النصيب
💘 evihadil 💘
شحلاتك من تمر ع البال ..
تأخذ حيل عافيتي🖤🖤
سماح :جبت صينيه اكل لامي وشذى ..يلى كومن اكلن
شذى:كعدنا ناكل علمود بيبي هم تأكل وراها علاج .. عمه لعد وين رفولة وعلاوي
سماح:عفتهم يم عمتهم وبيبيتهم
شذى:ليش مجبتيهم
سماح:الطريق طويل واهنا اني اكثر شي واكفه بالمطبخ ونطبخ ونسوي ماالحك احك راسي وهوسه
شذى:يي صح ... بيبي شربت علاجها ونامت ..عمه كملتي اشيل الصينية
سماح:عوفي الصينية اريد احجي وياج
شذى:كولي عمه
سماح:شلون تسوين بنفسج هيج وذبين روحج بلنار
شذى:عمه رادوا يكتلون مروان مكدرت ابقى اتفرج
سماح:ضيعتي نفسج
شذى:لا عمه الحمدلله عيالي خوش ناس والشيخ هم حباب ومخليني على راحتي وكله يصيحولي مرت الشيخ وهو اصلا ميحب سالفه الفصليه ومعارض عليها واخوه هو الي جان كاعد بالديوان من طلبوا ومارفض ماراد يكسر بكلمه أخوه
سماح:الحمدلله عبنج يتيمه رب العالمين نقذج يمكن اهناك احسلج من يم هاي الحيه ..تدرين عمج كاظم اجى وزعل وعاف الفاتحه لان عرف منطيج فصليه
شذى:عمه شلون عاف فاتحت أبوه
سماح:علمودج وتبرا منا كلنه
شذى:اني احجي وياه وافهمه
سماح:يي
شذى:كمنا نظفنا البيت وكملنه
شذى:طيبه اريد دشداشه سودة عبايتي تبللت وملابسه دشداشه سودة عيب مترهم
طيبه:يي عندي فتحي الكنتور واخذي
شذى:لا انتي انطيني مترهم أخذ
طيبه:ولج خبله هدومي هي هدومج
شذى:بستها من خدها ورحت للغرفه واجتي الذكريات الي ماانساه هزيت راسي بمعنى اوخر الافكار وأخذت الدشداشه بدلت وفتحت الباب اريد انزل راسن انسحبت طلع مروان اني ناعمه وقصيرة وهو ضخم من سحبني عبالك سحب ريشه هههه فوتني لغرفته وسد الباب اني ارتجيت عل باب بقينا واحد صافن ع الاخ محجينا ولا شي وتقربلي يريد يبوسني من شفتي صارت مسافه إصبعين بيناته رجعت لوعيي اني على ذمه غيره وحرام عليه راسن وخرت وجهي
مروان:ليش عفتيني
شذى:معفتك بس النصيب الي فرقنا
مروان:أشرت على قلبي وكتلها وهذا شيفهمه بالنصيب
شذى:راح تنسى
مروان:وانتي
شذى:اني هم انسى
مروان:وهيج بسهولة
شذى:يي بسهولة امحيك
مروان:انتي نفسج شذى الي تحبني وتموت عليه
شذى:يمكن محبيتك بس تعودت عليك ولأن تحميني ودافعلي عبالي حبيتك
مروان:لاچذبين
شذى:مااعرف مين اجتني القوة والجراه احجي وياه هيج جان لازم اسوي هيج ..... مااجذب بس من رحت عرفت اني محبيتك ابد ومثل متعودت عليك راح اتعود عليه .. اباوع عليه عصبي وعيونه دم يمكن لو بيده يگطعني
مروان:لمسج مو
شذى:يي وصرت مرته
مروان:قصدج فصليته طاح حضج وحضه وياج لأن راضيه بهيج عيشه
شذى:اول مرة اشوفه يحجي عليه .. دفعته ورفعت اصبعي عليه وكتله مااسمحلك تحجي على زوجي
مروان:بعياط انتي وحده حقيرة ورگعتها براشدي
شذى:من عاط ورگعني راشدي راسن فتحت الباب ورحت للغرفه سديت الباب وكعدت ابجي مااعرف شلون حجيت وياه هيج
أنت تقرأ
النصيب
Romanceالقصة دور على اربع اشخاص ووحده من هل أشخاص تروح فصليه مااريد احرق الأحداث من خلال الوصف
