديد ورب العالمين انطانا نعمه النسيان مااكلك راح تكدر تنساها اكيد حتبقى تذكر المواقف واللحظات الصارت وياكم بس ياوليدي هي هسه على ذمه رجال هي شغله فترة وتنسى وتبلش حياتك وتزوج وشذى امنتني اكلك كمل حياتك وانساها 
مروان:دمعت عيني .. بيبي الحجي ماكو اسهل منه
بيبي:عيون بيبيتك ادري ماكو اسهل منه بس حاول الهي نفسك لاتاذي روحك
مروان: إنشاءالله حضنتها ..علاقتي ببيبي عبالك هي امي تحس بيه وبوجعي وتهون عليه دائما من اريد شي التجئلها  هي ربتني بيبي عدها حنيه محد شايل مثلها
......بيبي انتي شمگعدج بهيج وكت اني اعرفج اذا متصير الساعه ب ٨ متكعدين
ام اسعد:اذا اكلك مراح تصدك
مروان:بيبي شلون مااصدك بيج
ام اسعد:حلمت بيك كاعد بالحديقه وتبجي واجتي حيه حاوطتك فزيت ..وكمت صعدت لغرفتك ملكيتك نزلت للحديقه ارتاحيت من شفتك عبالي سويت بنفسك شي
مروان:بيبي تدرين فكرت انتحر بس مااريد اخسر الآخر
ام اسعد:ازعل عليك اذا تحجي بهيج شي او تسويه انت مؤمن حرام هذا الحجي إنشاءالله تتأقلم ويه فراقها وتنسى
مروان: إنشاءالله
ام اسعد :كوم خلي اسويلك لكمه تاكلها من البارحه مااكلت شي
مروان:لا مااريد اتعبج ..اني اسوي
ام اسعد:ياتعب هو جاي واخليه ع النار واجبان اطلعهن وناكل ..شوفلي بيش الساعه
مروان:٧وربع
ام اسعد:كوم جيبلنا صمون
مروان:تدللين يا احلى بيبي بالدنيا
ام اسعد :حبيبي

يتبع .....